މަންދޫބުންގެ މަސައްކަތް 27:40 - ކިތާބުލް މުޤައްދަސާ

⁴⁰ އެހެން ކަމުން އެމީހުން ހުރިހާ ނަގިލިތަކުގެ ވާތައް ކަނޑާލާ ކަނޑަށް ދޫކޮށްލިއެވެ. އަދި ހުންގާނު ތިރިކޮށް ތުންމަތި ރިޔާ ނަގާ އޮޑި އެ ރަށުގެ ގޮނޑުދޮށާއި ދިމާއަށް ދުއްވާލިއެވެ.

މަންދޫބުންގެ މަސައްކަތް 27:40 ပူးပေါင်းရင်းမြစ်များ

މައްތާ 4:18

އީސާގެފާނު ގަލީލީ ކަނޑުގެ އައްސޭރިފަށުގައި ހިންގަވާ ވަޑައިގެންނެވި ހިނދު އެކަލޭގެފާނަށް ޝަމްއޫނު ޕަތަރަސްއާއި އޭނާގެ ކޮއްކޮ އަންދުރާއި މި ދެބެއިން ފެނިވަޑައިގަތެވެ. އެ ދެބެއިންނީ މަސްވެރިންނެވެ. އޭރު އެދެބެއިން ތިބީ މަސްހިފުމަށްޓަކައި ދާ އެއްލައިގެންނެވެ.

މަންދޫބުންގެ މަސައްކަތް 27:17

ދެން އޮޑީގެ ބަނޑުވަތް ވަރުގަދަ ކުރުމަށް އަހަރެމެން މާރުން އޮޑި ވަށައިގެން ބަނދެލީމެވެ. އެފްރިކާ ކަރަގޮނޑުގައިވާ ޝަވާތާޢުއޭ ކިޔުނު ބޮޑެތި ފިނޮޅުތަކުގެ މައްޗަށް އޮޑި އުރިދާނެތީ އޮޑީގެ ފަޅުވެރިން ތިބީ ވަރަށް ބިރުންނެވެ. އެހެން ކަމުން އޮޑި ވައިކޮޅު ކުރުމަށްޓަކައި ފެން އެޅޭނޭ ހެން ވާޖަހާފައި ސަތަރިއެއް ދޫކުރިއެވެ.

މަންދޫބުންގެ މަސައްކަތް 27:41

ނަމަވެސް އޮޑި ގޮސް އުރުނީ ކުރިމަތީގައި އޮތް ފަރެއްގެ މައްޗަށެވެ. އަދި އޮޑީގެ ދިރުނބާކޮޅު އެތާނގައި ތާށިވެ، އޮޑީގެ ކޮޅުފަސްކޮޅު ޖަހަމުން ދިޔަ ބާރު ރާޅުތަކުގެ ސަބަބުން އޮޑީގެ ކޮޅުފަސް ކޮޅު ފޫ ގޮސް، އޮޑި ފަޅަ ފަޅައިގެންދާން ފެށިއެވެ.