ނެރުއްވުން 14:28 - ކިތާބުލް މުޤައްދަސާ

²⁸ ކަނޑުގެ ލޮނުގަނޑު އައިސް އަސްވާރުންނާއި އަސްގާޑިޔާތަކާއި ފިރުޢައުނުގެ ލަޝްކަރު އެއްކޮށް ގަންބާލިއެވެ. އިސްރާއީލީން ފަހައި އައި މިޞްރުގެ އެންމެން ޣަރަގުވެ ހިނގައްޖެއެވެ. އޭގެ އެކަކު ވެސް ސަލާމަތެއް ނުވެއެވެ.

ނެރުއްވުން 14:28 ပူးပေါင်းရင်းမြစ်များ

ފެށުން 50:9

އެބައިމީހުން ޔޫސުފުގެފާނާއި އެކުގައި ދިޔައީ އަސްވާރުންނާއި އެކު އަސްގާޑިޔަލުގެ ގާފިލާތަކުގައެވެ. އެ ހިނދު އެ ބައިމީހުންގެ އަދަދު ނުހަނު ގިނައެވެ.

ފެށުން 7:18

އަދި މުޅި ބިމުގައި ފެންގަނޑު ބޮޑުވެ ފެތުރެމުން ދިޔައެވެ. ނަމަވެސް ނައުކޮޅު ފެންމަތީގައި އޮތެވެ.

ނެރުއްވުން 14:13

އެކަމަކު މޫސާގެފާނު ވިދާޅުވިއެވެ. ”⁠ބިރު ނުގަނޭ. ހަމަ ޖެހިގެން ތިބޭ. މާތްރަސްކަލާނގެ މިއަދު ކަލޭމެން ސަލާމަތް ކުރައްވާތަން ބަލަން ތިބޭ. މިއަދު ކަލޭމެންނަށް މިފެންނަ މިޞްރު މީހުންނެއް ދެނެއް ކަލޭމެންނަކަށް ނުފެންނާނެ.

ނެރުއްވުން 15:10

އެކަމަކު އިނބަރަސްކަލާނގެ އެންމެ ފަހަރަކު ފުމެލައްވާ އިރަށް މިޞްރުގެ އެންމެން ނެތިވެ ހިނގައްޖެ. އެގަދަފަދަ ކަނޑުތެރެއަށް އެމީހުން ތިމަރަ ބަރިތަކެއް ފަދައިން ގެނބިގެން ހިނގައްޖެ.

ނެރުއްވުން 15:19

ފިރުޢައުނުގެ އަސްތަކާއި އަސްގާޑިޔާތަކާއި އަސްވާރުންތައް ކަނޑުން ހިކިފައިވާ ތަނަށް އެރުނެވެ. ދެން މާތްރަސްކަލާނގެ އެމީހުންގެ މައްޗަށް ކަނޑުގެ ލޮނުގަނޑު އޮއްސެވިއެވެ. އެއާއެކު އެމީހުން ގެނބިގެން ދިޔައެވެ. އިސްރާއީލީންގެ މީހުން ދިޔައީ ކަނޑުމެދުން ހެދިފައިވާ ހިކި ފަސްގަނޑުގެ މަތިންނެވެ!

ޢިބްރާނީންނަށް ސިޓީ 11:29

އިސްރާއީލީންނަށް ހިކިފަސް ބިމުގައި ދަތުރުކުރާނެ ފަދައިން ރަތްކަނޑު ހުރަސްކޮށް ދެވުނީ ވެސް އެމީހުންގެ އީމާންތެރިކަމުގެ ސަބަބުންނެވެ. މިޞްރު މީހުން އެތަން ހުރަސްކުރަން އުޅުމުން އެމީހުން ކަނޑަށް ޣަރަގުވެދިޔައީއެވެ.