2 ޞަމޫއީލް 4:6 - ކިތާބުލް މުޤައްދަސާ

⁶ އަދި އޭރު ދޮރުމަތީގައި ގޮދަން ހޮވަން އިން އަންހެންމީހާ ވެސް އޮތީ ނިދިޖެހިފައެވެ.

2 ޞަމޫއީލް 4:6 ပူးပေါင်းရင်းမြစ်များ

2 ޞަމޫއީލް 2:23

ދެން ވެސް އަސާހިލު ދޫނުކޮށް އޭނާ ފަހަތުން ދިޔައެވެ. އެހެންވެ އަބްނައިރު ލޮންސީގެ ފަހަތުކޮޅުން އޭނާގެ ބަނޑުގައި ޖެހިޖެހީނުން ލޮންސި ބުރަކަށީން ނެރެފިއެވެ. ހަމަ އެވަގުތު އޭނާ އެތަނަށް މަރުވެގެން ވެއްޓިއްޖެއެވެ. އޭރު އެހެން ދިޔަ އެންމެން ވެސް އަސާހިލުއާ އަރާހަމަވުމުން ހުއްޓި އޭނާ ވެއްޓިފައި އޮތްތަން ބަލަމުން ދިޔައެވެ.

2 ޞަމޫއީލް 20:10

އެވަގުތު ޢަމާސާއަކަށް ޔުއާބުގެ އަނެއް އަތުގައި އޮތް ޚަންޖަރެއް ނުފެނެއެވެ. ދެން ޔުއާބު ޢަމާސާގެ ބަނޑު ފަޅާލައިފިއެވެ. އެއާއެކު ޢަމާސާގެ ގޮހޮރު ބޭރަށް ނުކުމެއްޖެއެވެ. ޔުއާބު ދެ އެތިފަހަރެއް ނުޖަހަނީސް ޢަމާސާ މަރުވެގެން ވެއްޓިއްޖެއެވެ. ދެން ޔުއާބުއާއި އޭނާގެ ކޮއްކޮ އަބީޝާއިއާ ދެމީހުން ޝަބަޢަ ހޯދަން ނުކުމެއްޖެއެވެ.

2 ޞަމޫއީލް 3:27

އެމީހުން އަބްނައިރު ޙަބްރޫނަށް ގެނަސްފިއެވެ. ދެން އުޔާބު އޭނާ އެކަހެރި ކޮށް ސިއްރުވާހަކައެއް ދައްކަން ކަމަށް ހަދައިގެން ބޮޑު ދޮރާށި ފުރަގަހުން ގޮޅިއަކަށް ވައްދައި އޭނާގެ ބަނޑަށް ޚަންޖަރު ހަރާލިއެވެ. އެއާއެކު އަބްނައިރު އެތަނަށް މަރުވެގެން ވެއްޓިއްޖެއެވެ. މިގޮތުން ޔުއާބު އޭނާގެ ކޮއްކޮ އަސާހިލުގެ މަރުގެ ބަދަލު ހިފައިފިއެވެ.

2 ޞަމޫއީލް 4:2

އެދުވަސްވަރު އިޝްބޫސަތުގެ ލަޝްކަރުގެ ކުއްލި ހަމަލަދޭ ސިފައިންގެ އިސް ވެރިންގެ ގޮތުގައި ބައީރޫތުގެ ރިއްމޫންގެ ދެ ދަރިން ކަމަށްވާ ރިކާބު އާއި ބަޢްނާ އުޅެއެވެ. މިއީ ބަންޔާމީންގެ އާއިލާގެ ބައެކެވެ. އޭރު ބައިރޫތަކީ ބަންޔާމީން ސަރަހައްދުގެ ތެރޭ ހިމެނޭ ރަށެކެވެ.