މަންދޫބުންގެ މަސައްކަތް 5:2 - ކިތާބުލް މުޤައްދަސާ

² މި ބިމަށް ލިބުނު ފައިސާގެ ތެރެއިން ބައެއް މީނާ އީސާގެފާނުގެ މަންދޫބުންނާއި ހަވާލު ކުރިއެވެ. އަދި އެއީ އޭނާގެ ބިން ވިއްކާލައިގެން ލިބުނު ހުރިހާ ލާރި ކަމުގައި ވެސް ބުންޏެވެ. އޭނާގެ އަންހެނުން ވެސް މި ދޮގު ހެދުމަށް އޭނާއާއި އެއްބަސްވިއެވެ.

މަންދޫބުންގެ މަސައްކަތް 5:2 ပူးပေါင်းရင်းမြစ်များ

މައްތާ 23:5

އެމީހުން ހެޔޮ އަމަލުތައް ކުރާނީ މީހުންނަށް ދެއްކުމުގެ ގޮތުން. އެމީހުން ނިތްކުރީގައި އަޅައިގެން އުޅޭ ބާވައިލެއްވި ފަތްފުށްތަކުގެ އާޔަތްތައް އަޅާ ފޮށިތައް ބޮޑުކުރޭ. އަދި އެމީހުންގެ ހެދުންތަކުގެ އަތްދުއްލީ ވާނީ ވީހާވެސް ބޮޑަށް ދިގުކޮށްފައެވެ. އެއީ މީހުންނަށް ދެއްކުމުގެ ނިޔަތުގައެވެ.

ޔޫޙަންނާ 12:6

ޔުދާސް މިހެން ބުނީ އޭނާ ކޮންމެހެން ފަޤީރުންނާއި ދޭތެރޭ އަޅާލާތީއަކީ ނޫނެވެ. އޭނާއަކީ ވަގެއް ވީމައެވެ. އަސްޙާބީންގެ ފައިސާގެ ކަންތައް ބެލެހެއްޓުމާއި ހަވާލުވެގެން ހުންނަ އިރު އޭނާ އެ ފައިސާއިން ވަނީ ވައްކަން ކޮށް ހަދައެވެ.

މަންދޫބުންގެ މަސައްކަތް 2:44

އީމާންވީ ހުރިހާ މީހުން ވަނީ އެކުގައެވެ. އަދި އެމީހުންގެ އަތުގައިވާ ހުރިހާ އެއްޗެއް ވެސް އެއީ އެންމެންގެ އެއްޗެތި ކަމުގައި ހެދިއެވެ.

މަންދޫބުންގެ މަސައްކަތް 5:1

އީސާގެފާނަށް އީމާންވީ މީސްތަކުންގެ ތެރޭގައި އަނާނިޔާހު އޭ ކިޔުނު މީހަކާއި އޭނާގެ އަންހެނުން ސާފިރާ ވެސް ހިމެނުނެވެ. މި އަނާނިޔާހު އާއި އޭނާގެ އަންހެނުން ވެސް އެމީހުންގެ އަތުގައި ވާ ބިމެއް ވިއްކާލިއެވެ.

މަންދޫބުންގެ މަސައްކަތް 5:3

ޕަތަރަސް ބުންޏެވެ. ”⁠އަނާނިޔާހު އޭ، ކަލޭގެ ހިތަށް ޝައިތާނާ ވެރިވިޔަ ތިޔަ ދިނީ ކީއްވެ؟ ކަލޭގެ ބިން ވިއްކާލާ ލިބުނު ލާރިން ބައެއް ފޮރުވާ މާތްރޫޙުފުޅަށް ތިޔަ ދޮގުހެދީ ކީއްވެ؟

މަންދޫބުންގެ މަސައްކަތް 5:8

ޕަތަރަސް އޭނާ ކުރެން ސުވާލު ކުރިއެވެ. ”⁠ސަފީރާ އޭ، ކަލެއާއި ކަލޭގެ ފިރިމީހާ ބިން ވިއްކާލުމުން އެ ބިމުގެ އަގަކަށް ލިބުނު ފައިސާގެ އަދަދަކީ މިއީ ތަ؟⁠“ ސަފީރާ ބުންޏެވެ. ”⁠އާއެކޭ. އެ ބިމުގެ އަގަކަށް ލިބުނު ފައިސާގެ އަދަދަކީ ތިއީ.⁠“

ފިލިއްޕީގެ މަސީޙީންނަށް ސިޓީ 2:3

ތިޔަބައިމީހުންގެ ޢަޒުމުގައި އަމިއްލަ އެދުން އިސްނުކުރާށެވެ. އަދި އަގުވެއްޓިދާފަދަ ސަޅިބައިސާތަކުގެ އެދުންތަކުން އެއްކިބާވެ ތިބޭށެވެ. އެއާއެކު، ތިމާއަށް ވުރެން އަނެކާގެ ހާލާއިމެދުގައި އަބަދުވެސް އިސްކަން ދޭށެވެ.

ތިމޮތީއަށް ފުރަތަމަ ސިޓީ 6:10

ފައިސާ އާއި މުއްސަނދި ކަމަށް ލޯބި ކުރުމަކީ ހުރިހާ ބާވަތެއްގެ ޝައިތާނީ ވަސްވާސްތަކެއް އެކުލެވި މޫލާފައިވާ ކަމެކެވެ. އަދި ފައިސާ އަށް ދަހިވެތިވާ މިފަދަ މީހުން އީމާންތެރިކަމުން އެއްކިބާވެ މިސްރާބެއް ނެތި ދަތުރު ކުރާހިނދު އެތައް ހިތާމަތަކެއް އެކުލެވިގެންވެއެވެ.