ޔޫޙަންނާގެ ތިންވަނަ ސިޓީ 1:8 - ކިތާބުލް މުޤައްދަސާ

⁸ އެފަދަ ފަރާތްތަކަށް އަހަރެމެންގެ އެއްބާރުލުމާއި މެހުމާންދާރީ ދޭންވާނެއެވެ. އެގޮތުން އެބައިމީހުން ތެދު ޙަޤީޤަތް ފަތުރަމުން ގެންދާއިރު އެމީހުންނަށް ބައިވެރިވެވޭނެއެވެ.

ޔޫޙަންނާގެ ތިންވަނަ ސިޓީ 1:8 ပူးပေါင်းရင်းမြစ်များ

މައްތާ 10:14

އަދި ގެއަކުން ނުވަތަ ސަހަރަކުން ތިޔަބައިމީހުންނަށް މަރުޙަބާ ކިޔުމަށް ނުވަތަ ތިޔަބައިމީހުންގެ އަޑު އެހުމަށް އިންކާރު ކޮށްފިނަމަ، އެ ތަނަކުން ދަމުން ތިޔަބައިމީހުންގެ ފައިގައި ހުރި ހިރަފުސްތައް ފޮޅާލައިފައިދޭ.

މައްތާ 10:40

”⁠ތިޔަބައިމީހުން ބަލައިގަންނަ ކޮންމެ މީހަކީ އަހަރެން ވެސް ބަލައިގަންނަ މީހެއް ކަމުގައިވާނެ. އަދިހަމައެހެންމެ، އަހަރެން ބަލައިގަންނަ ކޮންމެ މީހަކީ އަހަރެން ފޮނުއްވި ފަރާތް ވެސް ބަލައިގަންނަ މީހެއް ކަމުގައިވާނެ.

ލޫކާސް 11:7

ކަލޭ ކަލޭގެ ރަޙުމަތްތެރިޔާ އަށް ފަހަރެއްގައި މިހެން ބުނެފާނެ. ’⁠މިދަންވަރު އަހަންނަށް އުނދަގޫ ނުކުރާށޭ. ދޮރު ތިޔަވަނީ ތަޅުލާފައޭ. އަހަރެންނާ އަހަރެންގެ ގޭގެ އެންމެން މިތިބީ ނިދާށޭ. އަހަންނަށް މި ވަގުތު ތެދުވެގެން ކަލޭ ބޭނުން އެއްޗެއް ހޯދާ ދޭކަށް ނާދެވޭނެއޭ.⁠‘⁠“

ފިލިއްޕީގެ މަސީޙީންނަށް ސިޓީ 4:3

މީގެއިތުރުން އީމާންތެރިކަމުގައި ވީ އަހަރެންގެ އެކުވެރިޔާ ކައިރިން މި ދެއަންހެނުންގެ މެދުގައި ސުލްޙަވެރި ޙަޔާތެއް ވޭތު ކުރުމަށް އެހީތެރިވެ ދިނުމަށް އެދެމެވެ. އަދި މި ދެ އަންހެނުން އަހަރެންނާއި ކިލެމެންތުއާއި ދެމީހުންނާއި އެކު އެހެނިހެން ފަރާތްތަކަށް ހެޔޮޚަބަރުފުޅު އަންގައި ދިނުމުގައި އެހީތެރިވެދިނެވެ. އެމީހުންގެ ނަން ޙަޔާތުގެ ފޮތުގައި މިހާރު ވާނީ ލިޔެވިފައެވެ.

ކުލޫއްސީގެ މަސީޙީންނަށް ސިޓީ 4:11

އަހަރެމެން ޖުސްތުސްގެ ނަމުން މުޚާތަބުކުރާ ޔަސޫޢު ވެސް ތިޔަބައިމީހުންނަށް ތަހުނިޔާ ފޮނުވައެވެ. ބަނީއިސްރާއީލުންގެ އީސާއީންގެ ތެރެއިން އަހަރެންނާއިއެކު މިތަނުގައި ވަނީ މިތިން މީހުން އެކަންޏެވެ. އެމީހުން އަހަރެންނާއިއެކުގައި މަސައްކަތް ކުރަނީ މާތްރަސްކަލާނގެ ރަސްކަންފުޅަށްޓަކައެވެ. އަދި އެމީހުންގެ ފަރާތުން ނުހަނު ލުއިފަސޭހަކަށް އަހަރެންނަށް ލިބިދެއެވެ.

