އެފޭސުސްގެ މަސީޙީންނަށް ސިޓީ 5:4 - ކިތާބުލް މުޤައްދަސާ

⁴ ނުބައި ބަސްތަކުންނާއި ލަދުޙަޔާތްކުޑަ ވާހަކަތަކުންނާއި މޮޔަ ބަސްތަކަކީ ތިޔަބައިމީހުންނާ ގުޅޭ ކަހަލަ ކަންތަކެއް ނޫނެވެ. އޭގެބަދަލުގައި މާތްރަސްކަލާނގެ ކިބަފުޅަށް ޝުކުރުވެރިވާށެވެ.

އެފޭސުސްގެ މަސީޙީންނަށް ސިޓީ 5:4 ပူးပေါင်းရင်းမြစ်များ

ހަރުބަސްތައް 12:23

ވިސްނޭ މީހާ އެނގޭހާ އެއްޗެއް ބުނެ ފާޅުކުރަމުންނެއް ނުހިނގައެވެ. މޮޔަމީހާ ދާހާތަނަކަށް ޖާހިލުކަން ފަތުރަމުން ހިނގައެވެ.

ހަރުބަސްތައް 15:2

ބުއްދިވެރިން ބުނާބަސްތަކުން ޙިކުމަތްތެރިކަން ލިބިގަންނަ ހިތްވެއެވެ. މޮޔައިންގެ އަނގައިން އޮހިގަންނާނީ ބޭކާރު ބަސްތަކެވެ.

މަރުކުސް 7:22

ކައިވެނީގައި ތެދުވެރި ނުވުން، ދަހިވެތިކަން، އަނިޔާވެރިކަން، ޚިޔާނާތްތެރިކަން، ވަޙުޝީ ނުބައި އަމަލުތައް ކުރުން، ޙަސަދަވެރިކަން، ބަދުނާމުކުރުން، ބޮޑާކަމާއި ކިބުރުވެރިކަން، ޖާހިލުކަން.

ޔޫޙަންނާ 6:23

އެދުވަހު ތިބޭރިޔަސްއިން އައި ގިނަ އަދަދެއްގެ ދޯނިތަކެއް އީސާގެފާނު ބަރަކާތަށް އެދި ދުޢާކުރައްވައި މީސްތަކުންނަށް ކާންދެއްވި ތަނުގެ އައްސޭރީގެ ކައިރިފަށަށް ލެފިއެވެ.

އެފޭސުސްގެ މަސީޙީންނަށް ސިޓީ 4:29

ހަޑިހުތުރު ބަސްތަކުން ތިޔަބައިމީހުންގެ ދޫ ރައްކާތެރިކުރާށެވެ. ވަގުތާ ޙާލަތަށް ބަލައި މީހުންނަށް ފައިދާހުރި ހެޔޮބަސްތަކުން މުޚާތަބުކުރާށެވެ. އޭރުން އެބަސްތަކުގެ އަޑުއިވޭ ފަރާތްތަކަށް ހިތްވަރު ލިބިދޭނެއެވެ.

ފިލިއްޕީގެ މަސީޙީންނަށް ސިޓީ 4:6

ކަންތައްތަކާއިމެދުގައި ކަންބޮޑު ނުވާށެވެ. އަދި ކޮންމެ ކަމަކަށް އެދި ޝުކުރުވެރިކަމާއެކު މާތްރަސްކަލާނގެއަށް ދަންނަވާށެވެ.

ކުލޫއްސީގެ މަސީޙީންނަށް ސިޓީ 3:8

ނަމަވެސް މިހާރު ތިޔަބައިމީހުން ތިބެންޖެހޭނީ ރުޅިވެރިކަމާއި، ރުޅިއައިސް ހަމައިން ނެއްޓުމާއި، ނަފްރަތު ކުރުމާއި ދެބައޮޑުވުމާއި ހަޑިހުތުރު ބަސްތަކުން އެއްކިބާވެގެންނެވެ.

ތިސަލޯނިކާގެ މަސީޙީންނަށް ފުރަތަމަ ސިޓީ 3:9

ތިޔަބައިމީހުން އަހަރެމެންނަށް ގެނެސްދިން އުފާވެރިކަމާއިމެދު އަހަރެމެން މާތްރަސްކަލާނގެ ކިބަފުޅަށް ޝުކުރުވެރި ވުމަށް އެދޭ މިންވަރަކަށް ޝުކުރުވެރިއެއް ނުވެއެވެ.

ތިސަލޯނިކާގެ މަސީޙީންނަށް ފުރަތަމަ ސިޓީ 5:18

ކޮންމެ ޙާލަތަކާއިމެދު މާތްރަސްކަލާނގެ ކިބަފުޅަށް ޝުކުރުވެރިވާށެވެ. މިއީ އީސާ އަލްމަސީޙު މެދުވެރި ކުރައްވައި ތިޔަބައިމީހުން ކުރުމަށް މާތްރަސްކަލާނގެ އެދިވޮޑިގަންނަވާ ގޮތެވެ.

