2 ޞަމޫއީލް 20:21 - ކިތާބުލް މުޤައްދަސާ

²¹ އަހަރެމެން މިއައީ އަފްރާއީމުގެ ފަރުބަދަމަތީ މީހެއްކަމަށް ވާ ބިކްރީގެ ދަރި ޝަބަޢަ ކިޔާ މީހަކު ރަސްގެފާނާއި ދެކޮޅަށް ނުކުތީމާ އޭނާ ބަލާ. އޭނާ އަހަރެމެންނާ ހަވާލު ކުރަނިކޮށް މި ސަހަރު ދޫކޮށް ހިނގައިދާނަން.⁠“ އަންހެން މީހާ ބުންޏެވެ. ”⁠ތިހެން ވީ އިރު ހެޔޮ. ތިޔަ މީހާގެ ބޯ ފާރު މަތިން ވައްޓާލަ ދޭނަން.⁠“

2 ޞަމޫއީލް 20:21 ပူးပေါင်းရင်းမြစ်များ

2 ޞަމޫއީލް 20:1

އެތަނުގައި ބިކްރީގެދަރި ޝަބަޢަ ހުއްޓެވެ. އޭނާ އަކީ ވަރަށް ނުބައި މީހެކެވެ. މި ޝަބަޢަ އަކީ ބަންޔާމީންގެ ދަރިކޮޅުގެ މީހެކެވެ. ޝަބަޢަ އޭނާގެ މީހުން އެއްތަން ކުރުމަށް ތާޅަފިލި ފުމެލައިފިއެވެ. އޭނާ ބުންޏެވެ. ”⁠އަހަރެމެންނަކާ ދާއޫދުއަކާ ވާކަމެއް ނެތް. އަހަރެމެންނަކާ ޔައްސާގެ ދަރިޔަކާ ވެސް ގުޅުމެއް ނެތް. އެންމެން ހިނގާ ގެޔަށް ދާން.⁠“

2 ޞަމޫއީލް 20:2

އެހެންވެ ހުރިހާ އިސްރާއީލީން ދާއޫދުގެފާނު ދޫކޮށް ޝަބަޢައާ އެކުލަވައިފިއެވެ. އެކަމަކު ޔަހޫޛާގެ މީހުން ދާއޫދުގެފާނާއެކު ކޯރު އައްސޭރިން ފެށިގެން ޖެރޫސަލަމާ ހަމަޔަށް އަތުވެއްޖެއެވެ.

2 ޞަމޫއީލް 20:20

ޔުއާބު ބުންޏެވެ. ”⁠އަހަރެމެން މިއައީ މި ސަހަރު ސުންނާފަތި ކުރާކަށެއް ނޫން. އަދި އަމުދުން އެތަކެތި ކާލާކަށެއް ވެސް ނޫން.

2 ޞަމޫއީލް 23:18

ސަރޫވިޔަތުގެ ދަރި އަބީޝާއި އަކީ ޔުއާބުގެ ކޮއްކޮއެވެ. އޭނާއަކީ އެ ތިރީސް ފަހުލަވާނުންގެ އަމުރުވެރިޔާއެވެ. އަބީޝާއި އޭނާގެ ލޮންސިން ތިންސަތޭކަ ދުޝްމިނުންނާ ހަނގުރާމަކޮށް އެ އެންމެން މަރާލިއެވެ. އޭނާއަކީ ވެސް އެ ތިން ފަހުލަވާނުން ފަދައިން މަޝްހޫރު މީހެކެވެ.

1 ޞަމޫއީލް 24:6

ދާއޫދުގެ މީހުންނަށް އޭނާ ބުންޏެވެ. ”⁠އަހަރެންގެ ސާހިބާއާ މެދު މިފަދަ ކަމެއް ކުރެވޭނެ ގޮތް މާތްރަސްކަލާނގެ މެދުވެރި ނުކުރައްވާށި! މާތްރަސްކަލާނގެ އައްޔަން ކުރައްވާފައިވާ ރަސްކަލަކާ ދިމާއަށް އަތް އުފުއްލެވޭނެ ގޮތް މެދުވެރި ނުކުރައްވާށި!⁠“

1 ޞަމޫއީލް 26:9

ދާއޫދު ބުންޏެވެ. ”⁠އެކަލޭގެފާނަށް ގެއްލުމެއް ދީގެން ނުވާނެ. މާތްރަސްކަލާނގެ ވެރިކަމަށް އިސް ކުރައްވާފައިވާ ބޭކަލަކަށް ގެއްލުމެއް ދީފައި ކުށެއް ނެތް މީހެއްގެ ގޮތުގައި އުޅެވޭނީ ކާކަށް؟