2 ޞަމޫއީލް 18:33 - ކިތާބުލް މުޤައްދަސާ

³³ ދެން ރަސްގެފާނަށް އަބްޝާލޫމް މަރުވެއްޖެކަން އެނގިވަޑައިގެންފިއެވެ. އެވަގުތު ރަސްގެފާނު ތުރުތުރު ލައިގެންފިއެވެ. އެކަލޭގެފާނު ބޮޑުފާރުދޮށުގައި ހުރި ކޮޓަރިއަކަށް ވަންނަވައި ހަރު އަޑުން ކީރިތި ކުރައްވަން ފައްޓަވައިފިއެވެ. އެކަލޭގެފާނު މިހެން ވިދާޅުވަމުން ގެންދެވިއެވެ. ”⁠މަގޭ ދަރިފުޅު އަބްޝާލޫމް، މަގޭ ދަރިފުޅު އަބްޝާލޫމް. ކަލޭގެ ބަދަލުގައި އަހަރެން މަރުވިނަމަ ކޮންފަދަ. އަބްޝާލޫމް، މަގޭ ދަރިފުޅު އަބްޝާލޫމް!⁠“

2 ޞަމޫއީލް 18:33 ပူးပေါင်းရင်းမြစ်များ

ފެށުން 21:11

މިކަމުގެ ސަބަބުން އިބްރާހީމްގެފާނު ކަންބޮޑުފުޅުވެ ވަޑައިގެންނެވިއެވެ. ސަބަބަކީ އިސްމާޢީލްގެފާނަކީ ވެސް އިބްރާހީމްގެފާނުގެ ދަރިކަލެއްވީމައެވެ.

2 ޞަމޫއީލް 14:1

ދާއޫދު ރަސްގެފާނު އަބްޝާލޫމަށް އެދިވަޑައިގަންނަވާ ވަރު ސަރޫވިޔަތުގެ ދަރި ޔުއާބުއަށް ވިސްނުނެވެ.

2 ޞަމޫއީލް 19:1

މީހުން ގޮސް ޔުއާބަށް މި ޚަބަރު ދީފިއެވެ. އެމީހުން ބުންޏެވެ. ”⁠ބަލާބަލަ ރަސްގެފާނު އެއޮތްގެން ކީރިތި ކުރައްވައި ހިތާމަފުޅު ކުރައްވަނީ އަބްޝާލޫމު މަރުވެގެން އެކަމާ.⁠“

2 ޞަމޫއީލް 19:4

ރަސްގެފާނު މޫނުފުޅުމަތީ އަތްޕުޅު ބާއްވައިގެން ހަރުއަޑުން ކީރިތި ކުރައްވަނީއެވެ. ”⁠މަގޭ ދަރިފުޅު އަބްޝާލޫމް މަގޭ ދަރިފުޅު އަބްޝާލޫމް.⁠“

ނެރުއްވުން 32:32

ނަމަވެސް އެމީހުންގެ މި ފާފައަށް މައާފު ކޮށްދެއްވުމަށް މިއަޅާ އިނބަރަސްކަލާނގެ ކިބަފުޅަށް އާދޭސް ދަންނަވަން. އިނބަރަސްކަލާނގެ އެމީހުންނަށް މަޢާފު ނުދެއްވާނެ ނަމަ އިނބަރަސްކަލާނގެ ފޮތުން އަޅުގަނޑުގެ ނަން ކަނޑާލަ ދެއްވާ!⁠“

ހަރުބަސްތައް 10:1

މިއީ ސުލައިމާނުގެފާނު ވިދާޅުވި ބުއްދިވެރި ބަސްފުޅުތަކެވެ: ބުއްދިވެރި ދަރިން އެ ދަރިންގެ ބަފާގެ ހިތް އުފާ ކުރުވައެވެ. މޮޔަ ދަރިން އަމާ ހިތް ނުތަނަވަސް ކުރުވައެވެ.

ހަރުބަސްތައް 17:25

މޮޔަ ދަރިން އެމީހުންގެ ބަފާ ހިތްދަތިކުރެއެވެ. ވިހޭ މައިމީހާ ހިތުގައި ޖައްސައެވެ.

ޔާމިޒުގެ ސިޓީ 5:17

އިލްޔާސްގެފާނާއި މެދުގައި ނިކަން ވިސްނައިބަލާށެވެ. އެކަލޭގެފާނަކީ ވެސް އަހަރެމެން ފަދަ އިންސާނެކެވެ. އެކަލޭގެފާނުގެ ޒަމާނުގައި ވާރޭ ނުވެއްސެވުމަށް އެދި އިޚުލާސްތެރިކަމާއެކު މާތްރަސްކަލާނގެ ކިބަފުޅަށް އެކަލޭގެފާނު ދުޢާފުޅު ކުރެއްވިއެވެ. އަދި އެކަލޭގެފާނު ކުރެއްވި ދުޢާފުޅު މާތްރަސްކަލާނގެ އިޖާބަ ކުރައްވައި ތިން އަހަރާއި ހަމަސްދުވަސް ވަންދެން އެ ރަށަށް ވާރޭ ނުވެއްސެވިއެވެ.