މަންދޫބުންގެ މަސައްކަތް 23:19 - ކިތާބުލް މުޤައްދަސާ

¹⁹ ކޮމާންޑަރު އޭނާގެ އަތުގައި ހިފައިގެން ދުރަށް ގެންގޮސް ސުވާލު ކުރެއްވިއެވެ. ”⁠ކަލޭ ބުނަން ބޭނުން ވާހަކަޔަކީ ކޮބާ؟⁠“

މަންދޫބުންގެ މަސައްކަތް 23:19 ပူးပေါင်းရင်းမြစ်များ

މަރުކުސް 10:51

އީސާގެފާނު އޭނާއަށް ވިދާޅުވިއެވެ. ”⁠އަހަރެން ތިބާއަށް ކޮށްދެންވީ ކޮންކަމެއް؟⁠“ ”⁠އެދުރުކަލޭގެފާނު، އަޅުގަނޑުގެ ލޮލަށް އަލުން ފެންނާނެ ގޮތް ހައްދަވާ ދެއްވާ!⁠“ ލޯފަންމީހާ ޖަވާބު ދިނެވެ.

މަރުކުސް 8:23

އީސާގެފާނު އެ ލޯފަންމީހާގެ އަތުގައި ހިއްޕަވައިގެން އެ އަވަށުގެ ބޭރަށް ނުކުމެ ވަޑައިގެންނެވިއެވެ. އެއަށް ފަހު އެކަލޭގެފާނު އެ ލޯފަންމީހާގެ ލޮލަށް ކުޅު ޖައްސަވައި އަދި ކުޅުޖެއްސެވި ތަނުގައި އެކަލޭގެފާނުގެ އަތްޕުޅު ޖައްސަވާލެއްވުމަށް ފަހު އެމީހާއަށް ވިދާޅުވިއެވެ. ”⁠މިހާރު ތިބާއަށް އެއްވެސް އެއްޗެއް ފެނޭތަ؟⁠“

މަރުކުސް 9:27

ނަމަވެސް އީސާގެފާނު އެ ފިރިހެން ކުއްޖާގެ އަތުގައި ހިއްޕަވާ އެ ކުއްޖާ ކޮޅަށް ނެންގެވުމަށް އެހީތެރިވެ ދެއްވިއެވެ. އަދި އޭނާ ކޮޅަށް ތެދުވިއެވެ.

ޔޫޙަންނާ 18:12

ދެން ރޯމުގެ ސިފައިންގެ އޮފިސަރާއި އޭނާގެ ސިފައިންނާއި ބައިތުލް މަޤްދިސްގެ ސިފައިން އެކުވެ އީސާގެފާނު ބަނދެ ހައްޔަރުކުރިއެވެ.

މަންދޫބުންގެ މަސައްކަތް 17:19

ދެން މިމީހުން ޕައުލް އެ ރަށުގެ އަރެއޮޕާގުސް ދަރުބާރަށް އައުމަށް އެދި ދައުވަތުދީފަ މިފަދައިން ބުންޏެވެ. ”⁠ޕައުލް ކަލޭތިޔަ ކިޔަވާ ދެމުން ގެންދާ ވާހަކަތަކުގެ އަޑު އެހުމަށް އަހަރެމެން ވެސް ބޭނުން.

މަންދޫބުންގެ މަސައްކަތް 23:18

ދެން މި އޮފިސަރު ޕައުލްއަށް ބޮޑުބޭބެ ކިޔާ ކުއްޖާ ކޮމާންޑަރުގެ އަރިހަށް ގެންގޮސްފައި ދެންނެވިއެވެ. ”⁠ކުށްވެރިޔާ ޕައުލް އެދެނީ މީނާ ތިޔަބޭފުޅާގެ އަރިހަށް ގެންގޮސް ދިނުމަށް. ޕައުލް ބުނަނީ މީނާ ތިޔަބޭފުޅާއަށް ދެއްވަން ބޭނުން ޚާއްސަ ޚަބަރެއް ވާކަމުގަ.⁠“

މަންދޫބުންގެ މަސައްކަތް 23:20

އޭނާ ޖަވާބު ދިނެވެ. ”⁠ބަނީއިސްރާއީލު މީހުން ރާވަނީ މާދަމާ ޕައުލް އެމީހުންގެ ދީނީކޯޓަށް ގެންދިއުމަށް ތިޔަބޭފުޅާގެ އަރިހުން ހުއްދައަށް އެދުމަށް. އެމީހުންގެ ބޭނުމަކީ އެމީހުން ޕައުލްއާއި އިތުރު ސުވާލުތައް ކޮށް އޭނާގެ ޝަރީއަތް ރަނގަޅަށް ބެލުމަށް އެދޭ ކަމަށް ތިޔަބޭފުޅާ ހީފުޅު ކުރުން.