ފެށުން 1:12 - ކިތާބުލް މުޤައްދަސާ

¹² ބިމުން ގަސްގަހާގެހި ފަޅައި އޮށް ހުރި ގަސްތައް ފަޅައި މޭވާގައި އޭގެ އޮށް ހުރި ގަސްތައް ފަޅައި އެއިން ކޮންމެ ބާވަތެއް އެވައްތަރެއްގެ ގަހެއްގެ ގޮތުގައި ފަޅައިފިއެވެ. ދެން އެގަސްތައް ރަނގަޅުކަމަށް މާތްކަލާނގެ ދެކެވޮޑިގަތެވެ.

ފެށުން 1:12 ပူးပေါင်းရင်းမြစ်များ

ފެށުން 1:11

އެއަށް ފަހު މާތްކަލާނގެ ވަޙީކުރެއްވިއެވެ. ”⁠ބިމުން ގަސްގަހާގެހި ފަޅާ! އޮށް ހުރި ގަސްތަކާއި މޭވާގައި އޮށް ހުންނަ ގަސްތަކާއި މިފަދަ ކޮންމެ ބާވަތެއް ބިންމަތީގައި ހެދޭ!⁠“ ދެން މިކަންތައް އެ ގޮތަށް ހިނގައިފިއެވެ.

ފެށުން 1:13

ރޭވެފައި އަލިވެއްޖެއެވެ. އެއީ ތިންވަނަ ދުވަހެވެ.

މަރުކުސް 4:28

ބިމުގެ ފަސްގަނޑުން ތަބީޢަތުގައި ގަސްފަޅައި ގޮވާން ލިބޭ. އެންމެކުރިން ގަހުގެ ތަނޑު ފާޅުވެ ކުރާގަނޑު ނުކުމޭ. ދެން އެންމެފަހުން މުޅި ކުރާގަނޑު ގޮވާމުން ފުރޭ.

ލޫކާސް 6:44

ގަހަކުން ލިބޭ ފައިދާ އެނގޭނީ އެގަހެއްގައި އަޅާ މޭވާއެއްގެ ގޮތުން. ކަށި ގަހަކުން މީހަކަށް ވައްތީންޏެއް ނުބިނދެވޭނެ. އަދި ކަށި ވެލަކުން މޭބިސްކަދުރެއް ވެސް ނުލިބޭނެ.

ގަލާތިޔާގެ މަސީޙީންނަށް ސިޓީ 6:7

މާތްރަސްކަލާނގެ ކިބަފުޅަށް އޮޅުވާލެވިދާނެ ކަމަށް ހީނުކުރައްޗެވެ. އެމީހަކު ކުރި އަމަލެއްގެ ނަތީޖާ އެމީހަކަށް ފެންނާނެ އެވެ. މިކަންތަކަށް އޮޅުވާނުލައި ސަމާލުވެ ތިބޭށެވެ. ޔަޤީނުން ވެސް އެމީހަކަށް ލިބޭނީ އެމީހަކު އިންދި އޮށަކުން ފަޅާ ގަހެއްގެ މޭވާއެވެ.

ޢިބްރާނީންނަށް ސިޓީ 6:7

ބިމަށް ވާރޭ ވެހި ދަނޑުތައް ތެމި ދަނޑުވެރިޔާއަށް އެބިމުން ރަނގަޅު ގޮވާން ލިބުމަކީ އެބިމުގައި މާތްކަލާނގެ ލައްވާ ބަރަކާތެކެވެ.