ކުލޫއްސީގެ މަސީޙީންނަށް ސިޓީ 3:25 - ކިތާބުލް މުޤައްދަސާ

²⁵ ނުބައި ގޮތުގައި ކަންތައް ކުރާ މީހާއަށް އެކަމުގެ ސަޒާ ވެސް ލިބޭނެއެވެ. މާތްކަލާނގެ ޙަޟްރަތުގައި ވަކިމީހަކަށް ވަކިތަފާތެއް ނޯންނާނެއެވެ.

ކުލޫއްސީގެ މަސީޙީންނަށް ސިޓީ 3:25 ပူးပေါင်းရင်းမြစ်များ

2 ޞަމޫއީލް 14:14

އަހަރެމެން އެންމެން ދުވަސްކޮޅަކުން މަރުވެދާނެ. އަހަރެމެން އެންމެންނަކީ ބިމަށް އޮއްސާލާ ފެނެކޭ އެއްގޮތް ބަޔަކީމު. އެކަކަށް ވެސް ބިމުން އެ ފެނެއް ނުނެގޭނެ. ކަލޭގެފާނަށް އެނގިވަޑައިގަންނަވާ ނޫންތޯ، މާތްރަސްކަލާނގެ ވެސް މީހާ މުޅިއަކުން ނައްތައެއް ނުލައްވާ. ކޮންމެވެސް ދުވަހަކުން އެކަލާނގެ އަލުން އޭނާ ގެންނަވާނެ ގޮތެއް ހައްދަވާ.

މައްތާ 16:27

އިންސާނާގެ ދަރިކަލުން އަލުންއަނބުރާ އަންނާނީ މަތިވެރި ބައްޕާފުޅުގެ ޖަލާލަތުކަމާއެކު އެކަލޭގެފާނުގެ މަލާއިކަތުންނާއި އެކުގައި. އެވަގުތު އެބަޔަކު ކުރި މަސައްކަތެއްގެ އުޖޫރަ އެބަޔަކަށް އެކަލޭގެފާނު ދެއްވާނެ.

ލޫކާސް 20:21

އެމީހުން ބުންޏެވެ. ”⁠އީސާގެފާނު. ކަލޭގެފާނަކީ ވަކިކޮޅަކަށް ނުޖެހޭ ބޭކަލެއް. އަދި ކަލޭގެފާނަކީ މީސްތަކުންނަށް މާތްރަސްކަލާނގެއާއި މެދު ތެދު މަގު ދަސްކޮށްދެއްވާ ބޭކަލެއް.

މަންދޫބުންގެ މަސައްކަތް 10:34

ދެން ޕަތަރަސް ބުންޏެވެ. ”⁠މިހާރު އަހަރެންނަށް އެނގި ޔަޤީންވެއްޖެއޭ. މާތްރަސްކަލާނގެ ވަކި ބަޔަކަށް ވަކި ގޮތެއް ނުބަހައްޓަވައޭ.

އެފޭސުސްގެ މަސީޙީންނަށް ސިޓީ 6:8

ހަނދާންކުރާންވީ އެމީހަކު ކުރި ހެޔޮ ޢަމަލެއްގެ ޖަޒާ މާތްސާހިބާ ދެއްވާނެކަމެވެ. އެއީ މިނިވަނެއްކަމުގައި ވިޔަސް ނޫނީ އަޅު ނޯކަރަކު ކަމުގައި ވިޔަސް މެއެވެ.

އެފޭސުސްގެ މަސީޙީންނަށް ސިޓީ 6:9

ހަމަ މިގޮތުގެމަތިން ސާހިބުންނޭވެ. ތިޔަބައިމީހުންގެ އަޅު ނޯކަރުންނާއިމެދު މި އުސޫލުން އަމަލުތައް ބަހައްޓާށެވެ. އެ ނޯކަރުންނަށް ބިރު ނުދައްކާށެވެ. ހަނދާންކުރާންވީ، އަޅުންނާއި ސާހިބުންގެ ވެސް ވެރިފަރާތަކީ އުޑުގައިވާ ސާހިބާ ކަމެވެ. އަދި އެކަލޭގެފާނީ ވަކި މީހަކަށް ތަފާތު ކުރެއްވުމެއްނެތި އިންސާފު ކުރައްވާނެ ފަރާތެވެ.

