2 ޞަމޫއީލް 8:12 - ކިތާބުލް މުޤައްދަސާ

¹² އެއީ އަދޫމާއި، މުއާބުއާއި ޢައްމޫނީންނާއި ޢަމާލިޤީންނާއި އަދި އެނޫން ވެސް ފިލިސްޠީނުންގެ ރަށްތަކުންނެވެ. އެކަލޭގެފާނު ޒޫބާގެ ރަސްގެފާނު ރަހޫބުގެ ދަރި ހަދަދުޢަޒަރުގެ އަތުން އަތުލައިގަތް ޣަނީމާތަކާ މެދު ވެސް ކަންތައް ކުރެއްވީ އެގޮތަށެވެ.

2 ޞަމޫއީލް 8:12 ပူးပေါင်းရင်းမြစ်များ

2 ޞަމޫއީލް 10:11

ޔުއާބު އަބީޝާއި ގާތު ބުންޏެވެ. ”⁠އަރާމީން އަހަރެމެންނަށް ވުރެން ގަދަވާން ފަށައިފި ނަމަ ކަލޭ އަހަރެންނާ އެހީވާން އާދޭ! އަދި ޢައްމޫނީން ކަލެއަށް ވުރެން ގަދަވާގޮތް ވެއްޖެނަމަ އަހަރެމެން ކަލެއަށް އެހީވާން ދާނަން.

2 ޞަމޫއީލް 10:14

ޢައްމޫނީންނަށް އަރާމީން ބަލިވެގެން ދުވާތަން ފެނިގެން އަބީޝާއިގެ ކުރިމަތީގައި ތިބި މީހުން ވެސް ދުއްވައިގެންފިއެވެ. އެމީހުން ދިޔަގޮތަށް އެނބުރި އެމީހުންގެ ރަށަށް ހިނގައްޖެއެވެ. އެހެންވެ ޔުއާބު ޢައްމޫނީންނާ ކުރި ހަނގުރާމައިން އެނބުރި ޖެރޫސަލަމަށް އަތުވެއްޖެއެވެ.

2 ޞަމޫއީލް 8:2

އަދި ދާއޫދުގެފާނު މުއާބުންގެ ބިން ވެސް ފަތަޙަ ކުރައްވައިފިއެވެ. ދެން އެކަލޭގެފާނު މުއާބުންގެ ގައިދީންތައް ބިންމަތީގައި އަތުރުއްވައި ކޮންމެ ތިން މީހެއްގެ ތެރޭން ދެ މީހުން ގަތުލުކުރައްވައި މުއާބީންގެ އެންމެން ދާއޫދުގެފާނުގެ މިލްކެއްގެ ގޮތުގައި ހަމަ ޖައްސަވައި އެކަލޭގެފާނަށް ޖިޒީ ދައްކަން ޖެއްސެވިއެވެ.

1 ޞަމޫއީލް 15:8

އެކަލޭގެފާނު ޢަމާލިޤީންގެ ރަސްގެފާނު އަޖާޖް ހައްޔަރު ކުރެއްވިއެވެ. އެހެނަސް އެރަށުގެ އެންމެން ގަތުލު ކުރެއްވިއެވެ.

1 ޞަމޫއީލް 27:8

މިހެން އުޅެފައި ދާއޫދާއި އޭނާގެ މީހުން އެ ހިސާބުގައި އުޅޭ ޖަރުޒީއިންނާއި ޢަމާލިޤީންނާއި ޖަޝޫރީންނަށް ހަމަލާ ދީފިއެވެ. (އަންދުވަހުން ފެށިގެން ވެސް މި މީހުންނަކީ މިޞްރާއި ޝޫރާއި ދެމެދުގައި އުޅެމުން އައިސްފައިވާ ބަޔެކެވެ.)

1 ޞަމޫއީލް 30:17

ދާއޫދު އެމީހުންނާ މޫނުއަނދިރި ކަމުގެ ތެރޭގައި ހަމަލަދޭން ފެށި ގޮތަށް އަނެއް ދުވަހު އިރު އޮއްސެންދެން ހަނގުރާމަ ކޮށްފިއެވެ. އޭގެ ތެރޭން ޖަމަލުތަކަށް އަރައިގެން ފިލި ހަތަރުސަތޭކަ މީހުން ނޫން އެކަކު ވެސް ސަލާމަތެއް ނުވެއެވެ.

1 ޞަމޫއީލް 30:20

ދާއޫދު އެމީހުންގެ ގެރިބަކަރި ޖަނަވާރުތައް ވެސް އަތުލައިގެންފިއެވެ. ދެން އޭނާގެ މީހުން އެ ޖަނަވާރުތައް ކުރީގައި ބައިތިއްބައިގެން މިހެން ކިޔަމުން ދިޔައެވެ. ”⁠މިއީ ދާއޫދު އަތުލި ޣަނީމާ.⁠“