މަންދޫބުންގެ މަސައްކަތް 4:18 - ކިތާބުލް މުޤައްދަސާ

¹⁸ ދެން މިމީހުން ޕަތަރަސްއާއި ޔޫޙަންނާ އަނބުރާ އެތަނަށް ގެނެސް އެމީހުންނަށް އެންގީ ދެން ދުވަހަކު ވެސް އެމީހުން އީސާގެފާނުގެ ވާހަކަ އެއްވެސް މީހަކު ގާތު ނުދެއްކުމަށާއި އަދި އީސާގެފާނާއި ބޭހޭ އެއްވެސް ކަމެއް މީސްތަކުންނަށް ދަސްކޮށް ނުދިނުމަށެވެ.

މަންދޫބުންގެ މަސައްކަތް 4:18 ပူးပေါင်းရင်းမြစ်များ

ނެރުއްވުން 1:17

އެކަމަކު މި ފޫޅުމައިން މާތްކަލާނގެ ކިބަފުޅަށް ބިރުވެތިވެ ފިރުޢައުނު ރަސްގެފާނު އެންގެވި ގޮތެއް ނުހެދިއެވެ. އެމީހުން އެ ފިރިހެން ދަރިންނެއް ނުމެރިއެވެ.

މަންދޫބުންގެ މަސައްކަތް 1:8

ނަމަވެސް މާތްރޫޙުފުޅު ކަލޭމެންގެ މައްޗަށް ވޮޑިގެންވުމުން ކަލޭމެންނަށް މާތްރޫޙުފުޅުގެ ބާރުލިބޭނެ. އަދި އޭރުން މުޅި ޖެރޫސަލަމުގައާއި، ޖުދެއާކަރައިގެ ތެރޭގައާއި، ސަމީރިއްޔާގައާއި، އަދި ދުނިޔޭގެ ހުރިހާ ޤައުމެއްގަ ވެސް ކަލޭމެން ތިމަންކަލޭގެފާނާއި ބެހޭ ގޮތުން އެންމެންނަށް އަންގައިދީ ފާޅުކޮށް ދޭނެ.⁠“

މަންދޫބުންގެ މަސައްކަތް 5:20

”⁠ބައިތުލް މަޤްދިސްއަށް ގޮސް މީސްތަކުންނަށް މި އާ ޙަޔާތާ ބޭހޭ ޚަބަރު ދީ.⁠“

މަންދޫބުންގެ މަސައްކަތް 5:28

”⁠އަހަރެމެން ކަލޭމެންނަށް އީސާގެފާނުގެ ނަމުގައި މީސްތަކުންނަށް އެއްވެސް އެއްޗެއް ކިޔާ ނުދިނުމަށް އިންޒާރުކޮށް ނާންގަންތަ؟ އެކަމަކު ކަލޭމެން އަހަރެމެން ބުނި ބަހަށް އެއްވެސް ފަރުވާލެއް ނުބަހައްޓާ ގޮސް ކަންތައް ކުރިގޮތް ބަލާބަލަ! ކަލޭމެން ތި ކިޔަވާދޭ ވާހަކަތައް މުޅި ޖެރޫސަލަމަށް ފެތުރިއްޖެ. އަދި ކަލޭމެން ތިޔަ އުޅެނީ ތިޔަ މީހާގެ މަރުގެ ޒިންމާ އަހަރެމެންގެ ބޮލުގަ އަޅުވަންތަ؟⁠“

މަންދޫބުންގެ މަސައްކަތް 5:40

ގަމަލީލުގެ މި ބަސްތަކަށް ބަނީއިސްރާއީލުގެ ވެރިން އެއްބަސްވިއެވެ. ދެން އެމީހުން އީސާގެފާނުގެ މަންދޫބުން އަނބުރާ އެތަނަށް ގެނެސް އެމީހުންގައިގައި ތެޅުމަށް ނިޔާކަނޑައެޅިއެވެ. އަދި ހަމަ އެވަގުތު ބައިތުލް މަޤްދިސްގެ ސިފައިން އެމީހުންގައިގައި ހަންމުށިއެޅިއެވެ. އެއަށް ފަހު ދެން ދުވަހަކު ވެސް އީސާގެފާނުގެ ނަމުގައި އެއްވެސް ވާހަކައެއް ނުދެއްކުމަށް އަމުރުކޮށް އިންޒާރުކޮށްފައި އީސާގެފާނުގެ މަންދޫބުން ފޮނުވާލިއެވެ.