އެފޭސުސްގެ މަސީޙީންނަށް ސިޓީ 1:23 - ކިތާބުލް މުޤައްދަސާ

²³ އަދި މަސީޙީ ޖަމާޢަތަކީ އަލްމަސީޙުގެ ހަށިކޮޅެވެ. އަދި މަސީޙީ ޖަމާޢަތް ފުރާފުރިހަމަ ކޮށްދެއްވާނީ އަލްމަސީޙު އެވެ. އެކަލޭގެފާނީ އެންމެހާ ތަނެއްގައި ވީ އެންމެހާ ތަކެއްޗެއް އެކަލޭގެފާނުގެ ޒާތުފުޅުގައި ފުރާފުރިހަމަ ކޮށްދެއްވާ ފަރާތެވެ.

އެފޭސުސްގެ މަސީޙީންނަށް ސިޓީ 1:23 ပူးပေါင်းရင်းမြစ်များ

ޔޫޙަންނާ 1:16

އެކަލޭގެފާނުގެ ނިމުމެއް ނުވާ ޚަޒާނާއިން އަހަރެމެން އެންމެންނަށް ނިޢުމަތަކަށް ފަހު ނިޢުމަތެއް ލިބިގެން ދިޔައެވެ.

އެފޭސުސްގެ މަސީޙީންނަށް ސިޓީ 2:16

އަދި ސަލީބުގައި އޮންނަވާ އެކަލޭގެފާނު އަވަހާރަވެ ވަޑައިގެންނެވުމަކީ އެ ދެ ބައިގެ މެދުގައި ވީ ފަސާދަ ނެތިކުރެއްވުމެވެ. އެ ސަލީބު މާނަކޮށްދެނީ މި ދެބައި އެއްބައިވަންތަކަމާއެކު އެއް ހަށިގަނޑެއް ފަދައިން އެބައިމީހުން ސުލްޙަކުރައްވާ މާތްރަސްކަލާނގެ ޙަޟްރަތަށް އިޢާދަ ކުރެއްވިކަމެވެ.

އެފޭސުސްގެ މަސީޙީންނަށް ސިޓީ 3:10

މި އުސޫލުގެ މަތިން މި ޒަމާނުގައި މަސީޙީ ޖަމާޢަތުގެ މެދުވެރި ކުރެއްވުމާއި، އުޑުތަކުގައިވާ ރޫޙާނީ އިސްވެރިންނާއި ބާރުވެރިންނަށް ވަނީ އެކަލާނގެ ތަފާތު ޙިކުމަތްތެރިކަން އެނގިފައެވެ.

އެފޭސުސްގެ މަސީޙީންނަށް ސިޓީ 3:19

އަހަރެންގެ އެދުމަކީ އަލްމަސީޙުގެ ލޯބި ތިޔަބައިމީހުން ތަޖުރިބާ ކުރުމެވެ. އެއީ އެ އަޖައިބެއް ފަދަ ލޯބި މިންކުރުމަކީ ނުވެސް ވާވަރުގެ ކަމެކެވެ. އަދި ތިޔަބައިމީހުންގެ ދިރިއުޅުން މާތްރަސްކަލާނގެ އެކަލާނގެ ފިތުރަތާއި އެއްގޮތްވާ ގޮތުގެ މަތިން ފުރާފުރިހަމަ ކޮށްދެއްވާނެއެވެ.

އެފޭސުސްގެ މަސީޙީންނަށް ސިޓީ 4:10

އަދި މި ޢިބާރާތުގެ މާނަ މިފަދައިން ވެސް ބުނެދެއްވައެވެ. މި ދުނިޔޭގެ އެންމެ ފުންމިނަށް ފީނެއްވި ކަލޭގެފާނާއި އަދި އެންމެ އުހަށް އެރުއްވި ކަލޭގެފާނު ތަފާތެއް ނެތްކަމެވެ. އެހެނީ، މުޅި މި ކާއިނާތު ފުރާފުރިހަމަ ކޮށްދެއްވާނީ އެކަލޭގެފާނެވެ.

އެފޭސުސްގެ މަސީޙީންނަށް ސިޓީ 4:12

އެހެންވީމާ، މުޤައްދަސް ކުރެވިގެންވާ ފަރާތްތަކުން ދަސްކޮށްދޭންވީ މާތްރަސްކަލާނގެ ކިބަފުޅަށް ޚިދުމަތް ކުރުމަށެވެ. އަދި އެކަލޭގެފާނުގެ ހަށިގަނޑު ކަމުގައިވާ މަސީޙީ ޖަމާޢަތް ވަރުގަދައަށް ހެދި ބޮޑުވާނޭ ގޮތުންނެވެ.

