2 ޞަމޫއީލް 6:2 - ކިތާބުލް މުޤައްދަސާ

² ދެން އެމީހުން ގޮވައިގެން ޔަހޫޛާގެ ބައަލާއަށް ވަޑައިގެންފިއެވެ. އެމީހުން މި ދިޔައީ ކުޅަދުންވަންތަ މާތްރަސްކަލާނގެ ނަންފުޅަށް ނިސްބަތްވާ ޢަހުދުނާމާ ފޮށިކޮޅު ބަލައެވެ. އެ ފޮށިކޮޅަކީ އޭގެ މަތިގަނޑުގައި ތިއްބަވާ ކުޑަތާމަލާއިކަތުންގެ ފިޔަފުޅު ދަށުގައި ކުޅަދުންވަންތަ މަތިވެރި ރަސްކަލާނގެ ތަޚުތުފުޅު ވާކަމަށް ބުނެވޭ ފޮށިކޮޅެވެ.

2 ޞަމޫއީލް 6:2 ပူးပေါင်းရင်းမြစ်များ

2 ޞަމޫއީލް 22:11

އެކަލާނގެ ކުޑަތާމަލާއިކަތުންގެ މައްޗަށް ސަވާރުވެ އުދުހިވޮޑިގަތެވެ. އެކަލާނގެ ވައިރޯޅިތަކުގެ ފިޔަތަކުގައި އުދުހިވޮޑިގަތެވެ.

ޕަތަރަސްގެ ފުރަތަމަ ސިޓީ 1:12

ނަމަވެސް އެބޭކަލުންނަށް އަންގަވައިދެއްވި ގޮތުގައި މި ޙާދިސާތައް ހިނގައިދާނީ އެބޭކަލުންގެ ޙަޔާތުގެ ދުވަސްތަކުގައެއްނޫނެވެ. އޭގެ އެތައް ޒަމާނެއްގެ ފަހުންނެވެ. އެއީ ތިޔަބައިމީހުންގެ ޙަޔާތުގައެވެ. އަދި މިއަދު ހެޔޮޚަބަރުފުޅު އިޢުލާނު ކުރެވި، ސުވަރުގެއިން ލިބިގެންވާ މާތްރޫޙުފުޅު ލިބިގެންވާ ބަޔަކު ތިޔަބައިމީހުންނަށް އެބަސްފުޅުން ވަޢުޡު އިއްވައިދެއެވެ. މަލާއިކަތުން ވެސް ޝައުގުވެރިކަމާއެކު މި ކަންތައްތައް ދެކެން ބޭނުންވެފައި ވެއެވެ.

1 ޞަމޫއީލް 4:4

ދެން އެމީހުން ކުޅަދުންވަންތަ މާތްރަސްކަލާނގެ ޢަހުދު ކުރެއްވި ޢަހުދުނާމާ ފޮށިކޮޅު ބަލާ ޝީލޫހު އަށް މީހުން ފޮނުވައިފިއެވެ. އެ ފޮށިކޮޅަކީ އޭގެ މަތީގައި ރަނުން ދެ މަލާއިކަތުންގެ ސޫރައިގައި ކަރޫބީމު ހަދާފައި އެ ދެމެދުގައި މާތްރަސްކަލާނގެ ފާޅުވެ ވޮޑިގެންނެވި ތަން ހަދާފައިވާ ފޮށިކޮޅެކެވެ. ފޮށިކޮޅާއެކު ޢާލީގެ ދެ ދަރިން ކަމަށްވާ ޚުފްނީއާއި ފީނަޙާސް ވެސް އައެވެ.

1 ޞަމޫއީލް 6:21

ދެން އެމީހުން ޤަރްޔަތު ޔަޢާރީމުގެ މީހުންނަށް ޚަބަރު ފޮނުވިއެވެ. އެމީހުން ބުންޏެވެ. ”⁠ފިލިސްޠީނުގެ މީހުން މާތްރަސްކަލާނގެ ޢަހުދުނާމާ ފޮށިކޮޅު ފޮނުވައިފި. ކަލޭމެން މި ފޮށިކޮޅު ގެންދަން ބަލައި އާދޭ.⁠“

1 ޞަމޫއީލް 7:1

ދެން ޤަރްޔަތު ޔަޢާރީމުގެ މީހުން އައިސް މާތްރަސްކަލާނގެ ފޮށިކޮޅު ގެންގޮސް ފަރުބަދަމަތީގައި ހުންނަ އަބީނާދާބްގެ ގޭގައި ބަހައްޓައި އޭނާގެ ދަރިފުޅު އަލިޢާޒާރުއާ އެ ފޮށިކޮޅު ބެލެހެއްޓުން ހަވާލު ކޮށްފިއެވެ.