2 ޞަމޫއީލް 13:28 - ކިތާބުލް މުޤައްދަސާ

²⁸ ދެން އަބްޝާލޫމް އޭނާގެ ޚާދިމުންނަށް އެންގިއެވެ. ”⁠ހުޝިޔާރުވެ އަމްނޫނަށް ބަލަންތިބޭތި. އޭނާ މަސްތުވީމާ އަހަރެން އަންގާލާނަން. ދެން ކަލޭމެން ގޮސް އަމްނޫނަށް ހަމަލަދީ މަރާލާ. ކަލޭމެން ކުރަނީ އަހަރެން އެންގި ކަމެއް. ކަލޭމެންނަށް އެކަމުގެ އަދަބު ލިބިދާނެތީ ބިރެއް ގަންނާނެ ކަމެއްނެތް. ހިތްވަރުގަދަ ފަހުލަވާނުންގެ ގޮތުގައި ކަންތައް ކުރޭ!⁠“

2 ޞަމޫއީލް 13:28 ပူးပေါင်းရင်းမြစ်များ

ފެށުން 9:21

އެއްދުވަހަކު މޭބިސްކަދުރުގެ ދިޔަ ހުތްކޮށްގެން ހެއްދެވި ބުއިން ހިއްޕެވި ތަނާ އެކަލޭގެފާނު މަސްތުވެ ވަޑައިގެންނެވިއެވެ. އަދި އެކަލޭގެފާނުގެ ފޭލިގެކޮޅު ތެރެއަށް ވެއްޓިވަޑައިގެން އޮރިޔާން ޙާލުކޮޅުގައި އަވަހާރަފުޅު ލެއްޕެވުނެވެ.

2 ޞަމޫއީލް 11:13

ދެން ދާއޫދުގެފާނު އުރިއްޔާ ގެންނަވައި އޭނާއާއެކު ފަރީއްކުޅުއްވައި ހައްދަވައިފިއެވެ. އަދި އުރިއްޔާ މަސްތު ވެސް ކުރުއްވައިފިއެވެ. އެވަރުން ވެސް އޭނާ ގެޔަކަށް ނުދިޔައެވެ. އެރޭ ވެސް އުރިއްޔާ ނިދީ ރަސްގެފާނުގެ ގަނޑުވަރުގެ ޚާދިމުންގެ ތެރޭގައި ކުނާއަޅައިގެން އޮވެއެވެ.

2 ޞަމޫއީލް 11:15

އެ ސިޓީގައި ދާއޫދުގެފާނު ލިޔުއްވާފައި ވެއެވެ. ”⁠އުރިއްޔާ އެންމެ ހަނގުރާމަ ބާރު ހިސާބަށް ނެރޭ. ދެން އޭނާ އެކަނި ބަހައްޓާފައި ކަލޭމެން ފަހަތަށް ޖެހޭ. އެގޮތުން ހަނގުރާމަވެރިންގެ އަތުން އޭނާ މަރުވިޔަ ދީ.⁠“

2 ޞަމޫއީލް 12:10

އެހެންކަމުން ކަލޭގެފާނުގެ ގޭދޮށަކުން ދެން ކަނޑިއެއް ދުރެއް ނުވާނެޔޭ. އެއީ ކަލޭގެފާނު ޙިއްޘީންގެ އުރިއްޔާގެ އަނބިމީހާ ގެންދަވައި ކަލޭގެފާނުގެ އަނތްބަކަށް ހައްދަވައި ތިމަންކަލާނގެއާ މެދު އިހާނާތްތެރި ކޮށް ހިތީމައޭ.⁠‘

2 ޞަމޫއީލް 13:27

އެންމެފަހުން އަބްޝާލޫމް އެތައް ވަރަކަށް ދަންނަވައިގެން ރަސްގެފާނު އެކަލޭގެފާނުގެ އެހެން ދަރިކަލުންތަކަކާއެކު އަމްނޫން ވެސް ދިއުމުގެ ހުއްދަ ދެއްވައިފިއެވެ.

2 ޞަމޫއީލް 14:6

ކަލޭގެފާނުގެ ޚާދިމު ނިކަމެތި އަޅުގަނޑުގެ ތިބީ ދެކުދިން. އެދެކުދިން ހުސްބިމުގައި އެކަނި ތިބެގެން ތަޅާފޮޅަމުން ދިޔަ. އެކުދިން ދުރުކުރާނެ މީހަކު ނެތް. އެހެން އުޅެނިކޮށް އެއްކުއްޖަކު އަނެއްކުއްޖާގެ އަތުން މަރުވެއްޖެ.

