2 ޞަމޫއީލް 14:28 - ކިތާބުލް މުޤައްދަސާ

²⁸ އަބްޝާލޫމް ޖެރޫސަލަމުގައި އުޅޭތާ ދެ އަހަރު ވީއިރު ވެސް ރަސްގެފާނުގެ ފައިންޕުޅެއް ނުފެނެއެވެ.

2 ޞަމޫއީލް 14:28 ပူးပေါင်းရင်းမြစ်များ

ފެށުން 33:10

ދެން ޔަޢުޤޫބުގެފާނު ވިދާޅުވިއެވެ. ”⁠ނޫން. ތިބާގެ ލޮލުން އަހަރެންނާއިމެދުގައި ރުހޭކަން އަހަރެންނަށް ފެންނާނީ އަހަރެންގެ ފަރާތުން މި ހަދިޔާ ތިބާ ގަބޫލު ކުރުމުން. ތިބާ ފެނި އަދި ތިބާ އަހަރެންނަށް މަރުޙަބާ ކީ ހިނދު ތިބާގެ މޫނު ފެނުނު ހިނދު، މާތްކަލާނގެ މޫނުފުޅު ފެނުމެކޭ އެއްފަދަ ވީހެން އަހަރެންނަށް ހީކުރެވުނު.

ފެށުން 43:3

ނަމަވެސް ޔަހޫޛާ ޔަޢުޤޫބުގެފާނަށް ދެންނެވިއެވެ. ”⁠އަހަރެމެން އެރަށަށް ދާނަމަ އަހަރެމެންގެ ކޮއްކޮ ގޮވައިގެން ނޫންގޮތަކަށް އެރަށަށް ގޮސްގެން ނުވާނެ ކަމުގައި ބުނެ އެ ރަށުގެ އަމީރު ވަނީ ވަރަށް ހަރުކަށި އިންޒާރެއް ދެއްވާފަ. އޭނާ ނުލައި އަހަރެމެން ދިޔަ ކަމުގައި ވިއަސް އެ ބޭފުޅާ އާއި ބައްދަލެއް ނުވާނެ.

2 ޞަމޫއީލް 14:24

އެކަމަކު ރަސްގެފާނު ވިދާޅުވިއެވެ. ”⁠އަބްޝާލޫމް އޭނާގެ ގެޔަށް ފޮނުވާލާ! އޭނާ އަހަރެންގެ ގާތަށް ގެނަސްގެން ނުވާނެ.⁠“ އެހެންވެ އަބްޝާލޫމް އޭނާގެ ގެޔަށް ހިނގައްޖެއެވެ. އަބްޝާލޫމަކަށް ރަސްގެފާނުގެ ފައިންޕުޅެއް ނުފެނުނެވެ.

2 ޞަމޫއީލް 14:29

ދެން އަބްޝާލޫމް ޔުއާބުގާތަށް މީހުން ފޮނުވައިފިއެވެ. އެމީހުންގޮސް ޔުއާބުގާތު އަބްޝާލޫމްއާ ބައްދަލު ކުރަން އައިސްދޭށޭ ބުނެފިއެވެ. އަބްޝާލޫމް އޭނާ ގާތު ބުނަން ބޭނުންވަނީ އޭނާގެ ބަދަލުގައި ރަސްގެފާނުގެ އަރިހަށް ގޮސް ދިނުމަށެވެ. އެކަމަކު ޔުއާބު އަބްޝާލޫމްގެ ގާތަކަށް ނައެވެ. އަބްޝާލޫމް ދެވަނަ ފަހަރު ވެސް ޚަބަރު ކޮށްފިއެވެ. އެކަމަކު ވެސް އޭނާއެއް ނައައެވެ.

މައްތާ 18:10

”⁠ސަމާލުވެ އަޑުއަހާ! މިއިން ކުޑަކުއްޖަކަށް ނިކަމެތިކޮށް ނުހިތާތި. މިކުދިންގެ މަލާއިކަތުން އުޑުގައި ވޮޑިގެންވާ އަހަރެންގެ ބައްޕާފުޅުގެ ޙަޟްރަތުގައި ހުރިހާ އިރެއްގައިވެސް ތިބޭނެ.