2 ޞަމޫއީލް 4:11 - ކިތާބުލް މުޤައްދަސާ

¹¹ އެއަށް ވުރެން މާ ނުބައި ޚަބަރެއް ގެނައި ބަޔަކަށް އަހަރެން ދޭން އޮތީ ކޮން އިނާމެއްކަން ކަލޭމެންނަށް އެނގޭތަ؟ ކަލޭމެން ތިޔަ މަރާލީ ކުށެއްނެތް މީހަކު އޭނާގެ ގޭގައި ނިދާލާފައި އޮތްވާ. އޭނާގެ ލޭގެ ބަދަލުގައި އަހަންނަށް ޖެހޭނީ ކަލޭމެންގެ ވަސް ވެސް މި ދުނިޔޭން ފުހެލުމަށް.⁠“

2 ޞަމޫއީލް 4:11 ပူးပေါင်းရင်းမြစ်များ

ފެށުން 4:11

ތިމަންކަލާނގެ ކޯފާ ކަލޭގެ މައްޗަށް ލެވިގެންވޭ. ކަލޭ ކަލޭގެ ކޮއްކޮގެ ލޭ ބިންމައްޗަށް އޮހޮރުވައިފި. ބިމުގައި މީގެ ފަހުން ކަލޭ ގޮވާންކުރުމަށް ކުރާ މަސައްކަތަކުން ކަލެއަކަށް އެއްވެސް ފައިދާއެއް ނުވާނެ.

ފެށުން 6:13

ދެން މާތްކަލާނގެ ނޫޙުގެފާނަށް ވަޙީކުރެއްވިއެވެ. ”⁠ތިމަންކަލާނގެ ދުނިޔޭގައިވާ ހުރިހާ އެންމެން ނެތިކޮށްލައްވާނަން. އެއީ ދުނިޔެ އަނިޔާވެރިކަމުން ފުރިފައި ވަނީ އެމީހުންގެ ސަބަބުން. ހަމަކަށަވަރުން ވެސް ވަރަށް އަވަހަށް ތިމަންކަލާނގެ އެމީހުންނާއި ދުނިޔެވެސް ނެތިކޮށް ލައްވާނަން.

ފެށުން 7:23

މާތްރަސްކަލާނގެ ދުނިޔޭގައި ވީ ހުރިހާ އެއްޗެއް ދުނިޔޭގެ ބިމުން ނެތިކޮށް ފޮހެލެއްވިއެވެ. ނޫޙުގެފާނާއި އެކަލޭގެފާނުގެ އާއިލާއާއި އެމީހުންނާއި އެކު ނައުކޮޅުގައި ވީތަކެތި ފިޔަވާ ހުރިހާ އެއްޗެއް ނެތިވެ ދިޔައީއެވެ.

2 ޞަމޫއީލް 16:8

މާތްރަސްކަލާނގެ ކަލެއަށް މިއަދު ތި ދެއްވަނީ އެކަމުގެ ސަޒާ. ކަލޭ ތީ ޝާއުލްގެފާނުގެ އާއިލާގެ ދުވަސް ދުއްވާލި މީހާ. އަދި ކަލޭ އެކަލޭގެފާނުގެ ރަސްކަން ވެސް ފޭރިގަތް. މިހާރު ކަލެއަށް ތި ފެންނަނީ އެކަމުގެ ހިތި. މާތްރަސްކަލާނގެ ކަލޭގެ ރަސްކަން ކަލޭގެ ދަރި އަބްޝާލޫމަށް އެ ދެއްވީ ކަލޭ ތިއީ މީހުން މަރާ މީހެއް ވީމާ.⁠“

2 ޞަމޫއީލް 3:27

އެމީހުން އަބްނައިރު ޙަބްރޫނަށް ގެނަސްފިއެވެ. ދެން އުޔާބު އޭނާ އެކަހެރި ކޮށް ސިއްރުވާހަކައެއް ދައްކަން ކަމަށް ހަދައިގެން ބޮޑު ދޮރާށި ފުރަގަހުން ގޮޅިއަކަށް ވައްދައި އޭނާގެ ބަނޑަށް ޚަންޖަރު ހަރާލިއެވެ. އެއާއެކު އަބްނައިރު އެތަނަށް މަރުވެގެން ވެއްޓިއްޖެއެވެ. މިގޮތުން ޔުއާބު އޭނާގެ ކޮއްކޮ އަސާހިލުގެ މަރުގެ ބަދަލު ހިފައިފިއެވެ.

2 ޞަމޫއީލް 3:39

އަހަރެން މީ އިސްކުރެވިފައިވާ ރަސްގެފާނު ވިޔަކަސް ސަރޫވިޔަތުގެ ދަރި ޔުއާބުއާއި އަބީޝާއި މިހާރު އަހަންނަށް ވުރެން މާގަދަ. ވިޔާ ނުދާ ކަންތައް ކުރާ މީހުންނަށް އެމީހުން ކުރި ކުށުގެ ޙައްޤު ސަޒާ މާތްރަސްކަލާނގެ ދެއްވާށި!⁠“

ނެރުއްވުން 21:12

”⁠މީހަކު މީހަކަށް ހަމަލަދީ ގަސްތުގައި މަރާލައިފިނަމަ އެމީހަކު މަރާލަން ޖެހޭނެ.

ނެރުއްވުން 9:15

މިހާރު ތިމަންކަލާނގެ ބޭނުންފުޅުނަމަ ތިމަންކަލާނގެ އަތްޕުޅު އުފުއްލަވައި މަނިކުފާނާއި މަނިކުފާނުގެ މީހުންގެ މައްޗަށް ވަބާއެއް ފޮނުއްވައި މިދުނިޔޭގެ ބިމުން ތިޔަ ހުރިހާއެންމެން ފުހެލެއްވީމުހޭ.

ހަރުބަސްތައް 2:22

ބިމުން ބޭރުކޮށްލެވޭނީ ނުބައި ނުލަފާ މީހުންނެވެ. މުލުން ލުހެލެވޭނީ ޣައްދާރުންނެވެ.

ހަރުބަސްތައް 25:26

ހެޔޮ މީހާ ނުބައި މީހެއްގެ ބަހަށް ލެނބުމެކޭ ތާޒާ ފައްވާރާއެއް ނުވަތަ ފެންއާރެއް ކިލާވުމެކޭ އެއްފަދައެވެ.

ޔޫޙަންނާގެ ފުރަތަމަ ސިޓީ 3:12

އަހަރެމެންނަކީ ޤާއިން ފަދަ ބައެއް ނޫނެވެ. އޭނާ މިލްކުވެގެންވީ ޝައިތާނާއަށެވެ. އަދި އޭނާ އޭނާގެ ކޮއްކޮ ހާބީލް މަރައިލިއެވެ. ޤާޔިން އޭނާގެ ކޮއްކޮ ގަތުލު ކުރީ ކީއްވެ ހެއްޔެވެ؟ އެއީ ޤާޔިން ކުރީ ނުބައިވެގެންވީ އަމަލުތަކެއް ކަމުންނެވެ. ނަމަވެސް އޭނާގެ ކޮއްކޮ ކުރި އަމަލުތަކަކީ ސާލިޙު އަމަލުތަކެއް ކަމުންނެވެ.