ނެރުއްވުން 1:18

ދެން ފިރުޢައުނު މި ފޫޅުމައިން ބަލާފޮނުއްވައިގެން ގެންނަވައި ސުވާލު ކުރެއްވިއެވެ. ”⁠ކަލޭމެން ތިހެން ކަންތައް ކުރީ ކީއްވެ؟ އަހަރެން ބުނިހެން ފިރިހެން ދަރިން ނުމެރީ ކީއްވެ؟⁠“

ލޫކާސް 21:34

ބަލައިގެން އުޅޭ. ނޫނީ ކަލޭމެންގެ ހިތްތައް ފާފަވެރި ދިރިއުޅުމެއްގެ ތެރެއަށް ވެއްޓިދާނެ. އޭރުން ރާބޮއިގެން އަމަލު ވުމާއި ދިރިއުޅުމުގެ އުނދަގޫތަކާއި ހާސްކަން ކުރިމަތި ވާނެ. ދެން ކަލޭމެން ހީވެސް ނުކޮށް ނުވިސްނާ ތިއްބާ އެދުވަސް އައިސް

މަންދޫބުންގެ މަސައްކަތް 5:29

ޕަތަރަސްއާއި އެހެން ވެސް މަންދޫބުން މި ފަދައިން ބުނެ ޖަވާބުދިނެވެ. ”⁠އަޅުގަނޑުމެން ކިޔަމަން ވަނީ އިންސާނުންގެ ބަސްތަކަކަށް ނޫން. އަޅުގަނޑުމެން ކިޔަމަން ވަނީ މާތްރަސްކަލާނގެ ބަސްފުޅަށް.

ރާޢޫތު 3:7

ބޫޢަޒު ރޭގަނޑު ކައިބޮއި ނިމުނުއިރު ވަނީ ވަރަށް ބޮޑަށް ހިތްފުރިފައެވެ. އެހެންކަމުން ހަމަ ކައި ނިމުމާއި އެކު އޭނާ ދިޔައީ ނިދާށެވެ. އޭނާ ނިދާން އޮށޯތީ އެތާ ހުރި ގޮވާން ފުންޏެއްގެ ކައިރީގައެވެ. ރާޢޫތު އޭނާއަށް ނިދޭ ހާއިރު ކޮށްފައި މަޑުމަޑުން ގޮސް އޭނާގެ ފައިތިލަ ކަޝްފުކޮށްގެން އޮށޯތެވެ.

1 ޞަމޫއީލް 18:22

ދެން ޝާއުލްގެފާނުގެ އަރިހުބޭކަލުންނަށް އެންގެވިއެވެ. ”⁠ދާއޫދު އެކަނި ބަހައްޓައިގެން އޭނާ ގާތު މިވާހަކަ ކަލޭމެން ދައްކާ ބަލަ. ބުނޭ، ’⁠ރަސްގެފާނު ހުންނެވީ ކަލެއާ މެދު ވަރަށް ރުހި ވަޑައިގެންނޭ. އަދި އެކަލޭގެފާނުގެ އަރިހުބޭކަލުން ވެސް ކަލެއާ އެހާ ގަބޫލޭ. މިއީ އެ ރަސްގެފާނުގެ ދަރިކަނބަލަކާ ކަލޭ ކައިވެނި ކުރަން ރަނގަޅު ދަނޑިވަޅެކޭ.⁠‘⁠“

1 ޞަމޫއީލް 28:10

ޝާއުލްގެފާނު އޭނާ ކުރިމަތީގައި ހުވާ ކުރެއްވިއެވެ. ”⁠ދިރިދެމި ވޮޑިގެންވާ މާތްރަސްކަލާނގެ ގަންދީ ބުނަން. މިކަންތައް ކޮށްގެން ކަލެއަކަށް އަދަބެއް ނުލިބޭނެ.⁠“

1 ޞަމޫއީލް 28:13

ރަސްގެފާނު ވިދާޅުވިއެވެ. ”⁠ބިރުނުގަނޭ. ކަލެއަށް ފެންނަނީ ކޯނޗެއް؟⁠“ އަންހެން މީހާ ބުންޏެވެ. ”⁠އަހަންނަށް ބިމުން އަރައިގެން އަންނަ ރޫޙެއް އެބަ ފެނޭ.⁠“