ނެރުއްވުން 20:11 - ކިތާބުލް މުޤައްދަސާ

¹¹ އެހެނީ އަހަރެން އުޑާއި ބިމާއި ކަނޑާއި އެތަނުގައި ވާހައި ތަކެއްޗެއް އުފެއްދީ ހަދުވަހުގެ ތެރޭގައި. އެކަމަކު ހަތްވަނަ ދުވަހު އަހަރެން ޗުއްޓީ ކުރީ. ހަތްވަނަ ދުވަހަކީ އަރާމުގެ ދުވަހެއްކަމުގައި ހަދައި އެދުވަސް މާތް ދުވަހަކަށް އަހަރެން ހެދީ އެހެންވެ.

ނެރުއްވުން 20:11 ပူးပေါင်းရင်းမြစ်များ

ފެށުން 1:28

މާތްކަލާނގެ އެމީހުންނަށް ރަޙުމަތްލެއްވިއެވެ. އަދި ވަޙީކުރެއްވިއެވެ. ”⁠މޭވާ އަޅައި ގިނަގުނަވެ ދުނިޔެ ފުރާލާ! އަދި ދުނިޔެ މައްޗަށް ގަދަވެގަނޭ! ކަނޑުގައިވާ މަސްތަކާއި ޖައްވުގައިވާ ދޫނިތަކާއި އަދި އެހެން ވެސް ދުނިޔޭގައި ހަރަކާތްކުރާ ހުރިހާ އެއްޗެއްގެ މައްޗަށް ވެރިކަން ހިންގާ!⁠“

ފެށުން 1:31

ދެން މާތްކަލާނގެ އެކަލާނގެ ހެއްދެވި ހުރިހާ ތަކެއްޗަކަށް ބައްލަވައި ވޮޑިގަތެވެ. ނިކަން ދެކެބަލާށެވެ! އެތަކެތި ވަރަށް ވެސް ފުރިހަމައެވެ! ރޭވެފައި އަލިވެއްޖެއެވެ. އެއީ ހަވަނަ ދުވަހެވެ.

ނެރުއްވުން 31:17

މިއީ އަހަރެންނާ އިސްރާއީލީންގެ މީހުންނާ ދެމެދު ވެވުނު އެއްބަސްވުމުގެ ދާއިމީ ރަމްޒެއް. އެހެނީ އަހަރެން އުޑާއި ބިން އުފެއްދީ ހަ ދުވަހުން. ހަތްވަނައަށް ވީ ދުވަހު އަހަރެން އެމަސައްކަތް ހުއްޓާލައި އަރާމު ކުރީ.⁠“

ނެރުއްވުން 8:22

އެކަމަކު މިފަހަރު ޖާސާންގެ ސަރަހައްދު ތިމަންކަލާނގެ ސަލާމަތް ކުރައްވާނަމޭ. އެއީ ތިމަންކަލާނގެ މީހުން އުޅޭ ހިސާބުގަނޑޭ. އެތަނަކަށް މެއްސެއް ނުދާނެޔޭ. އޭރުން މަނިކުފާނަށް އެނގިވަޑަގަންނަވާނެއޭ މާތްރަސްކަލާނގެއަކީ ތިމަން ކަލާނގެކަން. އަދި މަނިކުފާނުގެ ޤައުމުގެ ތެރޭގައި ތިމަންކަލާނގެ ވޮޑިގެންވާކަން.

ނެރުއްވުން 9:29

”⁠އެންމެ ރަނގަޅު.⁠“ މޫސާގެފާނު ވިދާޅުވިއެވެ. ”⁠އަޅުގަނޑު މިތަނުން ނުކުމެގެން ދާއިރު އަޅުގަނޑުގެ އަތް އުފުލައި މާތްރަސްކަލާނގެއަށް ދުޢާ ދަންނަވާނަން. އޭރުން މިތޫފާން ހުއްޓިދާނެ. އަދި އޭރުން މަނިކުފާނަށް އެނގި ވަޑައިގަންނަވާނެ މި ދުނިޔޭގެ ވެރިއަކީ މާތްރަސްކަލާނގެ ކަން.

