ނެރުއްވުން 9:34 - ކިތާބުލް މުޤައްދަސާ

³⁴ އެ ވަރުގަދަ ތޫފާނު ހިމޭންވެގެން ދިޔަތަން ފިރުޢައުނަށް ފެނި ވަޑައިގަތުމުން ވެސް، އެރަސްގެފާނާއި ރަސްގެފާނުގެ ވަޒީރުން އަނެއްކާވެސް ނުކިޔަމަންތެރި ވެއްޖެއެވެ. އެބޭފުޅުންގެ ބޯހަރުކަން އަދިވެސް ބޮޑަށް އިތުރުވެއްޖެއެވެ.

ނެރުއްވުން 9:34 ပူးပေါင်းရင်းမြစ်များ

ނެރުއްވުން 4:21

މާތްރަސްކަލާނގެ މޫސާގެފާނަށް އަނެއްކާވެސް ވަޙީކުރެއްވިއެވެ. ”⁠ކަލޭ މިޞްރަށް ގޮސް އަހަރެން ކަލެއަށް ކުޅަދާނަކަށް ދީފައިވާ ހުރިހާ މުޢުޖިޒާތްތަކެއް ފިރުޢައުނަށް ދައްކާ. ނަމަވެސް އޭނާއަކީ ބޯހަރު ގޮތްދޫނުކުރާ މީހަކަށް އަހަރެން ހަދާނަން. އޭރުން އޭނާ އެމީހުން ދިޔަކަ ނުދޭނެ.

ނެރުއްވުން 7:14

ދެން މާތްރަސްކަލާނގެ މޫސާގެފާނަށް ވަޙީކުރެއްވިއެވެ. ”⁠ފިރުޢައުނު ވަރަށް ބޯ ހަރުވާނެ. އޭނާ އެމީހުން ދިޔަކަ ނުދޭނެ.

ނެރުއްވުން 8:15

ބޮއްތަކުގެ މުސީބާތުން ސަލާމަތްވުމުން ވެސް ފިރުޢައުނުގެ ގޮތެއް ދުލެއް ނުކުރެއްވިއެވެ. މާތްރަސްކަލާނގެ ވަޙީކުރައްވާފައިވާ ފަދައިން މޫސާގެފާނާއި ހާރޫނުގެފާނު ގެ ބަސްފުޅެއް އެރަސްގެފާނު ނޭއްސެވިއެވެ.

ނެރުއްވުން 9:33

މޫސާގެފާނު ފިރުޢައުނުގެ އަރިހުން ރަށްބޭރަށް ނުކުމެ ވަޑައިގެންފިއެވެ. ދެން އެކަލޭގެފާނު އަތްޕުޅު އުފުއްލަވައި މާތްރަސްކަލާނގެއަށް ދުޢާ ދެންނެވިއެވެ. އެއާ އެކު ގުގުރުމާއި ވިދުމާއި ގަނޑުފެނުގެ ތޫފާން މައިތިރިވެއްޖެ އެވެ. އޮހެމުން ދިޔަ ވާރޭ ވެސް ހުއްޓާލައިފި އެވެ.

ނެރުއްވުން 9:35

މާތްރަސްކަލާނގެ މޫސާގެފާނަށް ވަޙީ ކުރެއްވި ފަދައިން ފިރުޢައުނުގެ ގޮތެއް ދުލެއް ނުކުރެއްވިއެވެ. އަދި އިސްރާއީލީން ދިއުމަކަށް އެރަސްގެފާނު ހުއްދައެއް ވެސް ނުދެއްވިއެވެ.

1 ޞަމޫއީލް 6:6

މިޞްރުގެ މީހުންނާއި ފިރުޢައުނު ފަދައިން ގޮތް ދޫނުކުރަން ނޫޅޭ. މާތްކަލާނގެ އެމީހުންނަށް އެތައް މުސީބާތެއް ކުރިމަތި ކުރެއްވީމާ އެންމެފަހުން އިސްރާއީލުގެ މީހުން ދާނެތަނަކަށް ދާން އެމީހުން ދޫކޮށެއް ނުލައްވާ ތަ؟