2 ޞަމޫއީލް 17:9 - ކިތާބުލް މުޤައްދަސާ

⁹ އެކަލޭގެފާނު މިހާރު ވެސް ހުންނަވާނީ ހޮހަޅައެއްގައި ނޫނީ ކޮންމެވެސް ތަނެއްގައި ފިއްލަވާ. އެމީހުން ނުކުމެ ތިބޭކަލުންނަށް ހަމަލަދޭން ފަށައިފިއްޔާ އަޑުއަރާނީ ދާއޫދުގެފާނުގެ މީހުން އަބްޝާލޫމްގެ މީހުން މަރަމުން އެބަ ގެންދެޔޭ.

2 ޞަމޫއީލް 17:9 ပူးပေါင်းရင်းမြစ်များ

2 ޞަމޫއީލް 17:10

އޭރުން ހަނގުރާމަވެރިންގެ ތެރޭގައި ތިބި ސިންގާތަކެއްފަދަ ހިތްވަރު ގަދަ މީހުން ވެސް ބިރުން ވިރިގެންދާނެ. އެގޮތަކީ އިސްރާއީލުގެ އެންމެންނަށް ވެސް އެނގޭނެ ކަލޭގެފާނުގެ ބައްޕާފުޅަކީ ކިހާ ވަރުގަދަ ހިތްވަރުފުޅު ގަދަ ހަނގުރާމަވެރި ފަހުލަވާނެއްކަން.

2 ޞަމޫއީލް 17:8

ކަލޭގެފާނަށް ވެސް އެނގިވަޑައިގަންނަވާނެ، ކަލޭގެފާނުގެ ބައްޕާފުޅާއި އެކަލޭގެފާނުގެ މީހުންނަކީ ގަދަފަދަ ހަނގުރާމަވެރި ބައެއް ކަން. އެމީހުންނަކީ ދަރިންކޮޅު ގެއްލިފައިވާ ވަލު ސާރިދޯޅަތަކެއް ފަދަ ނުރައްކާތެރި ބައެއް. އެހެންނޫނަސް ކަލޭގެފާނުގެ ބައްޕާފުޅަކީ ހަނގުރާމައިގެ ރޭވުންތެރި ކުޅަދާނަ ހުނަރު ވެރިއެއް. އެކަލޭގެފާނު މީހުންތަކުގެ ތެރޭ ރޭގަނޑަކު ނުހުންނަވާނެ.

1 ޞަމޫއީލް 22:1

ދާއޫދު ޖައްތުން ފިލައިގެން ޢަދުއްލާމްގެ ފަރުބަދައެއްގެ ހޮހޮޅައަކަށް ވަދެއްޖެއެވެ. މި ޚަބަރު އޭނާގެ އާއިލާއަށް އިވުމުން އެމީހުން ދާއޫދުގެ ގާތަށް އަތުވެއްޖެއެވެ.

1 ޞަމޫއީލް 23:22

ދޭ ގޮސް އޭނާ އުޅޭ ތަނަކާ އޭނާ ބައްދަލު ކޮށް އުޅޭ ބަޔަކާ ރަނގަޅަށް އޮޅުން ފިލުވާ. އަހަރެން އަޑު އަހާ ގޮތުގައި އޭނާއަކީ ވަރަށް މަކަރު ގަދަ މީހެއް.

1 ޞަމޫއީލް 24:3

އިސާހިތަކު މަގުމަތީގައި ކަންބަޅިބަކަރި އައިންތަކެއް ހުރި ހިސާބަކަށް އެކަލޭގެފާނަށް ވަޑައިގެންނެވިއްޖެއެވެ. ދެން އެހިސާބުގައި ހުރި ހޮހަޅައަކާ އަރާ ހަމަވިތަނާ ޝާއުލްގެފާނު ހާޖަތެއް ފުއްދަވަން ޖެހިވަޑައިގެން އެތަނަށް ވެދެވަޑައިގެންފިއެވެ. އެވަގުތު ދާއޫދުއާއި އޭނާގެ މީހުން ތިބީ އެ ހޮހަޅައިގެ ފުނުގައެވެ.