މަންދޫބުންގެ މަސައްކަތް 10:10 - ކިތާބުލް މުޤައްދަސާ

¹⁰ އެވަގުތު އޭނާ ވަރަށް ބޮޑަށް ބަނޑުހައި ވެސް ވިއެވެ. ނަމަވެސް އަދި މެންދުރުގެ ކެއުން ތައްޔާރު ނުވާތީ އޭނާ މަޑު ކުރިއެވެ. އެހެން އިންދާ އޭނާގެ ހެޔަށް ގޮތްވިއެވެ. އެވަގުތު އޭނާއަށް ހުވަފެނެއް ފަދައިން މި މަންޒަރު ފެނިގެން ދިޔައެވެ.

މަންދޫބުންގެ މަސައްކަތް 10:10 ပူးပေါင်းရင်းမြစ်များ

މައްތާ 21:18

އަނެއް ދުވަހުގެ ހެނދުނު އީސާގެފާނު ޖެރޫސަލަމަށް ވަޑައިގެންނެވި ހިނދު އެކަލޭގެފާނު ވަނީ ބަނޑުހައިފުޅު ވެފައެވެ.

މައްތާ 4:2

އީސާގެފާނު ސާޅީސް ދުވަހާއި ސާޅީސް ރޭ އެއްވެސް އެއްޗެއް ފަރީއްކުޅުވުމެއް ނެތި ރޯދައަށް ހުންނެވިއެވެ. އެހިނދު އެކަލޭގެފާނު ވަނީ ވަރަށް ބޮޑަށް ބަނޑުހައިގެންފައެވެ.

މަންދޫބުންގެ މަސައްކަތް 11:5

އޭނާ ބުންޏެވެ. ”⁠އެއްދުވަހަކު އަހަރެން ޖައްފާގައި ދުޢާ ކުރުމަށް އިންދާ ހުވަފެނެއް ފަދަ ގޮތަކަށް އަހަރެން މި ކަންތައް ދުށިން. އަހަންނަށް ފެނުނީ އުޑުން ބޮޑު ސަތަރިއެއް ފަދަ އެއްޗެއް އޭގެ ހަތަރު ކަނުގައި ހިފިފައިވާ ފަދައިން ތިރިވަނިކޮށް. އެ ސަތަރިގަނޑު އަހަރެންނާއި ވަރަށް ކައިރިއަށް އައި.

މަންދޫބުންގެ މަސައްކަތް 22:17

މިއަށް ފަހު އަހަރެން އެނބުރި ޖެރޫސަލަމަށް އައިސް ބައިތުލް މަޤްދިސްގައި ދުޢާ ކުރަން އިންދާ އަހަންނަށް ހޭލާ ހުއްޓާ ހުވަފެނެއް ފަދައިން ފެނުނީ މާތް ސާހިބާ މި ފަދައިން ބުނި އަޑު. ’⁠އަވަސް ކުރާށޭ. ވިހާ ވެސް އަވަހަކަށް ޖެރޫސަލަމުން ދާށޭ. އެއީ ކަލޭ އަހަރެންނާއި މެދު ބުނާ އެއްވެސް ބަހެއް އަދި ހެއްކެއް ވިޔަސް މި ރަށުގެ މީހުން ގަބޫލެއް ނު ކުރާނޭ.⁠‘

ހާމަކޮށްދެއްވުންތަކެއް 1:10

މާތްސާހިބާގެ ދުވަހުގައި މާތްރޫޙުފުޅުގެ ބާރުފުޅުން އަހަރެން ފުރިގެން ވިއެވެ. އަދި ތާޅަފިލީގެ އަޑުފަދަ ގަދަ އަޑެއް އަހަރެންނަށް އިވުނެވެ. އެ ހިނދު އެއަޑު އަހަރެންގެ ފުރަގަހުން ވާހަކަ ދައްކަމުން ދިޔައެވެ.