ނެރުއްވުން 40:34 - ކިތާބުލް މުޤައްދަސާ

³⁴ އެވަގުތު ވިލާގަނޑު އައިސް ފޭލިގެކޮޅުގެ މައްޗަށް ފެތުރިއްޖެއެވެ. އަދި މާތްރަސްކަލާނގެ ޖަލާލަތުވަންތަ ނޫރުފުޅުން އެ ފޭލިގެކޮޅު ދިއްލި ފުރިގެން އަތުވެއްޖެއެވެ.

ނެރުއްވުން 40:34 ပူးပေါင်းရင်းမြစ်များ

2 ޞަމޫއީލް 7:6

ތިމަންކަލާނގެ އިސްރާއީލުގެ މީހުން މިޞްރުން ނެރުއްވީއްސުރެން ވެސް ތިމަންކަލާނގެ ގެއެއްގައި ވޮޑިގެންފައެއް ނުވާނެޔޭ. ތިމަންކަލާނގެ ވޮޑިގެންފައި ވަނީ އެއްތަނުން އަނެއްތަނަށް ދަތުރު ކުރި ފޭލިގެއެއްގައޭ.

ނެރުއްވުން 14:24

ފަތިސްދަމަށް އެޅުނުތަނާ މާތްރަސްކަލާނގެ އަލިފާނާއި ވިލާގެ ތަނބުގެ ތެރޭން މިޞްރު މީހުންގެ މައްޗަށް ބައްލަވާ ވޮޑިގެން އެމީހުންގެ ލަޝްކަރު އޮޅުން ބޮޅުންވާނެހެން ހައްދަވައިފިއެވެ.

ނެރުއްވުން 16:10

ހާރޫނުގެފާނު އިސްރާއީލީންގެ ޖަމާޢަތުގެ މީހުންނާ ވާހަކަ ދައްކަވަން ހުންނަވަނިކޮށް ސަހަރާގެ ތެރެއަށް އެމީހުން ބަލާލިއިރު ވިލާގަނޑެއްގެ ސިފައިގައި މާތްރަސްކަލާނގެ ޖަލާލަތުވަންތަ ކަމުގެ މަތިވެރިކަން ފެނިގެން ދިޔައެވެ.

ނެރުއްވުން 25:8

އިސްރާއީލީން ލައްވާ ތިމަން ކަލާނގެ އެމީހުންގެ ގާތު އުޅުއްވުމަށް ކަމުދާ ކަހަލަ މާތް ގެކޮޅެއް ތައްޔާރު ކުރުވާ.

ނެރުއްވުން 29:43

އެތަނުގައި އަހަރެން އިސްރާއީލީންގެ މީހުންނާ ބައްދަލު ކުރާނަން. އެއީ އަހަރެންނަށް ޚާއްސަ ކުރެވި ކަރާމާތްތެރި ވެގެންވާ ޖަލާލަތުގެ މަޤާމު.

ނެރުއްވުން 33:9

މޫސާގެފާނު އެތެރެއަށް ވެދެ ވަޑައިގަތުމުން ވިލާގެ ތަނބު ތިރިޔަށް އައިސް ފޭލިގެކޮޅުގެ ދޮރުމަތީގައި ހުރެއެވެ. އަދި މާތްރަސްކަލާނގެ އެ ތަނބުގެ ތެރޭން މޫސާގެފާނަށް ބަސްފުޅު ވަޙީކުރައްވައެވެ.

ހާމަކޮށްދެއްވުންތަކެއް 15:8

އިސާހިތަކު މާތްރަސްކަލާނގެ ޖަލާލަތުވަންތަ ކަމުންނާއި އެކަލާނގެ ބާރުފުޅުން ފޮނުއްވި ދުންތަކުން އެ ގެކޮޅު ފުރިގެން ވިއެވެ. މާތްރަސްކަލާނގެ އެ ހަތް މަލާއިކަތުންގެ އަތްޕުޅުގައި ވީ ހަތް މުސީބާތް ފޮނުއްވައި ނިމެންދެން އެއްވެސް މީހަކަށް މާތްކަލާނގެ ގެކޮޅުގެ ތެރެއަށް ނުވަދެވުނެވެ.

ހާމަކޮށްދެއްވުންތަކެއް 21:3

ތަޚުތުން ހަރުއަޑުން މިފަދައިން މުޚާތަބު ކުރި އަޑު އަހަރެން އެހީމެވެ. ”⁠މާތްރަސްކަލާނގެ މިހާރު މިވަނީ އިންސާނުންނާއި އެކުގައި! އެކަލާނގެ އެބައިމީހުންނާއި އެކުގައި ޙަޔާތު ވޭތުކުރައްވާނެ. އަދި އެބައިމީހުންނަކީ އެކަލާނގެ މީސްތަކުންމެ. އެބައިމީހުންނާއި އެކުގައި އެކަލާނގެ ވޮޑިގެންވާނެ. އަދި އެކަލާނގެއީ އެބައިމީހުންގެ މާތްކަލާނގެ ވެސްމެ.