ފެށުން 4:17 - ކިތާބުލް މުޤައްދަސާ

¹⁷ ޤާޔީން އޭނާގެ އަންހެނުންނާއިއެކު ރޭކުރިއެވެ. އޭގެފަހުން އޭނާގެ އަންހެނުން ބަލިވެ އިނދެ ޙަނޫކު ވިހެއެވެ. އޭރު ޤާޔީން ރަށެއް ބިނާކުރަމުން ދިޔައެވެ. އޭނާ އެރަށަށް ނަންދިނީ އޭނާގެ ފިރިހެން ދަރިފުޅު ޙަނޫކުގެ ނަމުންނެވެ.

ފެށުން 4:17 ပူးပေါင်းရင်းမြစ်များ

ފެށުން 11:4

އެމީހުން ބުންޏެވެ. ”⁠ދެން ހިނގާ ރަށެއް ބިނާކުރަން. އަދި އުޑާއި ހަމަޔަށް ފޯރާވަރުގެ މުންނާރެއް ހަދަން. އޭރުން އަހަރެމެންގެ ނަން މަޝްހޫރު ވެދާނެ. ކީއްކުރަން އަހަރެމެން މުޅި ދުނިޔެއަށް ފެތުރެންވީއަކީ؟⁠“

ފެށުން 4:16

ދެން ޤާޔީން މާތްރަސްކަލާނގެ ކިބަފުޅާ ދުރަށް ގޮސް ޢަދަންގެ އިރުމަތީ ފަރާތުގައިވާ ނޫދުއޭ ކިޔުނު ސަރަހައްދުގައި ދިރިއުޅެން ފަށައިފިއެވެ.

ފެށުން 4:18

ޙަނޫކު ބޮޑުވެގެން އޭނާއަށް ލިބުނު ދަރިފުޅުގެ ނަމަކީ ޢީރާދު އެވެ. ޢީރާދު ބޮޑުވެގެން އޭނާއަށް ލިބުނު ދަރިފުޅުގެ ނަމަކީ މަޙޫޔާއީލް އެވެ. އަދި މަޙޫޔާއީލް އަކީ މަތޫޝާއީލްގެ ބައްޕައެވެ. މަތޫޝާއީލް އަކީ ލާމިކުގެ ބައްޕައެވެ.

ފެށުން 5:18

ޔާރިދުގެ އުމުރުން ސަތޭކަ ފަސްދޮޅަސް ދެ އަހަރުގައި އޭނާއަށް އިދުރީސްގެފާނު ލިބުނެވެ.

ފެށުން 5:22

މަތޫޝާލިޙު ލިބިވަޑައިގަތުމަށް ފަހު ތިންސަތޭކަ އަހަރު އެކަލޭގެފާނު މާތްކަލާނގެ ރުހިވޮޑިގަންނަވާ މަގުން ހިންގެވިއެވެ. އަދި އެކަލޭގެފާނަށް އިތުރު ދަރިދަރިކަލުންނާއި ދަރިދަރިކަނބަލުން ވެސް ލިބިވަޑައިގަތެވެ.

2 ޞަމޫއީލް 18:18

އަބްޝާލޫމް ދުނިޔޭގައި ހުރިއިރު އޭނާ ވަނީ ރަސްގެފާނުގެ ވާދީގައި މިހެން ކިޔައި ހިލައެއް ބަހައްޓާފައެވެ. ”⁠މިއީ އަހަރެންގެ ދަރިޔަކު ނެތީމާ އަހަރެންގެ ނަން ދަމަހައްޓަން ބަހައްޓާ ހަނދާނީ ހިލައެއް.⁠“ އަބްޝާލޫމްގެ ހަނދާނީ ހިލައޭ ކިޔާހިލަ މި ލިޔާއިރު ވެސް އެބަހުއްޓެވެ.