ނެރުއްވުން 30:15 - ކިތާބުލް މުޤައްދަސާ

¹⁵ މި ސޮދަގާތް ދިނުމުން އެމީހެއްގެ ފުރާނަ ސަލާމަތް ކޮށް އަހަރެންނާ ކުއްތަންވުމަށް އެކަށީގެން ވެދާނެ. މުއްސަނދިން ގިނައިން ދީ ފަޤީރުން މަދުން ދީ ހަދައިގެން ނުވާނެ.

ނެރުއްވުން 30:15 ပူးပေါင်းရင်းမြစ်များ

2 ޞަމޫއީލް 21:3

އެކަލޭގެފާނު އެމީހުން ކުރެން އެއްސެވިއެވެ. ”⁠ކަލޭމެންނަށް އަހަރެން ކޮށްދޭންވީ ކޮންކަމެއްތަ؟ އިސްރާއީލުގެ މައްޗަށް ބޯމަތިވެފައިމިވާ ފާފަތަކުން ސަލާމަތް ވެވޭނީ ކިހިނެއް ހެދިއްޔާ؟ ކަލޭމެން މާތްރަސްކަލާނގެ މީހުންނާމެދު ހިތްހެޔޮ ކުރާނީ ކޮންގޮތަކުން؟⁠“

ނެރުއްވުން 30:12

”⁠ކަލޭ އިސްރާއީލީން ބޯ ހިމަނާއިރު ގުނާލެވޭ ކޮންމެ ފިރިހެނެއްގެ އަތުން އޭނާގެ ނަފްސުގެ އަގުނަގާ. އެމީހުން އެ އަގުދައްކަމުން ދާހާ ހިނދަކު އެމީހުންގެ މައްޗަކަށް ބަލިމަޑުކަމެއް ނާންނާނެ.

ނެރުއްވުން 30:14

އުމުރުން ވިހި އަހަރުވެފައިވާ ކޮންމެ މީހަކު އަހަންނަށްޓަކައި މި ކީރިތި ސޮދަގާތް ހުށަހަޅަން ޖެހޭނެ.

ނެރުއްވުން 30:16

އިސްރާއީލީންގެ އަތުން މިނަގާ ފައިސާއިން ފޭލިގެކޮޅު ބަލަހައްޓާ. އެކަމުގެ ސަބަބުން އަހަރެން އެ މީހުންގެ މަތިން ދުވަހަކު ވެސް ހަނދުމަ ނެތި ނުވާނަން. ސަމާލު ކަންދީ އެމީހުންގެ ނަފްސުތައް ފާފައިން ސާފުތާހިރު ކުރުމުގެ ކައްފާރާ ދޭނަން.⁠“

ނެރުއްވުން 38:26

މި ރިއްސަކީ ބޯހިމެނުނު މީހުންގެ އަތުން ޓެކްސްގެ ގޮތުގައި ގެނެވުނު ރިއްސެވެ. އެއީ ނަން ލިޔެވުނު ކޮންމެ މީހެއްގެ އަތުން އައުންސެއްގެ ފަސްބައިކޮށް އެއްބައި މަގުންނެވެ. އެމީހުންގެ ތެރޭގައި އުމުރުން ވިހި އަހަރުވެފައިވާ ފިރިހެނުންގެ ހަ ލައްކަ ތިންހާސް ފަސްސަތޭކަ ފަންސާހަކަށް މީހުން ތިއްބެވެ.

ހަރުބަސްތައް 22:2

މުއްސަނދި މީހާއާއި ފަގީރު މީހާއާ އެއްގޮތް އެއްކަމެއް ވެއެވެ. އެއީ އެ ދެމީހުން ވެސް އުފެއްދެވީ މާތްރަސްކަލާނގެ ކަމެވެ.

އެފޭސުސްގެ މަސީޙީންނަށް ސިޓީ 6:9

ހަމަ މިގޮތުގެމަތިން ސާހިބުންނޭވެ. ތިޔަބައިމީހުންގެ އަޅު ނޯކަރުންނާއިމެދު މި އުސޫލުން އަމަލުތައް ބަހައްޓާށެވެ. އެ ނޯކަރުންނަށް ބިރު ނުދައްކާށެވެ. ހަނދާންކުރާންވީ، އަޅުންނާއި ސާހިބުންގެ ވެސް ވެރިފަރާތަކީ އުޑުގައިވާ ސާހިބާ ކަމެވެ. އަދި އެކަލޭގެފާނީ ވަކި މީހަކަށް ތަފާތު ކުރެއްވުމެއްނެތި އިންސާފު ކުރައްވާނެ ފަރާތެވެ.

ކުލޫއްސީގެ މަސީޙީންނަށް ސިޓީ 3:25

ނުބައި ގޮތުގައި ކަންތައް ކުރާ މީހާއަށް އެކަމުގެ ސަޒާ ވެސް ލިބޭނެއެވެ. މާތްކަލާނގެ ޙަޟްރަތުގައި ވަކިމީހަކަށް ވަކިތަފާތެއް ނޯންނާނެއެވެ.