ނެރުއްވުން 20:4 - ކިތާބުލް މުޤައްދަސާ

⁴ އުޑުގައިއާއި ބިމުގައި ނުވަތަ ކަނޑުގައިވާ އެއްވެސް އެއްޗެއްގެ ސޫރަ ހަދައި އެ ބުދަށް އަޅުކަން ކޮށްގެން ނުވާނެ.

ނެރުއްވުން 20:4 ပူးပေါင်းရင်းမြစ်များ

ނެރުއްވުން 20:23

ކަލޭމެން ހަނދާން ކުރާށޭ، ރަނުން ވެސް ރިހިން ވެސް ތިމަންކަލާނގެ ބަދަލުގައި އަޅުކަން ކުރާނެ އިލާހެއް ކަލޭމެން ތައްޔާރު ނުކުރާށޭ.

ނެރުއްވުން 32:1

މޫސާގެފާނު ފަރުބަދަމަތިން އެނބުރި ވަޑައިގަތުން ލަސްވެގެން މީހުން އައިސް ހާރޫނުގެފާނު ވަށާލިއެވެ. ”⁠އަހަރެމެންނަށް މަގުދައްކާނެ އިލާހެއް ހަދައިދީ. އަހަރެމެން މިޞްރުން ނެރެގެން މިތަނަށް ގެނައި މޫސާއޭ ކިޔާ ކަލޭގެއަށް ވީ ގޮތެއް އަހަރެމެންނަކަށް ނޭނގޭ.⁠“

ނެރުއްވުން 32:23

އެމީހުން އަޅުގަނޑުގެ ގާތުން އެދުނީ އެމީހުންނަށް މަގު ދައްކާނެ އިލާހެއް ހަދައި ދިނުމަށް. އެމީހުން ބުނި ’⁠މިޞްރުން ތިމަންމެން ނެރެގެން ގެނައި މޫސާއޭ ކިޔާ ކަލޭގެއަށް ވީ ގޮތެއް ނޭނގުނޭ⁠‘.

ނެރުއްވުން 32:4

ހާރޫނުގެފާނު އެތަކެތި ވިރުވައި ތައްގަނޑު ހައްދަވައި ގެން ރަނުން ޅަ ފިރިހެން ގެރިއެއް ހައްދަވައިފިއެވެ. އެ އެތި ފެނުމުން އެމީހުން އުފާވެފައި ބުނެފިއެވެ. ”⁠އޭ އިސްރާއީލް! ކަލޭމެން މިޞްރުން ނެރެދެއްވި އިލާހު މިއޮތީ!⁠“

ނެރުއްވުން 32:8

އެމީހުން އަހަރެން އެންގި އެންގުމަށް ފުރަގަސް އެދިނީ ކިހާ އަވަހަކަށް! އެމީހުން ރަން ވިރުވައިގެން ގެރިއެއް ހަދައިގެން އެބައުޅޭ. އެމީހުން އޭގެ ކުރިމައްޗަށް ސަޖިދަކޮށް ޖަނަވާރުތައް ޤުރުބާން ކުރަމުން އެބަދޭ. އެމީހުން އެބަ ބުނޭ ’⁠އޭ ބަނީ އިސްރާއީލީންނޭ، ކަލޭމެން މިޞްރުން ނެރުނު އިލާހަކީ މިއޮތީ އޭ.⁠‘⁠“

ނެރުއްވުން 34:17

ކަލޭމެން އަމިއްލައަށް މައުދަނުން އިލާހަކު ވިރުވައި ނާޅާތި.

މަންދޫބުންގެ މަސައްކަތް 17:29

އަހަރެމެންނަކީ އެކަލާނގެ ދަރިންނަށް ވީއިރު އަހަރެމެން އެކަލާނގެއަކީ ރަނާއި ރިއްސާއި ހިލައިން އަތްތެރިކަމަށް ކުޅަދާނަ މީހުން ހަދާފައިވާ ބުދެއް ކަމުގައި ދެކިގެން ނުވާނޭ.

ހާމަކޮށްދެއްވުންތަކެއް 16:2

ފުރަތަމަ މަލާއިކަތާ ވަޑައިގެން އެ މަލާއިކަތާގެ ބޯތަށިކޮޅު ދުނިޔޭގެ ބިމަށް އޮއްސާލެއްވިއެވެ. އެ ހިނދު، ކަނޑު ދާއްބައާއި އޭނާގެ ސޫރައަށް އަޅުކަންކުރި މީހުންނާއި އަދި އޭތީގެ ފާހަގަ ޖެހިފައިވާ މީސްތަކުންގެ ހަށިގަނޑުގައި ނުހަނު ހުތުރު ދޮސްހެދިފައިވާ ފާރުތަކެއް އުފެދުނެވެ.

ހާމަކޮށްދެއްވުންތަކެއް 9:20

މި މުސީބާތްތަކުން މަރުނުވެ ތިބި މީސްތަކުން އެބައިމީހުންގެ އަތުން ހަދާފައިވާ އެއްޗިއްސަށް އަޅުކަން ކުރުން ހުއްޓައި އެމީހުންގެ ފާފަތަކަށް ތައުބާ ނުމެވިއެވެ. އެމީހުން ޖިންނިތަކަށާއި ނުވަތަ ރަނާއި ރިހިންނާއި، ކަފުލޮއިންނާއި ހިލައިގެ އިތުރުން އަދި ލަކުޑިން ހަދާފައިވާ ބުދުތަކަށް އަޅުކަން ކުރުން ނުމެ ހުއްޓިމެއެވެ. އެތަކެއްޗަކީ ފެނުމެއް ލިބިގެންނުވާ އަދި އިވުމެއްނުވާ އަދި ނުހިނގޭ ތަކެއްޗެވެ.