މަންދޫބުންގެ މަސައްކަތް 14:15

”⁠އޭ އެކުވެރިންނޭ، ކަލޭމެން ތިޔަ ފަދައިން ތިޔަ ކަން ކުރަނީ އަޅެ ކީއްވެ؟ އަހަރެމެން ވެސް މިއީ ހަމަ ކަލޭމެން ފަދަ އިންސާނުން. އަހަރެމެން މި ރަށަށް މި އައީ ތިޔަބައިމީހުންނަށް މި ކަހަލަ ފައިދާއެއް ނެތް ކަންތައްތަކުން ދުރުވެ ދިރިވޮޑިގެންވާ ކަލާނގެ ކިބަފުޅަށް އެނބުރުމުގެ ހެޔޮޚަބަރުފުޅު ދިނުމަށް. އެކަލާނގެއީ އުޑާއިބިމާ ކަނޑާއި އަދި އެތަންތަނުގައިވާ ހުރިހާ އެއްޗެއް ހެއްދެވި ކަލާނގެ.

މަންދޫބުންގެ މަސައްކަތް 20:7

އަހަރެމެން މާތްސާހިބާ އީސާގެފާނުގެ މަތިން ހަނދުމަކުރުމަށްޓަކާ ކާކެއުން ކެއުމަށް އާދީއްތަ ވިލޭރޭ ބައްދަލުވީމެވެ. އެ ބައްދަލުވުމުގައި ޕައުލް އެންމެންނާ މުޚާޠަބުކޮށް ވާހަކަދެއްކިއެވެ. އަދި އޭނާ އަނެއްދުވަހު ފުރާތީ އާއިއެކު މެންދަން ވަންދެން އޭނާގެ ވާހަކަ ކުރިއަށް ގެންދިޔައެވެ.

މަންދޫބުންގެ މަސައްކަތް 4:24

އެ ވާހަކަތައް އަޑުއަހާފައި އީސާގެފާނުގެ މައްޗަށް އީމާންވެގެން ތިބި އެންމެން އެއްފަހަރާ އެއްއަޑުން ދުޢާ ކުރިއެވެ. ”⁠މާތްރަސްކަލާކޯ! އިނބަރަސްކަލާނގެއީ އުޑާއި ބިމާއި ކަނޑާއި އަދި އެތަންތަނުގައިވާ ހުރިހާ އެއްޗެއް ހެއްދެވި ކަލާނގެ.

ޢިބްރާނީންނަށް ސިޓީ 4:4

ފަތްފުށްތަކުގެ ކޮންމެވެސް ތަނެއްގައި ވެއެވެ. ހަތްވަނައަށްވީ ދުވަހު އެއްވެސް މަސައްކަތްޕުޅެއް ނުކުރައްވައި މާތްރަސްކަލާނގެ އަރާމު ކުރެއްވީއެވެ.

ހާމަކޮށްދެއްވުންތަކެއް 10:6

ދާއިމަށް ދިރިދެމި ވޮޑިގެންވާ ފަރާތުގެ ނަންފުޅުގައި އެ މަލާއިކަތާ ހުވައި ކުރެއްވިއެވެ. އެ ފަރާތަކީ އުޑުތަކާއި އަދި އެ އުޑުތަކުގައިވާހާ ތަކެއްޗާއި އަދި ދުނިޔެއާއި ދުނިޔޭގައިވާހާ ތަކެއްޗަކާއި އަދި ކަނޑާއި ކަނޑުގައިވާހާ ތަކެއްޗެއް ޚަލްޤު ކުރެއްވި ފަރާތެވެ. އަދި އެ މަލާއިކަތާ ވިދާޅުވިއެވެ. ”⁠އިތުރު އިންތިޒާރެއް ނުމެނެތްމެ!