ނެރުއްވުން 24:2 - ކިތާބުލް މުޤައްދަސާ

² އަހަރެންގެ ކައިރިއަށް އާދެވޭނީ މޫސާއަށް އެކަނި. އެހެން މީހުން އެއްގޮތަކަށް ވެސް ކައިރިއަށް އައިސްގެން ނުވާނެ. އެހެން އެކަކު ވެސް ކަލެއާއެކު ފަރުބަދަ މައްޗަށް އަރައިގެން ނުވާނެ.⁠“

ނެރުއްވުން 24:2 ပူးပေါင်းရင်းမြစ်များ

ނެރުއްވުން 19:12

ފަރުބަދައިގެ ވަށައިގެންވާ ސަރަހައްދު ރަނގަޅަށް ފާހަގަކޮށްފައި ބަހައްޓާ. އެމީހުން ގާތު ބުނޭ ’⁠އެ ދުވަހު ފަރުބަދަ މައްޗަށް ނާރާށޭ. އަދި އެ ފަރުބަދައިގެ ބުޑާ ކައިރި ވެސް ނުވާށޭ. އެއިން ތަނަކާ ވައި އެޅުނަސް އެމީހަކު މަރުވެދާނެޔޭ.

ނެރުއްވުން 20:21

ދެން އެމީހުން ބިރުން ކައިރިވާން ނުކެރިފައި ތިއްބާ، މާތްކަލާނގެ ވޮޑިގެން ވާ ކަޅުވިލާގަނޑުގެ ތެރެއަށް، މޫސާގެފާނު ވެދެ ވަޑައިގެންފިއެވެ.

ނެރުއްވުން 24:1

ދެން މާތްރަސްކަލާނގެ މޫސާގެފާނަށް ވަޙީކުރެއްވިއެވެ: ”⁠މިތަނަށް އަހަރެންގެ ގާތަށް އާދޭ. އަންނަ އިރު ހާރޫނުއާއި ނާދާބު އާއި އަބީހޫ ވެސް ގެންނާތި. އަދި އިސްރާއީލީންގެ ބޮޑުންގެ ތެރޭން ހަތްދިހަ މީހުން ވެސް ގެންނާތި. އެއެންމެން އަޅުކަން ކުރަން ޖެހޭނީ ދުރުގައި ތިބެގެން.

ނެރުއްވުން 24:13

އެހެންވެ މޫސާގެފާނާއި އެކަލޭގެފާނުގެ އެހީތެރި ޔަޝޫޢު އެތަނަށް ދާން ހިނގައިގެންފިއެވެ. ދެން މޫސާގެފާނު މާތްކަލާނގެ ފަރުބަދަ މައްޗަށް އަރާ ވަޑައިގަންނަވަން ހިންގަވާ ވަޑައިގެންފިއެވެ.

ނެރުއްވުން 24:15

ދެން މޫސާގެފާނު ފަރުބަދައަށް އަރާވަޑައިގަތުމުން ވިލާގަނޑަކުން އެ ފަރުބަދަ ފޮރުވިއްޖެއެވެ.

ނެރުއްވުން 24:18

ދެން މޫސާގެފާނު ވިލާގަނޑުގެ ތެރޭން އެ ކުންނަށް އަރާ ވަޑައިގެންފިއެވެ. އެކަލޭގެފާނު އެފަރުބަދަ މަތީގައި ސާޅީސް ދުވަހާއި ސާޅީސް ރޭ ހޭދަ ކުރެއްވިއެވެ.

ނެރުއްވުން 24:3

ދެން މޫސާގެފާނު ވަޑައިގެން މާތްރަސްކަލާނގެ އެންގެވި އެންގެވުންތައް އެމީހުންނަށް ވިދާޅުވެ ދެއްވައިފިއެވެ. ދެން އެމީހުން އެއްއަޑަކުން ދެންނެވިއެވެ. ”⁠މާތްރަސްކަލާނގެ އެންގެވި ކޮންމެ އަމުރުފުޅަކަށް އަހަރެމެން ބޯލަނބައި ކިޔަމަން ގަންނާނަން.⁠“

ޢިބްރާނީންނަށް ސިޓީ 9:24

އެހެނީ އީސާއަލްމަސީޙު ވެދެވަޑައިގަތީ އިންސާނުން އުފައްދަވާފައިވާ ފޭލިގެއަކަށް ނޫނެވެ. ބިންމަތީގައި ވަނީ އަސްލު ފޭލިގެކޮޅުގެ މާދިރީއެކެވެ. އެއާ ޚިލާފަށް އެކަލޭގެފާނު ވެދެވަޑައިގަތީ ސުވަރުގެއަށެވެ. އެކަލޭގެފާނު މިއަދު ވެސް ހުންނެވީ އެތާގައި މާތްރަސްކަލާނގެ ޙަޟްރަތުގައެވެ. އަހަރެމެންނަށްޓަކައެވެ.