ތިސަލޯނިކާގެ މަސީޙީންނަށް ދެވަނަ ސިޓީ 3:8 - ކިތާބުލް މުޤައްދަސާ

⁸ އަދި އެއްވެސް މީހެއްގެ އެއްޗެއް އަހަރެމެން ހިލޭ ނުކަމެވެ. އަހަރެމެންނަކީ ތިޔަބައިމީހުންނަށް ބުރައެއް ކަމުގައި ނުވުމަށްޓަކައި ދުވާލާއި ރޭގަނޑު އަހަރެމެން ނުހަނު ބުރަކޮށް މަސައްކަތް ކުރީމެވެ.

ތިސަލޯނިކާގެ މަސީޙީންނަށް ދެވަނަ ސިޓީ 3:8 ပူးပေါင်းရင်းမြစ်များ

ހަރުބަސްތައް 31:27

ގޭގައި އުޅޭ ހުރިހާ އެންމެން އޭނާ ބަލަހައްޓާނެއެވެ. ކަންނެއްކަމެއް އޭނާއެއް ނުދެކޭނެއެވެ.

މައްތާ 6:11

އަޅަމެންނަށް މި ދުވަހުގެ ރޯދި މިއަދު ދެއްވާފާނދޭވެ!

މަންދޫބުންގެ މަސައްކަތް 18:3

ޕައުލް އެމީހުންނާއި އެކު އެގޭގައި ދިރި އުޅުނެވެ. އަދި އެމީހުންނާއި އެކު އާމްދަނީއެއް ހޯދުމަށްޓަކައި މަސައްކަތް ވެސް ކުރިއެވެ. އެއީ އަކީލާއާއި ޕްރިސިލާ އަކީ ވެސް ހަމަ ޕައުލް ފަދައިން ފޭލިގެ ހެދުމުގެ މަސައްކަތް ކުރާ ބަޔެކެވެ.

މަންދޫބުންގެ މަސައްކަތް 20:34

ކަލޭމެންނަށް ވެސް އެނގޭނެ ފަދައިން، އަހަރެންގެ ބޭނުންތަކަށާ އަދި އަހަރެންނާއި އެކުވީ މީހުންގެ ބޭނުންތަކަށް ފައިސާ ހޯދުމަށް، އަހަރެންގެ މިދެއަތުން އަބަދުވެސް އަހަރެން މަސައްކަތް ކުރީން.

އެފޭސުސްގެ މަސީޙީންނަށް ސިޓީ 4:28

ތިޔަބައިމީހުންގެ ތެރޭގައި ވައްކަންކުރާ ބަޔަކުވާނަމަ، ވައްކަންކުރުން ހުއްޓައިލާށެވެ. އޭގެބަދަލުގައި ތެދުވެރި ގޮތުގައި މަސައްކަތް ކުރާށެވެ. އޭރުން ބޭނުމެއް ޖެހިފައިވާ ފަރާތްތަކާ މެދު ދީލަތި ވެވޭނެއެވެ.

ތިސަލޯނިކާގެ މަސީޙީންނަށް ފުރަތަމަ ސިޓީ 2:9

އަޚުންނާއި އުޚުތުންނޭވެ. އަހަރެމެން ކުރި މަސައްކަތާއި އަދި އުފުލި އުނދަގޫ ތިޔަބައިމީހުން ހަނދާން ހުންނާނެއެވެ. މާތްރަސްކަލާނގެ ބާވައިލެއްވި ހެޔޮޚަބަރުފުޅު ތިޔަބައިމީހުންނަށް ވަޢުޡު އިއްވުމުގައި އަހަރެމެން ރެޔާދުވާލު ނުހަނު ބުރަކޮށް މަސައްކަތް ކުރީ ތިޔަބައިމީހުންނަށް ކުޑަވެސް ބުރައެއް ނުޖެއްސުމަށްޓަކައެވެ.

ތިސަލޯނިކާގެ މަސީޙީންނަށް ފުރަތަމަ ސިޓީ 4:11

ތިޔަބައިމީހުންގެ ލަނޑުދަނޑިއަކީ ހަމަހިމޭން ދިރިއުޅުމެއް އުޅުމެވެ. ތިޔަބައިމީހުންނާއި ނުބެހޭ ކަންތައްތަކާއި މެދުގައި ނުބެހި ތިބޭށެވެ. މީގެ ކުރީގައި ބުނިފަދައިން ތިޔަބައިމީހުންގެ މަސައްކަތުން ދިރިއުޅުމަށް ބޭނުންވާ ތަކެތި ހޯދާށެވެ.

ތިސަލޯނިކާގެ މަސީޙީންނަށް ދެވަނަ ސިޓީ 3:12

ވީމާ، އަހަރެމެންގެ މާތްސާހިބާ އީސާ އަލްމަސީޙަށްޓަކައި ތިޔަބައިމީހުންގެ ކައިރީގައި އާދޭސްކޮށް ބުނަމެވެ. މިފަދަ މީހުން ރަނގަޅަށް ހަމަޖެހި ދިރިއުޅުމަށްޓަކައި މަސައްކަތް ކުރާށެވެ.