2 ޞަމޫއީލް 10:12 - ކިތާބުލް މުޤައްދަސާ

¹² ހިތްވަރާއި ގަދަފަދަކަމާއެކު އަހަރެމެންގެ މީހުންނާއި އަހަރެމެންގެ ކަލާނގެ ސަހަރުތަކަށް ޓަކައި ހަނގުރާމަކުރަމާ ހިނގާ! މާތްރަސްކަލާނގެ އެދިވޮޑިގެންވާ ގޮތަކަށް ހިންމަވާފާނެ.⁠“

2 ޞަމޫއީލް 10:12 ပူးပေါင်းရင်းမြစ်များ

2 ޞަމޫއީލް 10:11

ޔުއާބު އަބީޝާއި ގާތު ބުންޏެވެ. ”⁠އަރާމީން އަހަރެމެންނަށް ވުރެން ގަދަވާން ފަށައިފި ނަމަ ކަލޭ އަހަރެންނާ އެހީވާން އާދޭ! އަދި ޢައްމޫނީން ކަލެއަށް ވުރެން ގަދަވާގޮތް ވެއްޖެނަމަ އަހަރެމެން ކަލެއަށް އެހީވާން ދާނަން.

2 ޞަމޫއީލް 15:26

މާތްރަސްކަލާނގެ އަހަންނާ މެދު ރުހިވޮޑިގެން ނުވާނަމަ އެކަލާނގެ އަހަންނާ މެދު ނިންމަވާނެ ގޮތެއް ނިންމަވާފާށި.⁠“

ޢިބްރާނީންނަށް ސިޓީ 11:33

މި މީހުންގެ އީމާންތެރިކަމުގެ ސަބަބުން އެތައް ރަސްކަމެއް ވައްޓާލައި ފަތަޙަ ހޯދާފައިވެއެވެ. އަދި އެ ރަށްރަށުގައި އަދުލު އިންސާފު ގާއިމު ކުރިއެވެ. އަދި މާތްރަސްކަލާނގެ ވަޢުދު ކުރެއްވި ކަންތައްތައް ވެސް އެމީހުން ލިބިގަތެވެ. އެމީހުން ވަނީ ސިންގާތަކުގެ އަނގަތައް ލައްޕުވައިފިއެވެ.

ޢިބްރާނީންނަށް ސިޓީ 13:6

އަހަރެމެން ނިކަން ކެރިގެން މިހެން ބުނަމާހިނގާށެވެ. ”⁠މާތްރަސްކަލާނގެއަކީ އަހަރެންގެ އެހީތެރިޔާއެވެ. އެހެންވެ އަހަރެން ބިރެއް ނުގަންނާނެއެވެ. އިންސާނަކަށް އަހަންނަށް ދެވޭނީ ކޮން ދެރައެއް ހެއްޔެވެ؟⁠“

1 ޞަމޫއީލް 14:12

ދެން ފިލިސްޠީނުގެ ހަނގުރާމަވެރިން ބުންޏެވެ. ”⁠މިތާ މައްޗަށް އަރާ. ކަލޭމެންނަށް ކުޅިސަމާ ދައްކާނަން.⁠“ ދެން ޔޫނަތައިން އޭނާގެ އެހީތެރިޔާ އަށް ބުންޏެވެ. ”⁠ކަލޭ އަހަރެންގެ ފަހަތުން އަރާ. މާތްރަސްކަލާނގެ ފިލިސްޠީނުން އިސްރާއީލުގެ އަތްދަށަށް ގެންދަވައިފި.⁠“

1 ޞަމޫއީލް 14:6

ޔޫނަތައިން ހަތިޔާރު އުފުލާ މީހާގެ ގާތު ބުންޏެވެ. ”⁠ހިނގާ މިތިބަ ޚިތާނު ނުކުރާ މީހުންނަށް ހަމަލަ ދޭން. މާތްރަސްކަލާނގެ ހިންމަވައި ދެއްވައިފިނަމަ އަހަރެމެންގެ ދެމީހުން އެކަނި ދިމާކޮށްލިޔަސް ކާމިޔާބު ވެދާނެ. އެހެނީ ކާމިޔާބު ވަނީ ލަޝްކަރުގެ ކުޑަ ބޮޑުމިނަކުން ނޫން. މާތްރަސްކަލާނގެ އެހީތެރިވެ ވޮޑިގެންފިނަމަ ކިތަންމެ މަދު ބަޔަކަށް ވެސް ކިތަންމެ ބޮޑު ލަޝްކަރެއް ވެސް ބަލި ކޮށްލެވިދާނެ.⁠“

1 ޞަމޫއީލް 17:32

ދާއޫދު ދެންނެވިއެވެ. ”⁠އެ ފިލިސްޠީނު މީހާ ދެކެ ބިރުގަންނާނީ ކާކުތޯ؟ އަޅުގަނޑު ގޮސް އޭނާ ތިރިއަރުވާ ލާނަން.⁠“

1 ޞަމޫއީލް 3:18

ދެން ޞަމޫއީލް އެއްވެސް ކަމެއް ފޮރުވުމެއް ނެތި ހުރިހާ ވާހަކައެއް ކިޔާދިނެވެ. ޢާލީ ބުންޏެވެ. ”⁠އެއީ މާތްރަސްކަލާނގެ! އެކަލާނގެ ބޭނުންފުޅުވެ ވޮޑިގަންނަވާ ގޮތަކަށް އެ ކަމެއް ހިންމަވާފާނެ.⁠“

1 ޞަމޫއީލް 4:9

ހިތްވަރުގަދަ ކުރޭ. ފިރިހެނުންގެ ގޮތުގައި ހަނގުރާމަ ކުރޭ. އެހެންނޫނީ އަހަރެމެންނަށް އެމީހުން އަޅުވެތިވީ ފަދައިން އަހަރެމެން ވެސް އެމީހުންނަށް އަޅުވެތިވާން ޖެހިދާނެ.⁠“