ނެރުއްވުން 12:33 - ކިތާބުލް މުޤައްދަސާ

³³ މިޞްރުގެ އެންމެން ވެސް އިސްރާއީލުގެ މީހުން އެރަށުން އަވަހަށް ފައިބައިގެން ދިއުމަށް އެދެމުން ދިޔައެވެ. ”⁠އެހެން ނޫނީ އަހަރެމެން އެންމެން މަރުވެ ހުސްވެދާނެ!⁠“ އެމީހުން ބުނަމުން ދިޔައެވެ.

ނެރުއްވުން 12:33 ပူးပေါင်းရင်းမြစ်များ

ފެށުން 20:3

ނަމަވެސް އެއްރެއަކު ހުވަފެނެއްގައި މާތްކަލާނގެ އަބީމާލިކަށް ވަޙީކުރެއްވިއެވެ. ”⁠ކަލޭގެ ގާތަށް ތިޔަ ގެނައި އަންހެނާއަކީ މީހެއްގެ އަނތްބެއް. ކަލޭގެ ތިޔަ އަމަލުގެ ސަބަބުން ކަލޭ މަރުވެދާނެ.⁠“

ނެރުއްވުން 10:7

ފިރުޢައުނުގެ ވަޒީރުން ވަޑައިގެން ދެންނެވިއެވެ. ”⁠މިމީހާ އަޅުގަނޑުމެންނަށް މި އާފާތް މެދުވެރި ކުރާނީ ކިހާ ދުވަހެއް ވަންދެންތޯ؟ އެމީހުންގެ އިލާހު، މާތްރަސްކަލާނގެއަށް އަޅުކަން ކުރުމަށް ފޮނުއްވާދެއްވަންވީ ނޫންތޯ؟ މިޞްރު ފަނާވަމުން ދާތަނެއް މަނިކުފާނަކަށް ފެނި ވަޑައިއެއް ނުގަންނަވާތޯ؟⁠“

ނެރުއްވުން 11:1

ދެން މާތްރަސްކަލާނގެ މޫސާގެފާނަށް ވަޙީކުރެއްވިއެވެ. ”⁠އަދި އެއް މުސީބާތް މިޞްރުގެ ރަސްގެފާނާއި އޭނާގެ މީހުންގެ މައްޗަށް ފޮނުވާނަން. އޭރުން ކަލޭމެންގެ މީހުން ދިއުމަށް ފިރުޢައުނު ހުއްދަ ދޭނެ. އޭނާ ކަލޭމެން އެންމެން ފޮނުވާލާނީ ގަދަކަމުން.

ނެރުއްވުން 12:39

އެމީހުން މިޞްރުން ގެނައި ކަމީރުނުލާ ފުށްގަނޑުން އެމީހުން ރޮށި ފިހެފިއެވެ. އެމީހުން މިޞްރުން ނުކުތީ ވަރަށް އަވަސް އަރުވާލައިގެންކަމުން އެމީހުންނަކަށް ރޮށި ފިހާކަށް ނުވަތަ ކައްކާކަށް ވަގުތެއް ނުލިބުނެވެ.

ނެރުއްވުން 6:1

ދެން މާތްރަސްކަލާނގެ މޫސާގެފާނަށް ވަޙީ ކުރެއްވިއެވެ. ”⁠އަހަރެން ފިރުޢައުނާ މެދު ކަންތައް ކުރާ ގޮތް ކަލޭ ބަލަން ހުރޭ. އަހަރެންގެ މީހުން ދިޔަ ދިނުމަށް އަހަރެންގެ ގަދަބާރުން އޭނާއަށް މަޖުބޫރު ކުރާނަން. އަސްލު، އަހަރެން އޭނާއަށް މަޖުބޫރު ކުރާނީ އެމީހުން އެ ބިމުން ބޭރުކޮށްލަން.⁠“