ފެށުން 17:13 - ކިތާބުލް މުޤައްދަސާ

¹³ ކޮންމެ ފިރިހެނަކު ވެސް ޚިތާނު ކުރަން ޖެހޭނެ. އަދި މި ކަމަކީ ދުނިޔަވީ ގޮތުން ތިމަންކަލާނގެ އާއި ތިބާއާއި ދެމެދު ވެވިފައިވާ ޢަހުދުނާމާގެ ފުރިހަމަ ނިޝާން.

ފެށުން 17:13 ပူးပေါင်းရင်းမြစ်များ

ފެށުން 14:14

އަބްރާމްއަށް އެކަލޭގެފާނުގެ ބޭބެގެ ފިރިހެންދަރިފުޅު ހިނގާދިޔަ ހަނގުރާމައިގައި ހައްޔަރުވި ޚަބަރު ލިބުމުން އެކަލޭގެފާނުގެ ހަތިޔާރުއެޅި ލަޝްކަރުންނަށް ތައްޔާރު ވުމަށް އެންގެވިއެވެ. ތިން ސަތޭކަ އަށާރަ ފަހުލަވާނުން ހިމެނޭ މި ލަޝްކަރު އެ ހަތަރު ރަސްކަލުން ހޯދުމަށް ގޮސް އެމީހުން ފެނުނީ ދާނުއޭ ކިޔާ ރަށުންނެވެ.

ފެށުން 15:3

އިނބަރަސްކަލާނގެ މިއަޅާއަށް ދަރިއަކު ނުދެއްވާ. މިއަޅާގެ ހުރިހާ މިލްކިއްޔާތެއް ދާނީ މިއަޅާގެ ކޮންމެވެސް ޚާދިމެއްގެ އަތްމައްޗަށް.⁠“

ފެށުން 17:7

އަދި ތިބާގެ ދަރިފަސްކޮޅުގެ އަންނަން އޮތް ޖީލުތަކާއި ހަމައަށް މި ޢަހުދުނާމާ ނިމުމެއް ނުވާނެ ފަދައިން ދެމިގެންދާނެ. ތިމަންކަލާނގެ ވާހުށީ ތިބާއާއި ތިބާގެ ދަރިކޮޅުގެ ކަލާނގެ ކަމުގައި.

ފެށުން 37:27

އެކަލޭގެއަކީ އަހަރެމެން އަޚެއްމެ. އަހަރެމެން އެކަލޭގެ މަރުގެ ޒިންމާ ނެގުމުގެ ބަދަލުގައި މިއަންނަ އިސްމާޢީލީންގެ ގާފިލާގެ ވިޔަފާރިވެރިއަކަށް އެކަލޭގެ ވިއްކާލަމާ ހިނގާ!⁠“ މިގޮތާއިމެދު ޔަހޫޛާގެ އެންމެހާ އަޚުން އެއްބަސްވިއެވެ.

ފެށުން 37:36

އެ ހިނދު ޔޫސުފުގެފާނު ގަތް ވިޔަފާރި ގާފިލާ މިޞްރަށް ހިނގައްޖެއެވެ. އަދި އެކަލޭގެފާނު ގަތް މިދްޔާން ވަންހައިގެ ވިޔަފާރިވެރިން މިޞްރުގެ ރަސްގެފާނުގެ ގަނޑުވަރުގެ ސަލާމަތީކަންތައް ބަލަހައްޓާ ވަޒީރު ފޫޠީފާރުއޭ ކިޔުނު މީހަކަށް އެކަލޭގެފާނު އަޅުކުއްޖެއްގެ ގޮތުގައި ވިއްކާލެއްވިއެވެ.

ފެށުން 39:1

އިސްމާޢީލީންގެ ވިޔަފާރި ގާފިލާއިން ޔޫސުފުގެފާނު ބައްލަވައިގަތުމަށް ފަހު އެ ގާފިލާ އާއި އެކުގައި އެކަލޭގެފާނު މިޞްރަށް ގެންދެވިއެވެ. އަދި އިސްމާޢީލީންގެ މި ވިޔަފާރި ގާފިލާއިން މިޞްރުގެ ރަސްގެފާނު ސަލާމަތީކަންތަކާ ބެހޭ ވަޒީރު ފޫޠީފާރުއަށް މިޞްރުގައި އެކަލޭގެފާނު ވިއްކާލެއްވިއެވެ.

ފެށުން 9:16

ކޮންމެ ފަހަރަކު ވެސް އެވިއްސާރަދުނި ފާހަގަކުރައްވައި، ތިމަންކަލާނގެއާއި ދިރިހުރި ހުރިހާ ތަކެއްޗާއި ދެމެދުގައި މިކުރެއްވުނު ނިމުމެއް ނުވާ ޢަހުދުނާމާގެ މަތިން ހަނދުމަފުޅު ކުރައްވާނަން.

ނެރުއްވުން 12:44

އެކަމަކު ކަލޭމެން ގަނެގެން ގެންގުޅޭ އަޅަކު ޚިތާނު ކޮށްފައި ވާނަމަ އޭނާ އެއިން ކެޔަސް އެންމެ ރަނގަޅު.

ނެރުއްވުން 21:16

ގަދަކަމުން މީހުން އަތުލައިގަންނަ މީހުން ވެސް މަރާލަން ޖެހޭނެ. އެއީ އެ އަތުލައިގަތް މީހުން އޭނާ ގެންގުޅުނު ކަމުގައިވިޔަސް ނުވަތަ ވިއްކާލި ކަމުގައިވިޔަސްމެ.

ނެރުއްވުން 21:2

ކަލޭމެން ޢިބްރާނީންގެ އަޅަކު ގަނެފިނަމަ އޭނާ ހަ އަހަރަށް ވުރެން ގިނަ ދުވަހު ގެންގުޅެގެން ނުވާނެ. ހަތްވަނައަށްވާ އަހަރު އޭނާ މިނިވަން ކުރަން ވާނެ. އޭނާ މިނިވަން ވުމަކަށް އަގެއް ދައްކާކަށް ނުޖެހޭނެ.

ނެރުއްވުން 21:4

އޭނާގެ ވެރިމީހާ އޭނާއަށް އަނތްބަކު ދީ އަދި އެ އަނބިމީހާގެ ފަރާތުން އޭނާއަށް ދަރިން ލިބިފައިވާނަމަ، ހަތްވަނަ އަހަރު އޭނާ މިނިވަން ވާއިރު މިނިވަން ވާނީ އަޅުކަލޭގެ އެކަނި. އެ އަނބިމީހާއާއި ދަރިންނަކީ ސާހިބުމީހާގެ މިލްކެއް.

މައްތާ 18:25

ނަމަވެސް އެ ޚާދިމުގެ ކިބައިގައި އޭނާ ރަސްގެފާނަށް ދަރާފައިވާ ދަރަނި އަދާކުރެވޭފަދަ ތަނަވަސްކަމެއް ނެތް. ވީމާ ރަސްގެފާނު އަމުރު ކުރެއްވީ އޭނާއާއި އޭނާގެ އަނބިމީހާއާއި ދަރިންނާއި އަދި އޭނާގެ މިލްކިއްޔާތުގައިވާ އެންމެހާ ތަކެއްޗެއް ވެސް ވިއްކާލުމަށް. އެއަށް ފަހު އެފައިސާއިން އޭނާ ރަސްގެފާނަށް ދަރާފައިވާ ދަރަނި އަދާކުރުމަށް.