2 ޞަމޫއީލް 10:14 - ކިތާބުލް މުޤައްދަސާ

¹⁴ ޢައްމޫނީންނަށް އަރާމީން ބަލިވެގެން ދުވާތަން ފެނިގެން އަބީޝާއިގެ ކުރިމަތީގައި ތިބި މީހުން ވެސް ދުއްވައިގެންފިއެވެ. އެމީހުން ދިޔަގޮތަށް އެނބުރި އެމީހުންގެ ރަށަށް ހިނގައްޖެއެވެ. އެހެންވެ ޔުއާބު ޢައްމޫނީންނާ ކުރި ހަނގުރާމައިން އެނބުރި ޖެރޫސަލަމަށް އަތުވެއްޖެއެވެ.

2 ޞަމޫއީލް 10:14 ပူးပေါင်းရင်းမြစ်များ

2 ޞަމޫއީލް 10:15

ދެން އަރާމީންނަށް އިސްރާއީލީން އެމީހުން ބަލިކޮށްލާފައި ދާތަން ފެނިގެން އެއެންމެން އެއްކޮށް ބޮޑު ލަޝްކަރެއްގެ ގޮތުގައި އައިސް ދިމާކޮށްލައިފިއެވެ.

2 ޞަމޫއީލް 11:1

ބަހާރު މޫސުން އައިސް ރަސްކަލުން ހަނގުރާމައަށް ނުކުންނަވާ ދުވަސް އައުމުން ދާއޫދު ރަސްގެފާނު ސިފައިންގެ ވެރިންނާއި ޔުއާބުއާއި އެކު މުޅި އިސްރާއީލުގެ ލަޝްކަރު އެކީގައި ގޮސް ޢައްމޫނީން ބަލި ކޮށް ރައްބާ ޙިސާރުކޮށް ފިއެވެ. އެކަމަކު ދާއޫދުގެފާނު ހުންނެވީ ޖެރޫސަލަމުގައެވެ.

2 ޞަމޫއީލް 20:6

ދާއޫދުގެފާނު އަބީޝާއިގެ ގާތު ވިދާޅުވިއެވެ. ”⁠އަބްޝާލޫމަށް ވުރެން ބިކްރީގެ ދަރި ޝަބަޢަގެ ނުރައްކާ އަހަރެމެންނަށް މާ ބޮޑު. އަހަރެމެންގެ ސިފައިން ގޮވައިގެން ގޮސް ޝަބަޢަގެ ކަންތައް ނިންމާލާ. އެހެންނޫނީ އޭނާ ގޮސް ކިއްލާއެއްގެ ފާރުން އެތެރެވެދާނެ. އެކަލޭގެ ރައްކާތެރި ރަށަކަށް ވަދެއްޖެއްޔާ އަތުލައެއް ނުގަނެވޭނެ.⁠“

2 ޞަމޫއީލް 22:38

މިއަޅާ ދުޝްމިނުންގެ ފަހަތުން ގޮސް އެމީހުން ފުނޑު ކޮށްލަމެވެ. އެމީހުން އެންމެން މަރާ ނުލާ މިއަޅާ އެނބުރިއެއް ނާންނަމެވެ.

2 ޞަމޫއީލް 23:18

ސަރޫވިޔަތުގެ ދަރި އަބީޝާއި އަކީ ޔުއާބުގެ ކޮއްކޮއެވެ. އޭނާއަކީ އެ ތިރީސް ފަހުލަވާނުންގެ އަމުރުވެރިޔާއެވެ. އަބީޝާއި އޭނާގެ ލޮންސިން ތިންސަތޭކަ ދުޝްމިނުންނާ ހަނގުރާމަކޮށް އެ އެންމެން މަރާލިއެވެ. އޭނާއަކީ ވެސް އެ ތިން ފަހުލަވާނުން ފަދައިން މަޝްހޫރު މީހެކެވެ.

2 ޞަމޫއީލް 8:12

އެއީ އަދޫމާއި، މުއާބުއާއި ޢައްމޫނީންނާއި ޢަމާލިޤީންނާއި އަދި އެނޫން ވެސް ފިލިސްޠީނުންގެ ރަށްތަކުންނެވެ. އެކަލޭގެފާނު ޒޫބާގެ ރަސްގެފާނު ރަހޫބުގެ ދަރި ހަދަދުޢަޒަރުގެ އަތުން އަތުލައިގަތް ޣަނީމާތަކާ މެދު ވެސް ކަންތައް ކުރެއްވީ އެގޮތަށެވެ.