ތިސަލޯނިކާގެ މަސީޙީންނަށް ފުރަތަމަ ސިޓީ 3:2

އޭނާއަކީ އަހަރެމެންނާއި އެކު އެހީތެރިއެއްގެ ގޮތުގައި މާތްރަސްކަލާނގެއަށްޓަކައި ޚިދުމަތްކުރުމުގައިވާ އަޚެކެވެ. އަދި އޭނާ އަލްމަސީޙާ ބެހޭ ހެޔޮޚަބަރުފުޅު މީސްތަކުންނަށް ބުނެދިނުމެވެ. އަހަރެމެން އޭނާ ތިޔަބައިމީހުންގެ ކައިރިއަށް މި ފޮނުވަނީ ތިޔަބައިމީހުންގެ ކިބައިގައި ވީ އީމާންތެރިކަން ވަރުގަދަ ކޮށްދީ އަދި ތިޔަބައިމީހުންނަށް ހިތްވަރު ދިނުމަށެވެ.

ފިލަމެންއަށް ސިޓީ 1:2

އަދި ތިބާގެ ގޭގައިވާ މަސީޙީ ޖަމާޢަތަށާއި، ލޮބުވެތި އުޚުތެއް ކަމަށްވާ އައްޕިޔާ އާއި އަހަރެމެންގެ އެކުވެރި ފަހުލަވާނު އަރުޚިއްޕުސް އަށްވެސް ތަހުނިޔާ ފޮނުވަމެވެ.

ފިލަމެންއަށް ސިޓީ 1:24

މީގެ އިތުރުން އަހަރެންގެ އެހީތެރިންގެ ގޮތުގައި މަސައްކަތް ކުރަމުން ދާ މަރުކުސް އާއި، އަރިސްތާރުކު އާއި، ދެމާސް އާއި އަދި ލޫކާސް ވެސް ތިބާއަށް ތަހުނިޔާ ފޮނުވައެވެ.

ޔޫޙަންނާގެ ތިންވަނަ ސިޓީ 1:10

އެހެންކަމުން އަހަރެން ދާ ފަހަރަކުން ދިއޯތްރިފިސް ކުރިކަންތައް މަސީޙީ ޖަމާޢަތުގެ ސަމާލުކަމަށް ގެނުވާނަމެވެ. އޭނާ ވަނީ އަހަރެމެން ބަދުނާމުކޮށް އެތަކެއް ނޭދެވޭ ވާހަކަތަކެއް ދައްކާފައެވެ. އޭގެއިތުރުން ދަތުރުކުރަމުން އައި އެދުރުންތަކެއް ބަލައިނުގަނެ މަސީޙީ ޖަމާޢަތުން އެމީހުންނަށް އެހީއެއް ވެސް ވިޔަ ނުދީ ހުއްޓުވިއެވެ. އަދި އެމީހުންނަށް އެހީތެރިވާ ބަޔަކު ނަމަ އެޖަމާޢަތުން ބޭރު ވެސް ކުރިއެވެ.

ޔޫޙަންނާގެ ތިންވަނަ ސިޓީ 1:7

އެބައިމީހުން ވީ އީސާގެފާނުގެ ޚިދުމަތުގައެވެ. އެމީހުން ގަސްތުކުރީ އެކަލޭގެފާނަށް އީމާން ނުވާ އެއްވެސް މީހެއްގެ ކިބައިން އެހީއެއް އެދަތުރުގައި ނުހޯދުމަށެވެ.

ޔޫޙަންނާގެ ތިންވަނަ ސިޓީ 1:9

އަހަރެން މަސީޙީ ޖަމާޢަތަށް ލިޔުނީމެވެ. ނަމަވެސް ދިއޯތްރިފިސް ބޭނުންވީ އެންމެ އިސް ވެރިޔަކީ އޭނާ ކަމުގައި ވުމަށެވެ. އެހެންވެ އަހަރެމެން ބުނިބަހެއް އޭނާ އަޑެއް ނޭހިއެވެ.