މަންދޫބުންގެ މަސައްކަތް 22:7 - ކިތާބުލް މުޤައްދަސާ

⁷ އަދި އަޅުގަނޑު ބިންމައްޗަށް ވެއްޓުނު. އެވަގުތު އަޅުގަނޑަށް އިވުނީ މި ފަދައިން ބުނެވުނު އަޑު. ’⁠އޭ ޝާއުލް، ޝާއުލް. ކަލޭ ތިމަންކަލޭގެފާނަށް އަނިޔާތައް ތިޔަ ދެނީ ކީއްވެ ހޭ؟⁠‘

މަންދޫބުންގެ މަސައްކަތް 22:7 ပူးပေါင်းရင်းမြစ်များ

ފެށުން 22:1

މި ހިނގާދިޔަ ކަންތައްތަކަށް ފަހު މާތްކަލާނގެ އިބްރާހީމްގެފާނުގެ އީމާންތެރިކަމާއި ކިޔަމަންތެރިކަން އިމްތިޙާނު ކުރެއްވުމުގެ ގޮތުން އިބްރާހީމްގެފާނަށް ވަޙީ ކުރެއްވިއެވެ. ”⁠އިބްރާހީމް.⁠“ އެ ހިނދު އިބްރާހީމްގެފާނު ޖަވާބު ދެއްވިއެވެ. ”⁠މާތްރަސްކަލާކޯ. އަޅާ ޙާޟިރުވެ ހުރީމު.⁠“

ފެށުން 22:11

ނަމަވެސް އެކަލޭގެފާނަށް މާތްރަސްކަލާނގެ މަލާއިކަތާ އުޑުން ގޮވާލެއްވިއެވެ. ”⁠އިބްރާހީމް! އިބްރާހީމް!⁠“ އިބްރާހީމްގެފާނު ޖަވާބުދެއްވިއެވެ. ”⁠އަޅާ ޙާޟިރުވެ އެބަ ހުރީމު!⁠“

ފެށުން 3:9

އެކަމަކު މަތިވެރިރަސްކަލާނގެ ފިރިހެނާއަށް ގޮވާލެއްވިއެވެ. ”⁠ކަލޭ ތިހިރީ ކޮންތާކު؟⁠“

ނެރުއްވުން 3:4

މޫސާގެފާނު ކައިރިއަށް ވަޑައިގަންނަވާތަން މާތްރަސްކަލާނގެއަށް ފެނިވޮޑިގަތުމުން އެ ގަސްގަނޑު ތެރޭން ވަޙީ ކުރެއްވިއެވެ. ”⁠މޫސާ! މޫސާ!⁠“ މޫސާގެފާނު ވިދާޅުވިއެވެ. ”⁠އާދެ! އަޅުގަނޑު އެބަހުރިން.⁠“

މައްތާ 25:45

ރަސްގެފާނު އެބައިމީހުންނަށް ވިދާޅުވާނެ. ’⁠އަހަރެން މިބުނަނީ ތެދެއް. ކަލޭމެން އަހަރެންނަށް އިމާންވާ މީހުންގެ ތެރެއިން އެންމެ ދެރަމީހަކަށް ވެސް އެފަދަ ކަމެއް ކޮށް ނުދީފިނަމަ އެކަމެއް ކޮށް ނުދެވުނީ ތިމަން މަނިކުފާނަށް.⁠‘⁠“

މައްތާ 27:23

ނަމަވެސް ޕިލާތުސް ބުންޏެވެ. ”⁠އޭނާގެ ކުށަކީ ކޮބާ؟⁠“ އެމީހުން އެއަށްވުރެވެސް ބާރަށް އަޑުގެކޮޅަށް ގޮވަމުން ދިޔައެވެ. ”⁠އޭނާ ސަލީބަށް އަރުވާ!⁠“

މަންދޫބުންގެ މަސައްކަތް 22:6

އަޅުގަނޑު ދިމިޝްޤަށް ދިޔަމަގުމަތީ އެ ރަށާއި ވަރަށް ކައިރި ވެފައި ވަނިކޮށް އެއްދުވަހެއްގެ މެންދުރު ވަގުތު ވަރަށް ގަދަ އައްޔެއް އަޅުގަނޑުގެ ވަށައިގެން ވިދައިގެން ދިޔަ.

މަންދޫބުންގެ މަސައްކަތް 22:8

އަޅުގަނޑު އެހީން. ’⁠ތިޔައީ ކޮން ބޭފުޅެއް ތޯއޭ؟⁠‘ އެ އަޑު ޖަވާބުގައި ވިދާޅުވި. ’⁠އަހަރެން މިއީ ކަލޭ ތިޔަ އަނިޔާދޭ ނާޒަރަތުގެ އީސާގެފާނޭ.⁠‘

މަންދޫބުންގެ މަސައްކަތް 9:4

ޝާއުލް ބިންމައްޗަށް ވެއްޓުނެވެ. ދެން އޭނާއަށް އިވުނީ މިހެން ބުނާ އަޑެވެ. ”⁠ޝާއުލް، ޝާއުލް، އަހަންނަށް އަނިޔާ ދިނުމަށް ކަލޭ ތިޔަ އުޅެނީ ކީއްވެ؟⁠“

ތިމޮތީއަށް ފުރަތަމަ ސިޓީ 1:13

އަހަރެން އެކަލޭގެފާނުގެ އަބުރުފުޅަށް ކުފުރުބަސް ބުނީމެވެ. އެކަލޭގެފާނަށް އީމާންވީ ފަރާތްތައް ޝިކާރަކޮށް އަހަރެންނަށް ކުރެވެންހުރި ހުރިހާ އަނިޔާއެއް ކުރީމެވެ. އެހެނަސް މާތްރަސްކަލާނގެ ރަޙުމަތް އަހަރެންނާއެކު ވޮޑިގެންވި ސަބަބަކީ އެ ހުރިހާ ކަމެއް އަހަރެންނަށް ކުރެވުނީ ޖާހިލު ކަމާއި އީމާންތެރިކަމެއް ނެތް ޙާލުގައެވެ.

1 ޞަމޫއީލް 3:10

މާތްރަސްކަލާނގެ ޞަމޫއީލް ކައިރީ ވޮޑިގެން ހުންނަވައި ވަޙީކުރެއްވިއެވެ. ”⁠ޞަމޫއީލް! ޞަމޫއީލް!⁠“ ޞަމޫއީލް ދެންނެވިއެވެ. ”⁠ވަޙީކުރައްވާ! މިއަޅާ އަޑުއަހަން އެބަހުރިން.⁠“