ނެރުއްވުން 28:30 - ކިތާބުލް މުޤައްދަސާ

³⁰ ހާރޫނު އަހަރެންގެ ގާތަށް އަންނަ ކޮންމެ ހިނދަކު ޔުރީމާއި ތުންމިއްޔިމްހިލަކޮޅުތައް މޭމަތީ ފޮތިގަނޑުގެ ތެރެއަށް ލައިގެން އޭނާގެ ހިތާ ދިމާގައި ޖެހިފައި ވާނެ ހެން ބަހައްޓާ. މިގޮތުން އަހަރެންގެ މީހުންނާ މެދު ނިންމާނެ ގޮތެއް އޭނާއަށް އެނގޭނެ ވަސީލަތެއް ގެންނަން ވާނެ.⁠“

ނެރުއްވުން 28:30 ပူးပေါင်းရင်းမြစ်များ

ނެރުއްވުން 28:29

މަތިވެރި މަޤާމުފުޅަށް ހާރޫނު ވަންނައިރު އޭނާގެ ހިތާ ދިމާގައިވާ ކަރާމާތްތެރި ފޮތިގަނޑު އިސްރާއީލުގެ ހުރިހާ ގަބީލާއެއްގެ ނަންތައް ގެންދެވޭނެ. މިކަމުން ހަނދާން އާކޮށްދެނީ އަހަރެންގެ ގާތަށް އޭނާ އަންނަނީ އިސްރާއީލީންގެ އެންމެން ތަމްސީލު ކޮށް ދިނުމަށް ކަން.

ޢިބްރާނީންނަށް ސިޓީ 2:17

މީގެ މާނައަކީ އެކަލޭގެފާނު ހުރިހާ ގޮތަކުން ވެސް އެކަލޭގެފާނުގެ މީހުންނާ އެއްގޮތްވާން ޖެހިވަޑައިގެންނެވި ކަމެވެ. އެއީ މާތްރަސްކަލާނގެ ހަޒްރަތުގައި އެކަލޭގެފާނަށް އޯގާތެރިކަމާއި އަދި ވަފާތެރިކަމާއެކު އުއްތަމަ އިމާމެއްގެ ގޮތުގައި ޚިދުމަތް ކުރެއްވޭނެ ގޮތް ވުމަށްޓަކައެވެ. އެއީ އެގޮތުން މީސްތަކުންގެ ފާފަތަކަށް ކައްފާރާއެއް ހުށަހެޅޭނެ ގޮތް މެދުވެރި ވުމަށްޓަކައި ވެސް މެއެވެ.

ޢިބްރާނީންނަށް ސިޓީ 4:15

އެ އުއްތަމަ އިމާމު އަހަރެމެންގެ ބަލިފައި ދެނެވަޑައިގަންނަވަ އެވެ. އެހެނީ އަހަރެމެންނާ ކުރިމަތިވި ހުރިހާ އިމްތިހާނެއް އެކަލޭގެފާނާ ވެސް ވަނީ ކުރިމަތިވެފައެވެ. ވިޔަސް އެކަލޭގެފާނު ފާފައެއް ނުކުރައްވައެވެ.

ޢިބްރާނީންނަށް ސިޓީ 9:12

އެ އެންމެ މުޤައްދަސް މަޤާމުފުޅަށް ވެދެވަޑައިގެން އަހަރެމެން އެންމެންގެ ފާފަތަކުން އަބަދަށްޓަކައި އެކަލޭގެފާނު އަހަރެމެން މިނިވަން ކޮށްދެއްވިއެވެ. މި ކަމަށްޓަކައި އެކަލޭގެފާނު ހުށަހެޅުއްވީ އެކަލޭގެފާނުގެ އަމިއްލަ ހަށިކޮޅުގެ ލޭފޮދެވެ. ގެރިއެއް ބަކަރިއެއްގެ ލެޔެއް ނޫނެވެ.

ޢިބްރާނީންނަށް ސިޓީ 9:24

އެހެނީ އީސާއަލްމަސީޙު ވެދެވަޑައިގަތީ އިންސާނުން އުފައްދަވާފައިވާ ފޭލިގެއަކަށް ނޫނެވެ. ބިންމަތީގައި ވަނީ އަސްލު ފޭލިގެކޮޅުގެ މާދިރީއެކެވެ. އެއާ ޚިލާފަށް އެކަލޭގެފާނު ވެދެވަޑައިގަތީ ސުވަރުގެއަށެވެ. އެކަލޭގެފާނު މިއަދު ވެސް ހުންނެވީ އެތާގައި މާތްރަސްކަލާނގެ ޙަޟްރަތުގައެވެ. އަހަރެމެންނަށްޓަކައެވެ.

1 ޞަމޫއީލް 28:6

އެކަލޭގެފާނު މާތްރަސްކަލާނގެއަށް ދުޢާ ކުރެއްވުމުން ވެސް އިލްހާމެއް ވިޔަސް ނަބީއެއް ވިޔަސް އޫރީމުގެ ޖަވާބެއް ވެސް ނައައެވެ.