މަންދޫބުންގެ މަސައްކަތް 8:10 - ކިތާބުލް މުޤައްދަސާ

¹⁰ އެ ރަށުގެ މުއްސަދިންނާ ފަޤީރުން ވެސް އޭނާގެ ބަސްތައް އަޑު އަހައެވެ. އަދި އޭނާ އަކީ މާތްރަސްކަލާނގެ ފޮނުއްވި މަތިވެރި މީހާ ”⁠އެކަލާނގެ ބާރުފުޅު⁠“ ކަމުގައި ބުނެއެވެ.

މަންދޫބުންގެ މަސައްކަތް 8:10 ပူးပေါင်းရင်းမြစ်များ

ޔޫނުސް 3:5

ނީނަވާގެ އަހުލުވެރިން މާތްކަލާނގެ ކިބަފުޅުން އައި އިންޒާރު އަޑު އަހައި ކިޔަމަންގެންފިއެވެ. އަދި ކުޑައިން ބޮޑަށް އެންމެހައި މީހުން ކެއުން ބުއިން ހުއްޓާލައި މޮޅީން މޮޅި ސާލު ލައި ރޯދަޔަށް ތިބެއްޖެއެވެ.

މަންދޫބުންގެ މަސައްކަތް 14:11

އެތަނަށް އެއްވެފައިވާ މީސްތަކުންނަށް ޕައުލް މި ކުރި ކަންތައް ދެކެ ލިކައޯނިޔާ ބަހުން ހަޅޭއްލަވަން ފެށިއެވެ. ”⁠އަހަރެމެންގެ ކަލާނގެތައް އިންސާނުންގެ ގޮތުގައި އަހަރެމެންގެ ގާތަށް އަތުވެއްޖެ.⁠“

މަންދޫބުންގެ މަސައްކަތް 28:6

މީސްތަކުން ހީކުރީ ޕައުލް އެ ވިހައިގެ ސަބަބުން ދުޅަވާނެ ކަމުގައެވެ. ނޫނީ ކުއްލިއަކަށް މަރުވެގެން ވެއްޓޭނެ ކަމުގައެވެ. އެމީހުން ވާގޮތެއް ބަލަން އެތައް އިރަކު ތިބި އިރު ވެސް ޕައުލް އަށް އެއްވެސް ކަމެއް ނުވިތަން ފެނުމުން އެމީހުން އިސްދަށަށް ޖެހުނެވެ. އަދި ޚިޔާލު ބަދަލުކޮށް ބުންޏެވެ. ”⁠މީނާ އަކީ އިންސާނެއް ނޫނޭ. ކަލާނގެއެކޭ.⁠“

އެފޭސުސްގެ މަސީޙީންނަށް ސިޓީ 4:14

އަދި އޭރުން ކުޑަކުދިން ފަދައިން އަހަރެމެން އަމަލުކުރުން ހުއްޓާލާނެއެވެ. އެހެނީ މިސްރާބު ގެއްލިފައިވީ އުޅަނދެއް ފަދައިން ވަޔާއި އޮއިގެ ތެރޭގައި ދެއަތަށް ކިރިކިރި އޮންނަ އުޅަނދެއްފައިން ނުވާނެއެވެ. ހަމައެހެންމެ މީސްތަކުންގެ ދޮގު ފަތުވާތަކުންނާއި މަކަރުވެރިކަމުގެ ނުފޫޒެއް ނުފޯރުވޭނެއެވެ.

ޕަތަރަސްގެ ދެވަނަ ސިޓީ 2:2

އެފަދަ ދޮގު އެދުރުންގެ ފާހިޝް އަމަލުތައް ގިނަމީސްތަކުން ބަލައިގަންނާނެއެވެ. އެހެންވެ އެހެނިހެން ފަރާތްތަކުން ތެދު މަގާއިމެދު ކުފުރުގެ ބަސްތައް ބުނާނެއެވެ.

ހާމަކޮށްދެއްވުންތަކެއް 13:3

ކަނޑު ދާއްބައިގެ ބޯތަކުން އެއް ބޯ ވަނީ ވަރަށް ބޮޑަށް ޒަޚަމްވެ މަރުވެފައިވާ ފަދައިންނެވެ. ނަމަވެސް އެ ޒަޚަމް ފަސޭހަ ވިއެވެ. މުޅި ދުނިޔެ އެކަމާއިމެދު އަޖާއިބުވެ ހައިރާންވިއެވެ. އަދި އެމީހުން އެ ކަނޑު ދާއްބައަށް ތަބާވިއެވެ.