2 ޞަމޫއީލް 2:23 - ކިތާބުލް މުޤައްދަސާ

²³ ދެން ވެސް އަސާހިލު ދޫނުކޮށް އޭނާ ފަހަތުން ދިޔައެވެ. އެހެންވެ އަބްނައިރު ލޮންސީގެ ފަހަތުކޮޅުން އޭނާގެ ބަނޑުގައި ޖެހިޖެހީނުން ލޮންސި ބުރަކަށީން ނެރެފިއެވެ. ހަމަ އެވަގުތު އޭނާ އެތަނަށް މަރުވެގެން ވެއްޓިއްޖެއެވެ. އޭރު އެހެން ދިޔަ އެންމެން ވެސް އަސާހިލުއާ އަރާހަމަވުމުން ހުއްޓި އޭނާ ވެއްޓިފައި އޮތްތަން ބަލަމުން ދިޔައެވެ.

2 ޞަމޫއީލް 2:23 ပူးပေါင်းရင်းမြစ်များ

2 ޞަމޫއީލް 2:24

އެކަމަކު ޔުއާބުއާއި އަބީޝާއި އައިސް އަބްނައިރު ފަހައިގެންފިއެވެ. އެމީހުން އޭނާގެ ފަހަތުން އަންމާ ފަރުބަދައާ ހަމަޔަށް ދެވުނު ތަނާ އިރުއޮއްސިއްޖެއެވެ. އެ ފަރުބަދައަކީ ޖިބްޢޫން ގެ ހަނަފަސް ސަހަރާ މަގުމަތީ ޖިޔާހްގެ ކާރީގެ ހިސާބެކެވެ.

2 ޞަމޫއީލް 20:10

އެވަގުތު ޢަމާސާއަކަށް ޔުއާބުގެ އަނެއް އަތުގައި އޮތް ޚަންޖަރެއް ނުފެނެއެވެ. ދެން ޔުއާބު ޢަމާސާގެ ބަނޑު ފަޅާލައިފިއެވެ. އެއާއެކު ޢަމާސާގެ ގޮހޮރު ބޭރަށް ނުކުމެއްޖެއެވެ. ޔުއާބު ދެ އެތިފަހަރެއް ނުޖަހަނީސް ޢަމާސާ މަރުވެގެން ވެއްޓިއްޖެއެވެ. ދެން ޔުއާބުއާއި އޭނާގެ ކޮއްކޮ އަބީޝާއިއާ ދެމީހުން ޝަބަޢަ ހޯދަން ނުކުމެއްޖެއެވެ.

2 ޞަމޫއީލް 3:27

އެމީހުން އަބްނައިރު ޙަބްރޫނަށް ގެނަސްފިއެވެ. ދެން އުޔާބު އޭނާ އެކަހެރި ކޮށް ސިއްރުވާހަކައެއް ދައްކަން ކަމަށް ހަދައިގެން ބޮޑު ދޮރާށި ފުރަގަހުން ގޮޅިއަކަށް ވައްދައި އޭނާގެ ބަނޑަށް ޚަންޖަރު ހަރާލިއެވެ. އެއާއެކު އަބްނައިރު އެތަނަށް މަރުވެގެން ވެއްޓިއްޖެއެވެ. މިގޮތުން ޔުއާބު އޭނާގެ ކޮއްކޮ އަސާހިލުގެ މަރުގެ ބަދަލު ހިފައިފިއެވެ.

2 ޞަމޫއީލް 3:30

މިހާރު ޔުއާބްއާއި އަބީޝާއި މިވަނީ ޖިބްޢޫންގައި ހިނގި ހަނގުރާމައިގައި އޭނާގެ ކޮއްކޮ މަރާލެވުމުގެ ބަދަލު ހިފާފައެވެ.

2 ޞަމޫއީލް 4:6

އަދި އޭރު ދޮރުމަތީގައި ގޮދަން ހޮވަން އިން އަންހެންމީހާ ވެސް އޮތީ ނިދިޖެހިފައެވެ.

2 ޞަމޫއީލް 5:6

ރަސްގެފާނާއި އެކަލޭގެފާނުގެ މީހުން ޖެރޫސަލަމުގައި ދިރިއުޅޭ ޔަބޫސީންނާ ހަނގުރާމައަށް ވަޑައިގަތެވެ. ޔަބޫސީން ދާއޫދުގެފާނަށް ދެންނެވިއެވެ. ”⁠ކަލެއަކަށް އަހަރެމެންގެ ރަށަކަށް ނޭރޭނެ. އަހަރެމެންގެ ލޯފަން މީހުންނާއި ކޮރުމީހުން ވެސް ނުކުމެ ކަލޭ ހުއްޓުވާނެ.⁠“ އެމީހުން ހީކުރީ ދާއޫދުގެފާނަށް އެމީހުންގެ ރަށަށް އަރައިވަޑައި ނުގެންނެވޭނެ ކަމަށެވެ.