ތިސަލޯނިކާގެ މަސީޙީންނަށް ފުރަތަމަ ސިޓީ 2:18 - ކިތާބުލް މުޤައްދަސާ

¹⁸ ތިޔަބައިމީހުންގެ ކައިރިއަށް ދިއުމަށް އަހަރެމެން ވަރަށްބޮޑަށް އެދެމެވެ. އަހަރެން، ޕައުލް، ގިނަފަހަރު ދެވޭތޯ ބެލީމެވެ. ނަމަވެސް ޝައިތާނާ އެކަމަށް ހުރަސްއެޅިއެވެ.

ތިސަލޯނިކާގެ މަސީޙީންނަށް ފުރަތަމަ ސިޓީ 2:18 ပူးပေါင်းရင်းမြစ်များ

މައްތާ 4:10

އީސާގެފާނު އިބިލީހަށް ވިދާޅުވިއެވެ. ”⁠އަހަރެން ދޫކޮށް މިތަނުން ދުރަށްދޭ ޝައިތާނާ! މުޤައްދަސް ފަތްފުށްތަކުގައި ލިޔެވިގެން ވަނީ: ’⁠ހަމައެކަނި އަޅުކަން ކުރަންވާނީ ތިޔަބައިމީހުންގެ އިލާހު، މާތްރަސްކަލާނގެއަށޭ. އަދި ޚިދުމަތް ކުރާން ޖެހޭނީ ވެސް އެކަލާނގެއަށޭ.⁠‘⁠“

ފިލިއްޕީގެ މަސީޙީންނަށް ސިޓީ 4:16

މީގެ އިތުރުން އަހަރެން ތިސަލޯނިކާގައި ވީހިނދުގައި ވެސް މެއެވެ. އަހަރެން އެހީތެރިކަމަށް ބޭނުންވެފައިވީ ހިނދު އެ އެހީތެރިކަން ތިޔަބައިމީހުން ފޯރު ކޮށްދިނީ އެންމެ ފަހަރަކު ނޫނެވެ. ދެފަހަރު މަތިން ވެސް ފައިސާގެ އެހީ ފޮނުވައި ދިނީމުއެވެ.

ކުލޫއްސީގެ މަސީޙީންނަށް ސިޓީ 4:18

އަހަރެން، ޕައުލް، ތިޔަބައިމީހުންނަށް ތަހުނިޔާ ފޮނުވުމަށް މިސިޓީގައި މިލިޔާ ބައި ލިޔަމުން މިގެންދަނީ އަހަރެންގެ އަތު ލިޔުމުންނެވެ. އަހަރެން ޖަލުގައި ހައްޔަރުވެ ހިލިހިލާ ޖެހިފައިވާކަން ތިޔަބައިމީހުންގެ ހަނދާނުގައި ބެހެއްޓުމަށް އެދެމެވެ. މާތްރަސްކަލާނގެ ނިޢުމަތްފުޅު ތިޔަބައިމީހުންނާ އެކުގައި ވާށިއެވެ!

ތިސަލޯނިކާގެ މަސީޙީންނަށް ދެވަނަ ސިޓީ 3:17

އަހަރެން ޕައުލް މި ތަހުނިޔާ މިލިޔަނީ އަހަރެންގެ އަމިއްލަ އަތުންނެވެ. އެއީ އަހަރެންގެ ހުރިހާ ސިޓީތައް ވަކިކުރުމަށްޓަކައި ނިޝާނެއްގެ ގޮތުގައެވެ. އެއީ އަހަރެން ލިޔާގޮތެވެ.

ހާމަކޮށްދެއްވުންތަކެއް 2:10

ތިޔަބައިމީހުން މުސީބާތުގައި ވުމުން އެކަމާއި ކަންބޮޑު ނުވެ ދެކިބަލަ! ޝައިތާނާ ތިޔަބައިމީހުން ޖަލުގައި ހައްޔަރު ކުރާނެ. އެއީ ތިޔަބައިމީހުން އިމްތިޙާނު ކުރުމަށް. އަދި އެ މުސީބާތުގައި ދިހަ ދުވަސް ތިޔަބައިމީހުން ހޭދަ ކުރާނެ. ނަމަވެސް ތިޔަބައިމީހުން މަރުވެދިޔުމާއި ހަމައަށް އީމާންތެރިކަމުގައި ސާބިތުވެ ތިބޭ! އޭރުން ޙަޔާތުގެ ތާޖު އަހަރެން ތިޔަބައިމީހުންނަށް ދޭނަން.