2 ޞަމޫއީލް 20:9 - ކިތާބުލް މުޤައްދަސާ

⁹ ޔުއާބު ޢަމާސާކުރެން އެއްސެވެ. ”⁠ބޭބޭ، ހާލު ކިހިނެއްތަ؟⁠“ ދެން ޔުއާބު އޭނާގެ ކަނާތުން ޢަމާސާގެ ތުނބުޅީގައި ހިފައި ބޮސްދޭން އުޅޭ ގޮތް ދައްކާލިއެވެ.

2 ޞަމޫއީލް 20:9 ပူးပေါင်းရင်းမြစ်များ

2 ޞަމޫއީލް 15:5

އަބްޝާލޫމްގެ ކައިރިއަށް މީހަކު ގުދުވެ އަދަބު އަދާ ކުރަން ފަށައިފިނަމަ އަބްޝާލޫމް އައިސް އެމީހެއްގެ މާ ގާތް މީހެއްގެ ގޮތް ދައްކައި އަތުގައި ހިފައި ގާތަށް ލަފައި ބޮސްދީ ހަދައެވެ.

2 ޞަމޫއީލް 17:25

ދެން އަބްޝާލޫމްގެ ސިފައިންގެ ވެރިޔަކަށް އޭރު ހުރި ޔުއާބުގެ މަޤާމަށް ޢަމާސާ ލައިފިއެވެ. އަމާސާއަކީ ޔަޘްރާކިޔާ އިސްރާއީލުގެ މީހެއްގެ ދަރިއެކެވެ. އޭނާގެ މަންމަ އަކީ ޔަޘްރާގެ އަންހެނުން އަބީޖާއިލްއެވެ. އެއީ ނަޙާޝްގެ އަންހެންދަރިފުޅެވެ. އަދި އޭނާއަކީ ޔުއާބުގެ މަންމަ ސަރޫވިޔަތުގެ ކޮއްކޮއެއް ވެސް މެއެވެ.

2 ޞަމޫއީލް 18:29

ރަސްގެފާނު އެއްސެވިއެވެ. ”⁠އަބްޝާލޫމް ސަލާމަތުން އެބަހުރިތަ؟⁠“ އަޚީމައަސް ދެންނެވިއެވެ. ”⁠ޔުއާބު އަޅުގަނޑު ފޮނުވި އިރު ބޮޑު އޮޅުން ބޮޅުން ކަންތަކެއް ހިނގަމުން ދިޔަ. އެކަމަކު އޭގެ މާނައަކީ ކޮބައިކަމެއް އަޅުގަނޑަކަށް ނޭނގޭ.⁠“

2 ޞަމޫއީލް 3:27

އެމީހުން އަބްނައިރު ޙަބްރޫނަށް ގެނަސްފިއެވެ. ދެން އުޔާބު އޭނާ އެކަހެރި ކޮށް ސިއްރުވާހަކައެއް ދައްކަން ކަމަށް ހަދައިގެން ބޮޑު ދޮރާށި ފުރަގަހުން ގޮޅިއަކަށް ވައްދައި އޭނާގެ ބަނޑަށް ޚަންޖަރު ހަރާލިއެވެ. އެއާއެކު އަބްނައިރު އެތަނަށް މަރުވެގެން ވެއްޓިއްޖެއެވެ. މިގޮތުން ޔުއާބު އޭނާގެ ކޮއްކޮ އަސާހިލުގެ މަރުގެ ބަދަލު ހިފައިފިއެވެ.

ހަރުބަސްތައް 26:23

މުށި ގުޅިއެއްގެ ބޭރުގައި ލާފައި ހުންނަ އޮފެއް ފަދައިން އޮމާން ބަސްތައް މަކަރުވެރި ނިޔަތް ފޮރުވައެވެ.

ހަރުބަސްތައް 27:6

އިޚުލާސްތެރި ރަޙުމަތްތެރިޔެއްގެ އަތުން ވާ ޒަޚަމްތައް އަދާވާތްތެރިއެއްގެ ބޮސް ދިނުންތަކަށް ވުރެން ރަނގަޅެވެ.