ނެރުއްވުން 22:6 - ކިތާބުލް މުޤައްދަސާ

⁶ މީހަކު ހުއިވަލުގައި އަލިފާން އަންދަނިކޮށް އަލިފާންގަނޑު މަތަނުވެގެން ގޮސް އެހެންމީހެއްގެ ގޮވާން ދަނޑެއްގައި ނުކަނޑާ ހުރި ގޮވާންތަކެއް، ނުވަތަ މުޅި ދަނޑު އަނދައިފިނަމަ އެ އަލިފާން ރޯކުރި މީހަކު އޭގެ އަގު ދައްކަން ޖެހޭނެ.

ނެރުއްވުން 22:6 ပူးပေါင်းရင်းမြစ်များ

ނެރުއްވުން 22:12

އެކަމަކު އަސްލުގައި އެމީހާ އެޖަނަވާރު ވަގަށް ނެގި ކަމަށް ވާނަމަ ކުށްވެރިޔާ އޭގެ ވެރިމީހަށް އަގު ދައްކަން ޖެހޭނެ.

ނެރުއްވުން 22:5

މީހެއްގެ ޖަނަވާރެއް އޭނާގެ ދަނޑުފިޔަވައި އެހެންމީހެއްގެ ދަނޑަކުން ވިނައާއި މޭބިސްކަދުރު ކާން ދޫކޮށްލައިފައި އޮވެއްޖެނަމަ އެޖަނަވާރުގެ ވެރިމީހާ އެކަމުގެ އަގު، އޭނާގެ އަތުގައި ހުރި އެންމެ މޮޅު ގޮދަނަކުން ނުވަތަ މޭބިސްކަދުރަކުން، ދަނޑުގެ ވެރިމީހާއަށް ދައްކަން ޖެހޭނެ.

ނެރުއްވުން 22:7

މީހަކު އެއްޗެހިތަކެއް ނުވަތަ ފައިސާތަކެއް އަވަށްޓެރިޔާގެ އަތުގައި ބަހައްޓާފައި ހުއްޓާ އެގެއިން އެ ފައިސާ ގެއްލި، އަދި އެ ވަގަށް ނެގީ ކާކުކަން އެނގިއްޖެނަމަ ވަގުކަލޭގެ އެ ނެގިއެއްޗެއްގެ ދެގުނަ ދޭން ޖެހޭނެ.

ނެރުއްވުން 22:9

ފަހަރުގައި ގެރިއެއް ހިމާރެއް ކަންބަޅިއެއް ނުވަތަ އަންނައުނެއް ނުވަތަ އެހެން ވެސް އެއްޗެއް ގެއްލިފައި އޮވެގެން ދެމީހެއްގެ ދެމެދުގައި ދެބަސް ވުމެއް އުފެދިއްޖެނަމަ އެ ދެމީހުން ވެސް މާތްކަލާނގެ ކުރިމައްޗަށް އައިސް ހުވާކުރަން ޖެހޭނެ. އެދެމީހުންގެ ތެރޭން ކުށްވެރިޔަކު މާތްކަލާނގެ ކަނޑައެޅުއްވުމުން އެމީހާ އޭގެ ދެގުނަ، ވެރިމީހާއަށް ދޭން ޖެހޭނެ.

މައްތާ 7:16

އެފަދަ މީހުންގެ އަމަލުތަކުން އެމީހުންނީ ކޮންފަދަ ބައެއްކަން ތިޔަބައިމީހުންނަށް އެނގޭނެ. ކަށިގަސްތަކަކުން މޭބިސްކަދުރެއް އަދި ވައްތީނިއެއް ނުބިނދެވޭނެ.