މަންދޫބުންގެ މަސައްކަތް 2:18 - ކިތާބުލް މުޤައްދަސާ

¹⁸ އެދުވަހުން ތިމަންކަލާނގެ ކިބަފުޅަށް ޚިދުމަތް ކުރާ އަޅުންގެ ތެރެއިން ފިރިހެނުންނަށާއި އަންހެނުންނަށް ތިމަންކަލާނގެ މާތްރޫޙުފުޅު ދެއްވާނަމޭ. އެ ރޫޙުފުޅު ލިބުމުން އެމީހުން ތިމަންކަލާނގެ ވަޙީ ބަސްފުޅުތައް ހާމަކޮށްދޭނޭ.

މަންދޫބުންގެ މަސައްކަތް 2:18 ပူးပေါင်းရင်းမြစ်များ

ލޫކާސް 12:45

ނަމަވެސް މިސާލަކަށް މި ނޯކަރު ހިތަށްއަރާފާނެ. ’⁠އަހަރެންގެ ވެރިމީހާ ދިޔައީ ވަރަށް ދިގުދަތުރެއް ގައޭ. އޭނާ އަވަހަކަށް ނަންނާނެއޭ.⁠‘ ދެން އޭނާ އެހެން ނޯކަރުންގެ ގައިގައި ތަޅާ އަނިޔާކޮށް އަދި ކެއުމާއި ރާބޮއި އަމަލުވުމުގައި ދުވަސްތައް ވޭތިކޮށްފި.

މަންދޫބުންގެ މަސައްކަތް 2:17

އެކަލާނގެ ނަބީ ޔޮއެލްއަށް ވަޙީ ކުރެއްވި: ’⁠ތިމަންކަލާނގެ އިންސާނުންނަށް ތިމަންކަލާނގެ މާތްރޫޙުފުޅު ފޮނުއްވާނީ ފަހު ޒަމާނުގެ ދުވަސްވަރު އޭ. އޭރުން ކަލޭމެންގެ ފިރިހެން ދަރިންނާއި އަންހެން ދަރިން ތިމަންކަލާނގެ އެމީހުންނަށް އަންގަވާ ވަޙީ ބަސްފުޅުތައް ހާމަކޮށްދޭނޭ. ކަލޭމެންގެ ތެރެއިން ޒުވާން ފިރިހެނުން ތިމަންކަލާނގެ ދައްކަވާ އަލާމާތްތައް ދެކޭނޭ. އަދި ކަލޭމެންގެ ތެރެއިން ދުވަސްވީ ފިރިހެނުންނަށް ތިމަންކަލާނގެ ދައްކަވާ ހުވަފެންތައް ފެންނާނޭ.

މަންދޫބުންގެ މަސައްކަތް 2:19

ތިމަންކަލާނގެ އުޑުގައި އަޖައިބުވާ ފަދަ ކަންތައްތަކާއި ބިމުގައި އަލާމާތްތައް ވެސް އެދުވަސްވަރު ދައްކަވާނަމޭ. ދުނިޔޭގައި ލޭ އޮހޮރުމާއި، އަލިފާނާއި ދުން ވާނޭ.

މަންދޫބުންގެ މަސައްކަތް 21:10

އަހަރެމެން އެގޭގައި ތިބި ދުވަސްތަކުގެ ތެރެއިން ދުވަހެއްގައި ޖުދެއާކަރައިން އައި އަގާބުސް އޭ ކިޔުނު މީހަކު ވެސް އެގެއަށް އައެވެ. މީނާއަކީ ވެސް މާތްރަސްކަލާނގެ މީސްތަކުންނަށް އަންގަވަން އެދިވޮޑިގެންވާ ޚާއްސަ ބަސްފުޅުތައް މީސްތަކުންނަށް އަންގަމުން ދިޔަ ނަބީއެކެވެ.

ގަލާތިޔާގެ މަސީޙީންނަށް ސިޓީ 3:28

ކަލޭމެންނަކީ ބަނީއިސްރާއީލުންގެ މީހަކަސް ނުވަތަ ބަނީއިސްރާއީލު ނޫން މީހަކަސް، ނޫނީ މީހެއްގެ އަޅަކަސް ނުވަތަ މިނިވަނަކަސް، ނުވަތަ އަންހެނަކަސް ފިރިހެނަކަސް، ކަލޭމެން އެންމެންނަކީ ވެސް ހަމަހަމަ އެއްވަރު ބަޔަކަށްވެ އެކައްޗަކަށް ވެފައި ތިޔަވަނީ އީސާގެފާނަށް އީމާންވެ ތިބީމައެވެ.

ކުލޫއްސީގެ މަސީޙީންނަށް ސިޓީ 3:11

މި އާ ޙަޔާތުގައި އެއްވެސް މީހަކު އަނެކާއަށްވުރެ މަތިވެރިއެއް ނޫނެވެ. އެއީ ޚިތާނު ކުރެވިފައިވާ މީހެއް ކަމުގައި ވިޔަސް، ނުވަތަ ޚިތާނު ނުކުރެވި ހުރި މީހެއްކަމުގައި ވިޔަސް، ނުވަތަ ބަނީއިސްރާއީލީއަކު ކަމުގައި ވިޔަސް، ނުވަތަ ޣައިރު ބަނީއިސްރާއީލީއަކު ކަމުގައިވިޔަސް އަދި ތަރައްޤީނުވާ މީހަކު ނުވަތަ ނާތަހުޒީބު މީހަކު ނުވަތަ އަޅަކު ނުވަތަ މިނިވަނަކު ވިޔަސްމެއެވެ. ހުރިހާ އެންމެންނަށްވުރެ އެންމެ މުހިންމީ އީސާއަލްމަސީޙުއެވެ. އެކަލޭގެފާނު ތިޔަ އެންމެންގެ ކިބައިގައި ވެއެވެ.