ފިލަމެންއަށް ސިޓީ 1:8

އީސާ އަލްމަސީޙު އަހަރެންނަށް ދެއްވި މަތިވެރި ބާރުން އަހަރެން ތިބާއަށް އަމުރުކުރުމަކަށް ނޭދެމެވެ. އެހެނަސް އަހަރެންނަށްޓަކައި ތިބާ ހެޔޮ ހިތުން ކޮންމެހެން ވެސް މިކަން ކޮށްދޭށެވެ. އަދި މިކަން ކޮށްދިނުމަށް ތިބާގެ ކައިރިން މިއެދޭ ސަބަބަކީ އަހަރެމެން އެކަކު އަނެކަކާއި މެދުގައިވާ ލޮބުވެތިކަމުގެ ސަބަބުންމެއެވެ. އަހަރެން މިކަން ކޮށްދިނުމަށް އެދެން ބޭނުމީ މުސްކުޅި ވެފައިވާ، އަދި އީސާ އަލްމަސީޙަށްޓަކައި ޖަލުގައި ހައްޔަރު ވެވިފައިވާ މީހެއްގެ ހައިސިއްޔަތުންނެވެ.

ޢިބްރާނީންނަށް ސިޓީ 13:15

އެހެންވީމާ، އަހަރެމެން މާތްރަސްކަލާނގެއަށް އީސާގެފާނު މެދުވެރިކޮށް ހުށަހަޅަމުން މިގެންދާ ޤުރުބާނީތައް ހުށަހެޅުން ހުއްޓާލައިގެން ނުވާނެއެވެ. އެ ޤުރުބާނަކީ އަހަރެމެންގެ ދޫތަކުން އެކަލޭގެފާނުގެ ނަންފުޅުގަނެ މާތްރަސްކަލާނގެއަށް ޙަމްދުސަނާ ދަންނަވައި ކުރާ ޤުރުބާނީއެވެ.

ޕަތަރަސްގެ ދެވަނަ ސިޓީ 2:18

ކުށްތަކުގެ ތެރޭގައި އުޅުމަށް ފަހު އެކަންތަކުން ކިރިޔާ ސަލާމަތް ވެފައި ތިބި މީހުންނަށް އެދޮގު އެދުރުންގެ އަގެއްނެތް ފޮނިބަސްތަކުންނާއި ހަށިތަކުގެ ޝަހުވަތުގެ ދަންތުރައިގައި ޖައްސައެވެ.

ޕަތަރަސްގެ ދެވަނަ ސިޓީ 2:7

ނަމަވެސް އެ ހިނދު ލޫތުގެފާނު ސަދޫމުން ނެރުއްވައި އެކަލޭގެފާނު ސަލާމަތް ކޮށްދެއްވީ އެކަލޭގެފާނުގެ ވަށައިގެންވާ އެންމެހައި ފާފަވެރި ވަޙުޝީ އަމަލުތަކުން ހިތްދަތިވެފައި އެކަލޭގެފާނު ސާލިޙު ގޮތުގައި ހުންނެވުމުގެ ސަބަބުންނެވެ.

ޔަހޫ‏ޛާގެ ސިޓީ 1:10

ކަންމިހެން އޮތް އިރު ވެސް މި ދޮގުއެދުރުންނަށް ނޭނގޭ ކަންތަކާ މެދު މަލާމާތާއި ފުރައްސާރަކޮށް ބަދުބަސް ބުނެ ހަދައެވެ. އެބައިމީހުން ކަންތައް ކުރަނީ ބުއްދިއެއް ނެތް ޖަނަވާރުތަކެއް ފަދައިން ހިތަށް އެރިހާ ކަމެކެވެ. އާޚިރުގައި އެފަދަ މީހުން ގެއްލި ހަލާކުވުން ނޫނީ ނެތެވެ.

ޔަހޫ‏ޛާގެ ސިޓީ 1:13

އެބައިމީހުންގެ ލަދުޙަޔާތްކުޑަ އަމަލުތައް ގަދަ ކަނޑުގެ ބިޔަ ރާޅުތަކުން ހަޑި ފޮނުތަކެއް ހެން އަރައެވެ. ހަމައެހެންމެ މިސްރާބުގެއްލިގެން ދާ ތަރިތަކެއްފަދައިން އެއަށް ޚާއްސަ ކުރެވިފައިވާ އެންމެ ފުން އަނދިރިކަމުގެ ތެރެއަށް ވަދެ ފަނާވެގެން ދެއެވެ.