2 ޞަމޫއީލް 13:14 - ކިތާބުލް މުޤައްދަސާ

¹⁴ އެކަމަކު އަމްނޫން ތާމާރުގެ ބަހެއް ނޭހިއެވެ. އޭނާ ތާމާރަށް ވުރެން ބާރުގަދައެވެ. އެހެންކަމުން އޭނާ ތާމާރާއެކު ގަދަކަމުން ޖިންސީ ގުޅުން ހިންގައިފިއެވެ.

2 ޞަމޫއީލް 13:14 ပူးပေါင်းရင်းမြစ်များ

ފެށުން 34:2

މި ސަރަހައްދުގެ މީސްތަކުންގެ މެދުގައި ކަމުވޮށިވެގެންވާ ޙިއްވީންގެ ދަރިކޮޅުގެ މީހެއް ކަމުގައިވާ ޙަމޫރުގެ ފިރިހެންދަރިފުޅު، ޝަކީމްއަށް ދީނާ ފެނުނެވެ. އެ ހިނދު މި ޝަކީމް ދީނާގެ މައްޗަށް ބާރުހިންގައި ގަދަކަމުން ޖިންސީ ގުޅުން ހިންގިއެވެ.

2 ޞަމޫއީލް 12:11

މިއީ މާތްރަސްކަލާނގެ ވަޙީކުރެއްވި ގޮތް: ’⁠މިހެންވެ ތިމަންކަލާނގެ ކަލޭގެފާނަށް އާފާތްތަކެއް ފޮނުއްވާނަމޭ. އެ މުސީބާތް އަންނާނީ ޚުދު ކަލޭގެފާނުގެ އާއިލާގެ ތެރޭންނޭ. ތިމަންކަލާނގެ ކަލޭގެފާނުގެ ލޯފުޅުމަތީގައި ކަލޭގެފާނުގެ އަނބިންތައް ކަލޭގެފާނުގެ ކިބައިން އަތުލައްވައި ކަލޭގެފާނުގެ ގާތް މީހުންގެ ތެރޭން މީހަކަށް ދެއްވާނަމޭ. އޭނާ ކަލޭގެފާނުގެ އަނބިންނާއެކީ އުޅޭނީ ހާމަކަން މަތީގައޭ.

2 ޞަމޫއީލް 13:15

ދެން ކުއްލިއަކަށް އަމްނޫން ތާމާރު ދެކެ ވަރަށްބޮޑަށް ފޫހިވެއްޖެއެވެ. އޭނާ ތާމާރު ދެކެ ކުރީގައި ލޯބިވީހާ ބޮޑަށް މިހާރު އޭނާ ދެކެ ނަފްރަތު ވެއްޖެއެވެ. އަމްނޫން ތާމާރުއާ ދިމާލަށް ބުންޏެވެ. ”⁠މިތަނުން ނުކުމެ ރައްކާވޭ!⁠“