2 ޞަމޫއީލް 23:20 - ކިތާބުލް މުޤައްދަސާ

²⁰ ޔޫޔާދަޢުގެ ދަރި ބަނާޔާއަކީ ޖާނު ވަރުގަދަ ފަހުލަވާނެކެވެ. އޭނާ އުޅެބޮޑުވީ ޤަބްޞިއީލުގައެވެ. އޭނާ ވެސް އެފަދަ ހިތްވަރުގަދަ ކަންތައް ކުރިއެވެ. އޭނާ މުއާބުގެ ގަދަފަދަ ދެ ފަހުލަވާނުން މަރާލިއެވެ. އެއްދުވަހަކު ސްނޯ ފައިބަމުން ދިޔަ ވަގުތެއްގައި ވަޅުގަނޑެއްގެ ތެރޭ އޮތް ސިންގާއެއް ވެސް މަރާލިއެވެ.

2 ޞަމޫއީލް 23:20 ပူးပေါင်းရင်းမြစ်များ

2 ޞަމޫއީލް 1:23

ޝާއުލްގެފާނުގެ ދެބަފައިން ދިރިތިބި އިރު ހުރިހާ އެންމެންގެ ލޯތްބާއި އިޙްތިރާމް ލިބުނެވެ. މަރުވެ ދިޔައީވެސް އެކު އެކީގައެވެ. އެދެމީހުން ބާޒަށް ވުރެން ވެސް ހަލުއްވެވެ. ސިންގާއަށް ވުރެން ވެސް ބާރުގަދައެވެ.

2 ޞަމޫއީލް 20:23

ޔުއާބަކީ އިސްރާއީލުގެ ލަޝްކަރުގެ އިސްވެރިޔާ އެވެ. އަދި ޔޫޔާދަޢުގެ ދަރި ބަނާޔާ އަކީ ދާއޫދުގެފާނުގެ ހަށިފާރަވެރިންގެ ވެރިޔާއެވެ.

2 ޞަމޫއީލް 23:19

އަބީޝާއީ އެ ތިން ފަހުލަވާނުން ފަދައިން މަޝްހޫރުވެފައި ވިޔަސް އޭނާ ތިން ފަހުލަވާނުންގެ ތެރެއަކު ނުހިމެނެއެވެ. އޭނާ ހުރީ އެމީހުންގެ ވެރިޔަކަށެވެ.

2 ޞަމޫއީލް 23:21

މީގެ އިތުރުން ބަނާޔާ މިޞްރުގެ ބިޔަ ހަނގުރާމަވެރިއަކު ވެސް މަރާލިއެވެ. މިޞްރު މީހާގެ އަތުގައި ބޮޑު ލޮންސިއެއް އޮތެވެ. އެކަމަކު ބަނާޔާއަތުގައި އޮތީ މުގުރު ބުރިއެކެވެ. ބަނާޔާ މިޞްރު މީހާ އަތުން ލޮންސި ދަމައިގަތެވެ. އޭނާ މިޞްރު މީހާ މަރާލީ އެލޮންސިންނެވެ.

2 ޞަމޫއީލް 23:22

ބަނާޔާ މިކަހަލަ ކިތަންމެ ކުޅަދާނަ ކަންތަކެއް ކުރިއެވެ. މީނާއަކީ ވެސް ތިން ފަހުލަވާނުންހާ މަޝްހޫރު މީހެކެވެ.

2 ޞަމޫއީލް 8:18

އަދި ޔޫޔާދަޢުގެ ދަރި ބަނާޔާއަކީ އެކަލޭގެފާނުގެ ހަށިފާރަވެރިންގެ އިސްމީހާއެވެ. އަދި ދާއޫދުގެފާނުގެ ދަރިންނަކީ ޝާހީ މުޝްތަޝާރުންނެވެ.

ނެރުއްވުން 15:15

އަދޫމުގެ ވެރިން ގަތް ބިރުގެ ކޮޅެއް ވެސް ނެތް. މުއާބުގެ ގަދަ ފަހުލަވާނުން ތުރުތުރު އެޅި. ކަންޢާނުގެ އަހުލުވެރިން ބިރުން ވިރިގެން ދިޔަ.