2 ޞަމޫއީލް 11:27 - ކިތާބުލް މުޤައްދަސާ

²⁷ ދެން އޭނާގެ ހިތާމައިގެ ދުވަސްތައް ނިމުމުން ދާއޫދުގެފާނު އޭނާ ގަނޑުވަރަށް ގެންނަވައި ކައިވެނި ބައްލަވައިގެންފިއެވެ. އެއަށް ފަހު ދާއޫދުގެފާނަށް އޭނާ ދަރިޔަކު ވިހައިފިއެވެ. އެކަމަކު މިހިނގި ކަންތަކާ މެދު މާތްރަސްކަލާނގެ ރުހިވޮޑިއެއް ނުގެންނެވިއެވެ.

2 ޞަމޫއީލް 11:27 ပူးပေါင်းရင်းမြစ်များ

ފެށުން 38:10

ނަމަވެސް އޫނާންގެ މި ނުބައިވެގެންވީ ޢަމަލާއިހެދި މާތްރަސްކަލާނގެ ރުހިވޮޑިގަތުން އޭނާއަކަށް ނުލިބުނެވެ. ދެން އެކަލާނގެ އޭނާގެ މަރު ހިއްޕެވިއެވެ.

2 ޞަމޫއީލް 12:9

އެހެން ކަންތައް ހުރި އިރު ކަލޭގެފާނު ތިމަންކަލާނގެ ބަސްތަކާ ޚިލާފުވީ ކީއްވެހޭ؟ ތިމަންކަލާނގެ ނަފްރަތުވާ ފަދަ ކަންތަކެއް ކުރެއްވީ ކީއްވެހޭ؟ ކަލޭގެފާނު އޫރިއްޔާގެ އަނބިމީހާ އަތުލައިގަންނަވައި އަދި ޢައްމޫނީންގެ ކަނޑިދަށުލައި އުރިއްޔާ މަރުއްވާ ލެއްވީއޭ.

2 ޞަމޫއީލް 15:26

މާތްރަސްކަލާނގެ އަހަންނާ މެދު ރުހިވޮޑިގެން ނުވާނަމަ އެކަލާނގެ އަހަންނާ މެދު ނިންމަވާނެ ގޮތެއް ނިންމަވާފާށި.⁠“

ހަރުބަސްތައް 6:29

މީހެއްގެ އަނތްބަކާއެކު އުޅުމަކީ އެފަދަ ކަމެކެވެ. އެމީހަކަށް އެކަމުގެ ޢުޤޫބާތް ލިބޭނެއެވެ.

މައްތާ 1:6

ޔައްސާއަކީ ދާއޫދު ރަސްގެފާނުގެ ބަފައިކަލުންނެވެ. ދާއޫދުގެފާނަކީ ސުލައިމާނުގެފާނުގެ ބަފައިކަލުންނެވެ. (ސުލައިމާނުގެފާނުގެ މައިކަނބަލަކީ ކުރީން އޫރިއްޔާގެ އަނބިމީހާއެވެ.)

ޢިބްރާނީންނަށް ސިޓީ 13:4

ކައިވެންޏަށް އެންމެން ވެސް އިޙްތިރާމް ކުރަންވާނެއެވެ. އަބަދުވެސް ބައިވެރިޔާއަށް ވަފާތެރި ވާންވާނެވެ. އެހެނީ ކައިވެނީގައި ބޭވަފާތެރިވާ މީހުންނާއި ވަހުޝީ މީހުންނަށް މާތްރަސްކަލާނގެ ޢަޒާބު ދެއްވާނެއެވެ.