ނެރުއްވުން 14:22 - ކިތާބުލް މުޤައްދަސާ

²² އެހެންވެ ބަނީ އިސްރާއީލީން ކަނޑުމެދުން ހިކިފައިވާ ބިމުގައި ހިނގާފައި ދިޔައެވެ. އޭރު އެމީހުންގެ ދެފަރާތުގައި ކަނޑުގެ ލޮނުގަނޑު ފާރެއްހެން އުފުލިފައި ހުއްޓެވެ!

ނެރުއްވުން 14:22 ပူးပေါင်းရင်းမြစ်များ

ނެރުއްވުން 14:29

އެކަމަކު ބަނީ އިސްރާއީލީން ކަނޑުމެދުން ހިނގާފައި އައިސް ހިކިފަސްތަނަށް އަރައިފިއެވެ. އެމީހުން އައިއިރު ކަނޑުގެ ލޮނުގަނޑު ހުރީ އެމީހުންގެ ދެފަރާތުގައި ފާރެއްހެން އުފުލިފައެވެ.

ނެރުއްވުން 15:19

ފިރުޢައުނުގެ އަސްތަކާއި އަސްގާޑިޔާތަކާއި އަސްވާރުންތައް ކަނޑުން ހިކިފައިވާ ތަނަށް އެރުނެވެ. ދެން މާތްރަސްކަލާނގެ އެމީހުންގެ މައްޗަށް ކަނޑުގެ ލޮނުގަނޑު އޮއްސެވިއެވެ. އެއާއެކު އެމީހުން ގެނބިގެން ދިޔައެވެ. އިސްރާއީލީންގެ މީހުން ދިޔައީ ކަނޑުމެދުން ހެދިފައިވާ ހިކި ފަސްގަނޑުގެ މަތިންނެވެ!

ނެރުއްވުން 15:8

އިނބަރަސްކަލާނގެ ފުމެލެއްވުމުން ކަނޑު ކެވިއަރައިގެން ދިޔަ. ބޮޑު ފާރެއް ހެން ދެފަރާތުގައި ކަނޑުގެ ލޮނުގަނޑު އަރާފައި ހުރި. ކަނޑުގެ ފުނުގައިވާ ލޮނުގަނޑު ހަރުވެ އުފުލިފައި ހުރި.

ޢިބްރާނީންނަށް ސިޓީ 11:29

އިސްރާއީލީންނަށް ހިކިފަސް ބިމުގައި ދަތުރުކުރާނެ ފަދައިން ރަތްކަނޑު ހުރަސްކޮށް ދެވުނީ ވެސް އެމީހުންގެ އީމާންތެރިކަމުގެ ސަބަބުންނެވެ. މިޞްރު މީހުން އެތަން ހުރަސްކުރަން އުޅުމުން އެމީހުން ކަނޑަށް ޣަރަގުވެދިޔައީއެވެ.

1 ޞަމޫއީލް 25:16

އެމީހުންގެ ގާތުގައި ހާމަ ބިމުގައި އަހަރެމެން އުޅުނު އިރު އެމީހުން ފާރެއްހެން އަހަރެމެންގެ ވަށައިގެން ތިބި. އެހެންވެ އަހަރެމެންގެ އަތުން ދުވަހަކު ވެސް އެއްޗެއް ގެއްލިފައެއް ނުވޭ.