ނެރުއްވުން 38:1 - ކިތާބުލް މުޤައްދަސާ

¹ ދެން ބަޞަލީލު އަކާސިޔާ ލަކުޑިން ޤުރުބާނީ އަންދާ އައްޓެއް ހެދިއެވެ. އެއަށި ހެދީ ހަތަރެސް ކަނަށެވެ. އެ އަށީގެ ދިގުމިނުގައި ހަތް ފޫޓުބައި، ފުޅާމިނުގައި ހަތް ފޫޓުބައި، އުސްމިނުގައި ހަތަރު ފޫޓު ބައި ހުއްޓެވެ.

ނެރުއްވުން 38:1 ပူးပေါင်းရင်းမြစ်များ

ނެރުއްވުން 25:5

ހިއްކައި ރަތްކުލަ ޖައްސާފައިވާ ފިރިހެން ކަންބަޅީގެ ހަމާއި މޮޅު ބަކަރި ހަން؛ އަކާސިޔާ ލަކުޑި؛

ނެރުއްވުން 30:17

ދެން މާތްރަސްކަލާނގެ މޫސާގެފާނަށް ވަޙީ ކުރެއްވިއެވެ.

ނެރުއްވުން 31:9

ޤުރުބާނީ އަންދާ އައްޓާއި ފެން ބިލިގާއާއި އޭގެ ހަރާއި

ނެރުއްވުން 38:2

އޭގެ ކޮންމެ ކަނެއްގައި ޖަނަވާރު ދަޅެއްފަދައިން އުފުލިފައިވާ ބައެއް، އައްޓާ އެއްކޮށް އެކަތިގަނޑެއްގެ ގޮތުގައި ހަދާފައި ހުއްޓެވެ. މުޅި އަށީގައި ވަނީ ކަފުލޯ ފަށަލައެއް ލާފައެވެ.

ނެރުއްވުން 40:29

އަދި ޤުރުބާނީ އަންދާ އަށިވެސް ފޭލިގެކޮޅު ކުރިމަތީގައި ބަހައްޓަވައިފިއެވެ. އެތަނުގައި އެކަލޭގެފާނު ޤުރުބާނީއެއް އަންދަވައި ގޮދަން ވެދުން ކުރެއްވިއެވެ. އެއީ ވެސް މާތްރަސްކަލާނގެ އެންގެވި ފަދައިންނެވެ.

ނެރުއްވުން 40:6

ޤުރުބާނީ އަންދާ އަށި ފޭލިގޭގެ ދޮރުން ބޭރުގައި ބަހައްޓާ.

ޔޫޙަންނާ 6:37

އަހަރެންގެ ބައްޕާފުޅު އަހަރެންނަށް ދެއްވާ އެންމެން އަހަރެންގެ ގާތަށް އަންނާނެ. އަހަރެންގެ ގާތަށް އައި އެއްވެސް މީހަކު އަހަރެން އަނބުރާ ފޮނުވައެއް ނުލާނަން.

ޢިބްރާނީންނަށް ސިޓީ 13:10

އަހަރެމެންނަށް ލިބިފައިމިވާ އަޅުކަމުގެ މަޤާމަކީ އެތަނަކުން ފޭލިގެކޮޅުގެ އިމާމުންނަށް ވެސް ކައިބޮއި ހެދުމުގެ ހުއްދަ ލިބިގެން ނުވާތަނެކެވެ.

ޢިބްރާނީންނަށް ސިޓީ 13:8

އީސާ އަލްމަސީޙަކީ އިއްޔެއާއި އަދި މިއަދު ވެސް އަދި ތާއަބަދުވެސް ބަދަލެއް ނުވެ ހުންނަވާނެ ބޭކަލެކެވެ.

ޢިބްރާނީންނަށް ސިޓީ 3:1

އަހަރެންގެ މާތް އަޚުންނާ އުޚުތުންނޭވެ! މާތްރަސްކަލާނގެ އެކަލާނގެ މާތްކުރެއްވި މީހުން ކަމުގައި ކަލޭމެން ވަނީ ޚިޔާރު ކުރައްވާފައެވެ. ވުމާއެކު ކަލޭމެން އީސާގެފާނާމެދު ފުންކޮށް ވިސްނާށެވެ. އެކަލޭގެފާނަކީ އަހަރެމެންގެ މައްޗަށް ފޮނުއްވުނު ކަލޭގެފާނެވެ. އަދި އަހަރެމެންގެ މައްޗަށްވާ އުއްތަމަ އިމާމު ވެސް މެއެވެ. އަހަރެމެން އެކަމަށް ހެކިވަމެވެ.

ޢިބްރާނީންނަށް ސިޓީ 9:14

އެކަމަކު އީސާގެފާނަކީ އެއްވެސް އުނިކަމެއް ފާފައެއް ނުވާ ބޭކަލެކެވެ. އެކަލޭގެފާނު ވަނީ ދާއިމީ ރޫޙުފުޅުން މާތްރަސްކަލާނގެއަށް މާފުރިހަމަ ޤުރުބާނީއެއް ވެދުން ކުރައްވާފައެވެ. އެކަލޭގެފާނުގެ ހަށިކޮޅުން އެ އޮހުރުނު ލޭފޮދުގެ ބާރުފުޅު ގަދައީ އެހެންވެއެވެ. އަހަރެމެން މަރާ ދިމާއަށް ދާންޖެހޭ ފަދަ ކަންތަކުން އަހަރެމެންގެ ޒަމީރުތައް ސާފުވެ، ދިރިދެމި ވޮޑިގެންވާ ކަލާނގެއަށް އަޅުކަން ކުރުން މަތީގައި މިއަދު ދެމިތިބެވޭނެ ގޮތް މެދުވެރިވެފައި މިވަނީ ވެސް އެހެންވެއެވެ.

ޕަތަރަސްގެ ފުރަތަމަ ސިޓީ 2:5

އަދި މިހާރު މާތްރަސްކަލާނގެ ތިޔަބައިމީހުން ބިނާ ކުރައްވަނީ އެކަލާނގެ ރޫޙާނީ ގެކޮޅުގައި ވީ ދިރިހުރި ހިލަތަކެއްފަދައިންނެވެ. މީގެ އިތުރުން ތިޔަބައިމީހުންނީ މާތްރަސްކަލާނގެ މުޤައްދަސް ކުރައްވާފައިވާ އިމާމުން ތަކެކެވެ. އަދި ތިޔަބައިމީހުންނީ އީސާ އަލްމަސީޙުގެ އެހީތެރިކަމާއެކު މާތްރަސްކަލާނގެއަށް ހުށަހެޅޭ ރޫޙާނީ ޤުރުބާންތައް ހުށަހަޅައިދެވޭފަދަ މާތް އިމާމުންތަކެކެވެ.

ހާމަކޮށްދެއްވުންތަކެއް 21:16

އެ ސަހަރުގެ ބައްޓަން ހުރީ ހަތަރެސްކަން ގޮޅިއެއް ހެންނެވެ. ސަބަބަކީ އެ ސަހަރުގެ ދިގުމިނާއި ފުޅާމިން އެއްވަރު ވުމުންނެވެ. އެ މަލާއިކަތާ އެ ސަހަރު މިންކުރެއްވި ހިނދު ދިގުމިނުގައި ފަނަރަ ސަތޭކަ މޭލު އަދި ފުޅާމިނުގައި ވެސް ފަނަރަ ސަތޭކަ މޭލު ހުއްޓެވެ. އަދި އުސް މިނުގައި ވެސް ހުރީ ހަމަ އެއް މިނެކެވެ.