2 ޞަމޫއީލް 12:24 - ކިތާބުލް މުޤައްދަސާ

²⁴ އޭގެ ފަހުން ދާއޫދުގެފާނު އެކަލޭގެފާނު އަނބިކަނބަލުން ބަތުޝަބާ މަސަލަސް ކުރެއްވިއެވެ. ދެން އެކަލޭގެފާނު އެކަމަނާއާއެކު ރޭކުރައްވައިފިއެވެ. ބަތުޝަބާ ބަލިވެ އިންނަވައި ދެވަނަ ފިރިހެން ދަރިފުޅާއިގެން ރައްކާވެއްޖެއެވެ. އެދަރިފުޅަށް ދާއޫދުގެފާނު ނަން ދެއްވީ ސުލައިމާން އެވެ. މާތްރަސްކަލާނގެ ސުލައިމާނު ދެކެ ލޯބިވެވޮޑިގެންނެވިއެވެ.

2 ޞަމޫއީލް 12:24 ပူးပေါင်းရင်းမြစ်များ

2 ޞަމޫއީލް 12:25

އޭގެ ފަހުން މާތްރަސްކަލާނގެ ނާޘާން ނަބީކަލޭގެފާނު މެދުވެރި ކުރައްވައި ސުލައިމާނަށް ޔަދީދިޔާގެ ނަމުން ނަން ދެއްވިއެވެ.

2 ޞަމޫއީލް 5:14

ދާއޫދުގެފާނަށް ޖެރޫސަލަމުގައި ހުންނަވަނިކޮށް ލިބިވަޑައިގެންނެވި ދަރިކަލުންތަކަކީ، ޝައްމޫޢުއާއި، ޝޫބާބުއާއި، ނާޘާންއާއި، އަދި ސުލައިމާން އެވެ.

2 ޞަމޫއީލް 7:12

ކަލޭގެފާނުގެ ދުވަސްތައް ނިމި ކަލޭގެފާނުގެ ކާބަފައިންގެ ތެރޭގައި އަރާމު ކުރަން ދިއުމުން ކަލޭގެފާނުގެ ދަރިޔަކު ރަސްކަމަށް އިސްކުރައްވައި އެ ރަސްކަން ތިމަންކަލާނގެ ބާރުވެރި ކުރައްވައި ދެއްވާނަމޭ.

ހަރުބަސްތައް 4:3

އަހަރެން ބައްޕަ ކައިރީގައި ތުއްތު ކުއްޖެއްގެ ގޮތުގައި ހުރި ހިނދު، މަންމަގެ ހުރި އެންމެ ދަރިފުޅު ކަމުގައި ވީހިނދު، ބައްޕަ ބުނުއްވިއެވެ. ”⁠ތިމަންގެ ބަސް ހިތުގެ ފުންމިނުގައި ބިންވަޅު ނަގާށެވެ. ތިމަން މިބުނާގޮތަށް ކަންތައް ކޮށްފިއްޔާ ކަލޭ ދިރިހުންނާނެއެވެ.

މައްތާ 1:6

ޔައްސާއަކީ ދާއޫދު ރަސްގެފާނުގެ ބަފައިކަލުންނެވެ. ދާއޫދުގެފާނަކީ ސުލައިމާނުގެފާނުގެ ބަފައިކަލުންނެވެ. (ސުލައިމާނުގެފާނުގެ މައިކަނބަލަކީ ކުރީން އޫރިއްޔާގެ އަނބިމީހާއެވެ.)