2 ޞަމޫއީލް 2:7 - ކިތާބުލް މުޤައްދަސާ

⁷ މިހާރު ދެން ކަލޭމެން ހިތްވަރު ގަދަ ކުރާތި. ކަލޭމެންގެ ސާހިބު ޝާއުލްގެފާނު އަވަހާރަވެ ދިޔަ ކަމުގައި ވިޔަސް ޔަހޫޛާގެ މީހުން މިވަނީ އެމީހުންގެ ރަސްކަލަކަށް އަހަރެން ހޮވާފައި.⁠“

2 ޞަމޫއީލް 2:7 ပူးပေါင်းရင်းမြစ်များ

ފެށުން 15:1

އޭގެފަހުގައި މާތްރަސްކަލާނގެ އަބްރާމަށް ނިދާ އިއްވެވިއެވެ. ”⁠އަބްރާމް. ބިރު ނުގަނޭ. ތިބާ ރައްކާތެރިކުރާނެ އައްޑަނައަކީ ތިމަން ރަސްކަލާނގެ. ތިމަންކަލާނގެ ތިބާއަށް މަތިވެރި ވެގެންވާ އިނާމެއް ދެއްވާނަން.⁠“

2 ޞަމޫއީލް 10:12

ހިތްވަރާއި ގަދަފަދަކަމާއެކު އަހަރެމެންގެ މީހުންނާއި އަހަރެމެންގެ ކަލާނގެ ސަހަރުތަކަށް ޓަކައި ހަނގުރާމަކުރަމާ ހިނގާ! މާތްރަސްކަލާނގެ އެދިވޮޑިގެންވާ ގޮތަކަށް ހިންމަވާފާނެ.⁠“

2 ޞަމޫއީލް 2:6

އެކަމަށްޓަކައި ކަލޭމެންނާއި މެދު މާތްރަސްކަލާނގެ ދެގޮތެއްނުވާ އޯގާވެރިކަމާއި އަމާނާތްތެރިކަން ކަލޭމެންނާމެދު ބަހައްޓަވާނެ. އަހަރެން ވެސް ކަލޭމެން އެ ކުރި ހެޔޮކަން ބަލައިގަނެ ކަލޭމެންނާމެދު އެފަދައިން ކަންތައް ކުރާނަން.

2 ޞަމޫއީލް 2:8

އެ ހިނދު ޝާއުލްގެފާނުގެ ދަރިކަލެއް ކަމަށްވާ އިޝްބޫސަތު ގޮވައިގެން ނައިރުގެ ދަރި އަބްނައިރު މަޙަނާއިމު އަވަށަށް އަތުވެއްޖެއެވެ. އަބްނައިރު އަކީ ޝާއުލްގެފާނުގެ ލަޝްކަރުގެ ވެރިޔަކަށް ހުރި މީހާއެވެ.

2 ޞަމޫއީލް 5:3

އެގޮތުން އިސްރާއީލުގެ ހުރިހާ ބޮޑުން ޙަބްރޫނަށް އައިސް ދާއޫދު ރަސްގެފާނާ ބައްދަލު ކުރިއެވެ. ދާއޫދުގެ ފާނު އެމީހުންނާއެކު މާތްރަސްކަލާނގެ ކުރިފުޅުމަތީގައި މުޢާހަދާއެއް ކުރައްވައިފިއެވެ. ދެން އިސްރާއީލުގެ ހަރުމީހުން އައިސް ދާއޫދުގެފާނުގެ އިސްތަށިފުޅަށް ޒައިތޫނި ތެޔޮ އަޅައި އެކަލޭގެފާނު ރަސްކަމަށް އިސްކޮށްފިއެވެ.

އެފޭސުސްގެ މަސީޙީންނަށް ސިޓީ 6:10

އަހަރެން ތިޔަބައިމީހުންނަށް ބުނާ ފަހުބަހަކީ މިއީއެވެ. މާތްސާހިބާއާ ގުޅިފައިވެ އެކަލޭގެފާނުގެ ހަކަތައިން ތިޔަބައިމީހުން ބާރުހޯދާށެވެ.

1 ޞަމޫއީލް 31:12

އެމީހުންގެ ހިތްވަރުގަދަ މީހުން މުޅި ރޭ ހިނގާފައި ބައިތު ޝާން އަށް ގޮސް ޝާއުލްގެފާނާއި އެކަލޭގެފާނުގެ ދަރިންގެ މުޅަމަސްތައް ބައިތު ޝާންގެ ފާރުތަކުން ނަގައިގެން ޔާބީޝްއަށް ގެންގޮސް އެތަނުގައި އެ ހަށިތައް އަންދައިފިއެވެ.

1 ޞަމޫއީލް 31:7

އުރުދުން ކޯރުގެ އަނެއްފަރާތުގައި އާއި ވާދީގެ ތެރޭގައި ތިބި މީހުންނަށް ޝާއުލްގެފާނާއި އެކަލޭގެފާނުގެ ދަރިންތައް މަރުވެ އިސްރާއީލީންގެ ލަޝްކަރު ފިލަންދާތަން ފެނުމުން އެމީހުންގެ އަވަށްތައް ދޫކޮށް ގޮސް ފިލައިފިއެވެ. ދެން ފިލިސްޠީނުން އައިސް އިސްރާއީލީންގެ އަވަށްތަކަށް ވެރިވެގެންފިއެވެ.

1 ޞަމޫއީލް 4:9

ހިތްވަރުގަދަ ކުރޭ. ފިރިހެނުންގެ ގޮތުގައި ހަނގުރާމަ ކުރޭ. އެހެންނޫނީ އަހަރެމެންނަށް އެމީހުން އަޅުވެތިވީ ފަދައިން އަހަރެމެން ވެސް އެމީހުންނަށް އަޅުވެތިވާން ޖެހިދާނެ.⁠“