ކުލޫއްސީގެ މަސީޙީންނަށް ސިޓީ 4:1

ސާހިބުންނޭވެ! ތިޔަމީހުންގެ އަޅު ނޯކަރުންނާއިމެދު އަޅާލައި އިންސާފާއެކު އެމީހުންނާމެދު އަމަލުތައް ބަހައްޓާށެވެ. ތިޔަ ސާހިބުންނަށްޓަކައި ވެސް ސުވަރުގޭގައި ސާހިބަކު ވަޑައިގެން ވާކަން ހަނދާން ބަހައްޓާށެވެ.

ތިސަލޯނިކާގެ މަސީޙީންނަށް ފުރަތަމަ ސިޓީ 4:6

ހަމައެހެންމެ، މަސީޙީ އަޚަކު އޭނާގެ އަނެއް އަޚާގެ ޙައްޤަކަށް އެއްވެސް ޙާލަތެއްގައި ޖިންސީގޮތުން އަރައިގަނެގެން ނުވާނެއެވެ. މިފަދައިން އަމަލުކުރި ފަރާތަކަށް މާތްސާހިބާ ޢުޤޫބާތް ދެއްވާނެ ކަމުގައި އަހަރެމެން ވާނީ ތިޔަބައިމީހުންނަށް ބުނެދީ އަދި އިންޒާރު ދީފައެވެ.

ތިސަލޯނިކާގެ މަސީޙީންނަށް ދެވަނަ ސިޓީ 1:6

އެހެނީ ތިޔަބައިމީހުންނަށް ވޭންދެނިވި ކޮންމެ ބަޔަކަށްމެ މާތްރަސްކަލާނގެ އިންސާފުވަންތަ ކަމާއެކު ޢުޤޫބާތް ދެއްވާނެއެވެ.

ފިލަމެންއަށް ސިޓީ 1:18

އޭނާ ތިބާއަށް އަނިޔާވެރިވެ، ނޫނީ އެއްވެސް އެއްޗަކަށް ދަރާފައި ވާނަމަ އެއެއްޗެއް އަހަރެން ނަށް އަންގާށެވެ.

ޢިބްރާނީންނަށް ސިޓީ 2:2

އެހެނީ މަލާއިކަތުން މެދުވެރި ކުރައްވައި މާތްރަސްކަލާނގެ އެންގެވި ބަސްފުޅުތަކަކީ ވެސް ޙައްޤު ތެދު ބަސްފުޅުތަކެކެވެ. އެ ބަސްފުޅުތަކަށް ނުކިޔަމަންތެރިވާ މީހުންނަށް ވެސް އެކަމުގެ ޙައްޤު ސަޒާ ލިބެއެވެ.

ޕަތަރަސްގެ ފުރަތަމަ ސިޓީ 1:17

އަދި ހަނދާންކުރާށެވެ. ތިޔަބައިމީހުން ދުޢާ ދަންނަވާ އުޑުގައި ވޮޑިގެންވާ ބައްޕާފުޅު ފައިސަލާ ކުރައްވާހިނދު ވަކިމީހަކަށް ވަކިގޮތެއް ނުހައްދަވައެވެ. އެކަލާނގެ ފައިސަލާ ކުރައްވާނީ ތިޔަބައިމީހުން ކުރި ޢަމަލެއްގެ މައްޗަށެވެ. އެހެންވީމާ ތިޔަބައިމީހުން ބިދޭސީންގެ ގޮތުގައި މިބިންމަތީގައި ވާހިނދު އެކަލާނގެއަށް ޤަދަރުކޮށް ބިރުވެތިކަން މަތީ ވޭތިކުރާށެވެ.

ޔަހޫ‏ޛާގެ ސިޓީ 1:16

މި ދޮގުއެދުރުންނަކީ އަނެކުންގެ ކުށް ހޯދައި ޝަކުވާކޮށް ހަދާ މީހުންނެވެ. އެމީހުން ދާނީ އެމީހުން ހިތުގައި އޮންނަ ހުތުރު އެދުންތަކުގެ ފަހަތުންނެވެ. އަދި މިފަދަ މީހުން ސަޅިބައިސާ ކަނޑައި އަނެކުން އެމީހުންނާ ދިމާއަށް ލެންބުމަށް ޚުޝާމަދުކޮށް ހަދައެވެ.