ތިމޮތީއަށް ދެވަނަ ސިޓީ 4:21 - ކިތާބުލް މުޤައްދަސާ

²¹ ފިނި މޫސުމް އައުމުގެ ކުރިން ތިބާއަށް އާދެވޭތޯ މަސައްކަތް ކުރާށެވެ. އެއުބޫލު، ޕިޔުޑެންސް، ލީނުސްގެ އިތުރުން ކިލާއުދިޔާ ވެސް ތިބާއަށް ތަހުނިޔާ ފޮނުވަމެވެ. އަދި އިތުރަށް މަސީހީންގެ އެންމެހާ ފަރާތްތައް މި ތަހުނިޔާގައި ޝާމިލު ކުރަމެވެ.

ތިމޮތީއަށް ދެވަނަ ސިޓީ 4:21 ပူးပေါင်းရင်းမြစ်များ

ލޫކާސް 12:58

މިސާލަކަށް ކަލޭ އެމީހަކަށް ދަރާފައިވާ މީހަކު ކަލެއާ ދޭތެރޭ ދައުވާކޮށް ކަލޭ ގޮވައިގެން އިންސާފަށް ދާން ބޭނުންވި. ނަމަވެސް އިންސާފަށް ދިއުމުގެ ކުރިން އޭނާއާއި ސުލްޙަ ވުމަށް ގަދައަޅާ މަސައްކަތް ކުރޭ. ނޫނީ ކަލެއާމެދު ދައުވާކުރި މީހާ މައްސަލަ ޖެއްސުމުން ކަލެއަށް ގާޒީ ޙުކުމް އިއްވާނެ. އެ ޙުކުމުގައި ކަލޭ ބަންދުކުރާނެ.

ފިލިއްޕީގެ މަސީޙީންނަށް ސިޓީ 4:22

މީގެ އިތުރުން މި އަވަށުގައި މާތްރަސްކަލާނގެއަށް އީމާންވީ އެންމެހާ ފަރާތްތަކުގެ ތަހުނިޔާ ވެސް ފޮނުވަމެވެ. ވަކިން ޚާއްސަކޮށް މިތަނުގެ އިސް ވެރިއަކަށް ހުރި ކައިސަރު ރަސްގެފާނުގެ ޚާދިމުންގެ ތެރެއިން އީމާންވީ ފަރާތްތަކުގެ ތަހުނިޔާއެވެ.

ތިމޮތީއަށް ދެވަނަ ސިޓީ 1:4

އަހަރެން ވަނީ ތިބާ ދުށުމަށް ކެތްމަދުވެފައިމެއެވެ. އަހަރެމެން ވަކިވިހިނދު ތިބާގެ ލޮލުން ފޭދުނު ކަރުނަތައް މިހާރު ވެސް ހަނދާންވެއެވެ. އަދި އަހަރެމެންނަށް އެއްތަނެއްގައި ތިބެވޭ ދުވަހަކުން އުފާކުރާނީއެވެ.

ތިމޮތީއަށް ދެވަނަ ސިޓީ 4:13

ތިބާ އަންނައިރު ތުރުއަސްގެ ކަރިޕޫހު އަތަށް އަހަރެން ދީފައިވާ އަހަރެންގެ ކޯޓް ގެނެސް ދޭށެވެ. ތިބާ އަންނައިރު އަހަރެންގެ ފަތްތޫރަތައް ހަނދާން ނައްތާނުލާ ގެނެސް ދިނުމަށް އެދެމެވެ. އަދި ޚާއްސަކޮށް ކަންބަޅި ހަމުގައި ތައްޔާރުކޮށްފައިވާ ފަތްފުށްތަކެވެ.

ތިމޮތީއަށް ދެވަނަ ސިޓީ 4:9

ވީހާ ވެސް އަވަހަށް އަހަރެން ދުށުމަށް ތިބާއަށް އާދެވޭތޯ މަސައްކަތް ކުރާށެވެ.

ތީތުސްއަށް ސިޓީ 3:12

އަހަރެން މި ވިސްނަނީ އަރުތެމާހު ނޫނީ ތިޚީކުސް ތިބާގެ ކައިރިއަށް ފޮނުވުމަށެވެ. މީގެތެރެއިން އެކަކު ދިއުމާއެކު ތިބާއަށް ވީ އެންމެ އަވަސް ގޮތަކުން ނިކޯޕޮލިސްގައި އަހަންނާއި ބައްދަލު ކުރެވޭތޯ ބަލާށެވެ. ފިނި މޫސުމުގައި އެރަށުގައި މަޑުކުރުމަށް އަހަރެން މިހިރީ ނިންމައިގެންނެވެ.

ޔޫޙަންނާގެ ދެވަނަ ސިޓީ 1:13

މާތްރަސްކަލާނގެ ޚިޔާރު ކުރެއްވި ޚާއްސަ އުޚުތާގެ ފަރާތުން ތަހުނިޔާ ފޮނުވަމެވެ.

ޔޫޙަންނާގެ ތިންވަނަ ސިޓީ 1:14

އަހަރެން އުންމީދު ކުރަނީ ނުހަނު އަވަހަށް ތިބާއާއި ބައްދަލުވެ ތިބާގެ ގާތު މި ވާހަކަ ދެއްކުމަށެވެ.