އެފޭސުސްގެ މަސީޙީންނަށް ސިޓީ 4:13

އަހަރެމެން އެންމެން އީމާންތެރިކަމުގެ ތެރޭގައި އެއްބައިވަންތަވެ، މާތްރަސްކަލާނގެ ދަރިކަލުންނާއި މެދު އަހަރެމެންނަށް ދޭހަވުމަށް ދާންދެން މިކަންތައްތައް ކުރިއަށް ދާނެއެވެ. އޭރުން އަހަރެމެން ތަސައްރަފު ފުދިގެންވާނީ އަލްމަސީޙާއި އެއްފަދައިންނެވެ. އޭރުން އަހަރެމެން އެކަލޭގެފާނު ފަދައިން ފުރިހަމަ ވެގެންވާނެ ވެސް މެއެވެ.

އެފޭސުސްގެ މަސީޙީންނަށް ސިޓީ 4:4

ތިޔަ ހުރިހާ އެންމެންނަކީ އެއް ހަށިގަނޑެއް ފަދަ ބައެކެވެ. މާތްރަސްކަލާނގެ ރޫޙުފުޅަކީ ހަމައެކަނި އެންމެ ރޫޙު ފުޅެކެވެ. މާތްރަސްކަލާނގެ ޚިޔާރު ކުރެއްވި އެކަލާނގެ މީސްތަކުންގެ ގޮތުގައި ތިޔަބައިމީހުން ޚިޔާރު ކުރެއްވި ހިނދު ތިޔަބައިމީހުންނަށް ލިބިދިނީ ހަމައެކަނި އެންމެ އުންމީދެކެވެ.

ކުލޫއްސީގެ މަސީޙީންނަށް ސިޓީ 1:24

މިއަދު ތިޔަބައިމީހުންނަށްޓަކައި އަހަރެން މިވޭންތައް އުފުލަމުން ދާއިރު އަހަރެން މިވަނީ އުފަލުގައެވެ. އެއީ އަހަރެން ޖިސްމާނީ ގޮތުން އުފުލަމުން މިދަނީ އީސާ އަލްމަސީޙު އެކަލޭގެފާނުގެ ހަށިކޮޅު ކަމަށްވާ އެކަލޭގެފާނުގެ ޖަމާޢަތާމެދު އުފުލަމުން ގެންދަވާ ވޭނުގައި އަހަރެން ބައިވެރިވާތީއެވެ.

ކުލޫއްސީގެ މަސީޙީންނަށް ސިޓީ 2:19

އެހެނީ އެފަދަ މީހުންނަކީ އީސާގެފާނާ ގުޅިފައިވާ ބަޔެއް ނޫނެވެ. އެކަލޭގެފާނަކީ ޖަމާޢަތުގެ އިސް ވެރިޔާ ކަމުގައި ވީ އިރު ވެސް މެއެވެ. އެކަލޭގެފާނަކީ ހަށިގަނޑު ގެ ބޮލެވެ. އެހެންކަމުން ހަށިގަނޑު ވާނީ އެކަލޭގެފާނުގެ އިޚުތިޔާރުގެ ދަށުގައެވެ. ހުރިހާ ހުޅުހުޅުތަކާއި ގުނަވަންތައް އެކަލޭގެފާނާ ގުޅިފައިވުމުން މާތްކަލާނގެ އިރާދަފުޅާ އެކުގައި އެ ހަށިގަނޑު ހެދިބޮޑުވަމުން ދެއެވެ.

ކުލޫއްސީގެ މަސީޙީންނަށް ސިޓީ 3:11

މި އާ ޙަޔާތުގައި އެއްވެސް މީހަކު އަނެކާއަށްވުރެ މަތިވެރިއެއް ނޫނެވެ. އެއީ ޚިތާނު ކުރެވިފައިވާ މީހެއް ކަމުގައި ވިޔަސް، ނުވަތަ ޚިތާނު ނުކުރެވި ހުރި މީހެއްކަމުގައި ވިޔަސް، ނުވަތަ ބަނީއިސްރާއީލީއަކު ކަމުގައި ވިޔަސް، ނުވަތަ ޣައިރު ބަނީއިސްރާއީލީއަކު ކަމުގައިވިޔަސް އަދި ތަރައްޤީނުވާ މީހަކު ނުވަތަ ނާތަހުޒީބު މީހަކު ނުވަތަ އަޅަކު ނުވަތަ މިނިވަނަކު ވިޔަސްމެއެވެ. ހުރިހާ އެންމެންނަށްވުރެ އެންމެ މުހިންމީ އީސާއަލްމަސީޙުއެވެ. އެކަލޭގެފާނު ތިޔަ އެންމެންގެ ކިބައިގައި ވެއެވެ.

ކުލޫއްސީގެ މަސީޙީންނަށް ސިޓީ 3:15

އަލްމަސީޙުގެ ފަރާތްޕުޅުން ލިބޭ ހިތްހަމަޖެހުން ތިޔަބައިމީހުންގެ ހިތްތަކުގެ މައްޗަށް ބާރުވެރި ކުރުވާށެވެ. އެހެނީ ތިޔަ އެންމެންނަށް ވެސް ގޮވާލެވުނީ އެއް ހަށިގަނޑެއްގެ ގޮތުގައި ދިރިއުޅުމަށެވެ. ވީމާ އަބަދުވެސް ޝުކުރު ކުރުން މަތީ ދެމިތިބޭށެވެ.