މަންދޫބުންގެ މަސައްކަތް 17:19 - ކިތާބުލް މުޤައްދަސާ

¹⁹ ދެން މިމީހުން ޕައުލް އެ ރަށުގެ އަރެއޮޕާގުސް ދަރުބާރަށް އައުމަށް އެދި ދައުވަތުދީފަ މިފަދައިން ބުންޏެވެ. ”⁠ޕައުލް ކަލޭތިޔަ ކިޔަވާ ދެމުން ގެންދާ ވާހަކަތަކުގެ އަޑު އެހުމަށް އަހަރެމެން ވެސް ބޭނުން.

މަންދޫބުންގެ މަސައްކަތް 17:19 ပူးပေါင်းရင်းမြစ်များ

މައްތާ 10:18

އަހަރެންގެ ސަބަބުން ވެރިންގެ ކުރިމައްޗަށާއި އަދި ރަސްރަސްކަލުންގެ ކުރިމައްޗަށް ތިޔަބައިމީހުން ދަމާ ގެންދާނެ. އެ ހިނދު އެބައިމީހުންނަށާއި ބަނީއިސްރާއީލު ނޫން ދަރިކޮޅުތަކުގެ މީހުންނަށް އަހަރެންނާއި ބެހޭގޮތުން ތިޔަބައިމީހުންނަށް ހެކިވޭ ބުނެދެވޭނެ.

މަރުކުސް 1:27

އެތަނުގައި ތިބި އެންމެހާ މީސްތަކުން މިކަމާއި ޙައިރާންވެ އެކަކު އަނެކަކަށް ބުނަމުން ދިޔައެވެ. ”⁠މިއީ ކޮންފަދަ ކަމެއް؟ މިއީ ބާރުވެރިކަމެއް ލިބިހުރެ އުނގަންނައިދޭ އާ އުނގަންނައި ދިނުމެއްތަ؟ މި ކަލޭގެފާނަށް ނުބައި ރޫޙުތަކަށް އަމުރު ކުރުމުގެ ބާރު ލިބިގެންވޭ، އަދި އެތަކެތި މި ކަލޭގެފާނަށް ކިޔަމަންތެރިވޭ!⁠“

ޔޫޙަންނާ 13:34

ނަމަވެސް އަހަރެން ކަލޭމެންނަށް އާ އަމުރެއް ކުރަން. އެ އަމުރަކީ ކަލޭމެން އެކަކު އަނެކަކު ދެކެ ލޯބިވޭ. ހަމަ އަހަރެން ކަލޭމެން ދެކެ ލޯބިވީ ފަދައިން ކަލޭމެން ވެސް އެކަކު އަނެކަކު ދެކެ ލޯބިވާތި.

މަންދޫބުންގެ މަސައްކަތް 17:20

ތިޔަ ދައްކާ ބައެއް ވާހަކަތަކަކީ އަހަރެމެން އަދި ދުވަހަކު ވެސް އަހާފައި ނުވާ އާ ވާހަކަތަކެއް. އެހެން ކަމުން އޭގެ މާނައަކީ ކޮބައިކަން ބަލަން އަހަރެމެން ބޭނުން.⁠“

މަންދޫބުންގެ މަސައްކަތް 17:22

ދެން ޕައުލް އެމީހުންގެ މެދަށް ކޮޅަށް ތެދުވެ އެމީހުންނާ މުޚާޠަބުކޮށް މި ފަދައިން ވާހަކަދެއްކިއެވެ. ”⁠އަތެންސްގެ މީހުންނޭ، ތިޔަބައިމީހުންނަކީ ހުރިހާ ކަމެއްގައި ވެސް ވަރަށް ދީންވެރިބައެއް ކަން އަހަރެންނަށް ފާހަގަ ކުރެވެއޭ.

މަންދޫބުންގެ މަސައްކަތް 17:34

ނަމަވެސް އެތަނުގައި ތިބި ބައެއް މީހުން ޕައުލްގެ ވާހަކަތައް އަހާ އީމާންވިއެވެ. އޭގެ ތެރެއިން އެކަކީ އެރަށުގެ ވެރިންގެ ތެރެއިން ވީ ދިޔޮނީސް އޭކިޔުނު މީހެކެވެ. އަދި އޭގެ އިތުރުން އެރަށުގެ ދަމަރީސްއޭ ކިޔުނު އަންހެނަކާއި އެހެން ވެސް އިތުރު ބަޔަކު ޕައުލްގެ ވާހަކަތައް އަހާ އީމާންވިއެވެ.

މަންދޫބުންގެ މަސައްކަތް 23:19

ކޮމާންޑަރު އޭނާގެ އަތުގައި ހިފައިގެން ދުރަށް ގެންގޮސް ސުވާލު ކުރެއްވިއެވެ. ”⁠ކަލޭ ބުނަން ބޭނުން ވާހަކަޔަކީ ކޮބާ؟⁠“

މަންދޫބުންގެ މަސައްކަތް 24:24

މީގެ ދެތިން ދުވަސް ފަހުން ގަވަރުނަރު ފެލިކުސް އޭނާގެ އަނބިކަނބަލުން ދުރުސިލާ ގޮވައިގެން އައެވެ. ދުރުސިލާ އަކީ ބަނީއިސްރާއީލު މީހެކެވެ. ފެލިކުސް އެންގެވީ ޕައުލް ގެނައުމަށެވެ. ޕައުލް އައިސް އަލްމަސީޙު އީސާގެފާނާއި ބެހޭ ގޮތުން ދެއްކި ހުރިހާ ވާހަކައެއް އަޑު އެއްސެވިއެވެ.

މަންދޫބުންގެ މަސައްކަތް 25:22

ދެން އަގިރިފާ ރަސްގެފާނު ގަވަރުނަރު ފެސްތުސް އަށް ވިދާޅުވިއެވެ. ”⁠ތިޔަ މީހަކު ތިޔަ ދައްކާ ވާހަކައެއް އަހަން އަހަރެން ވެސް ބޭނުން.⁠“ ދެން ގަވަރުނަރު ފެސްތުސް ރަސްގެފާނަށް ވިދާޅުވިއެވެ. ”⁠މާދަމާ ތިޔަބޭފުޅާއަށް އޭނާ ދައްކާ ވާހަކަތައް އިވޭނޭ ގޮތް އަޅުގަނޑު އިންތިޒާމު ކުރާނަން.⁠“

މަންދޫބުންގެ މަސައްކަތް 26:1

ދެން އަގިރިފާ ރަސްގެފާނު ޕައުލް އަށް ވިދާޅުވިއޭ. ”⁠ކަލޭގެ އަމިއްލަ ދިފާއުގައި ކަލޭ ބުނަން ބޭނުން އެއްޗެއް އޮތިއްޔާ ބުނޭ.⁠“ ދެން ޕައުލް އަތްމައްޗަށް ނަގާ މި ފަދައިން ވާހަކަ ދެއްކިއެވެ.