1 ޞަމޫއީލް 6:4 - ކިތާބުލް މުޤައްދަސާ

⁴ ”⁠އަހަރެމެން ކުށުގެ ކައްފާރާއެއްގެ ގޮތުގައި އިސްރާއީލުގެ ކަލާނގެއަށް ގެންދަންވީ ކޮން ކަހަލަ ޤުރުބާނީއެއް ތޯ؟⁠“ އެމީހުން ބުނެއްޕެވެ. ”⁠ކަލޭމެންގެ ގައިގައި ނެގި ބަލިމަޑުކަމުގެ ސިފައިގައި ރަނުން އޭގެ ފަސް ސޫރަ ހަދައި ރަނުގެ ފަސް މީދަލުގެ ސޫރަ ހަދައި އެއެއްޗެހި ގެންދޭ. އެހެނީ ކަލޭމެންނެކޭ އެއްގޮތަށް ކަލޭމެން ފިލިސްޠީނީންގެ ފަސް ސަހަރުގެ ވެރިންނަށް ވެސް ވަނީ އެ ބަލިމަޑުކަން ޖެހިފައި.

1 ޞަމޫއީލް 6:4 ပူးပေါင်းရင်းမြစ်များ

ނެރުއްވުން 12:35

އިސްރާއީލީން މޫސާގެފާނު ވިދާޅުވި ހުރިހާ ގޮތެއް ހަދަމުން ދިޔައެވެ. އެމީހުން މިޞްރުގެ މީހުންގެ ގާތުން އަންނައުނާއި ރަންރިހީގެ ގަހަނާއަށް އެދެމުން ދިޔައެވެ.

1 ޞަމޫއީލް 5:12

މިކަންތަކުގެ ތެރޭގައި އެތައް ބަޔަކު މަރުވެދާން ފަށައިފިއެވެ. މަރުނުވެ ތިބި މީހުންގެ ގައިން މުލިހި ނަގައިފިއެވެ. ޢަގްރޫންގެ މީހުން ހޭރޭ އަޑު އުޑާ ހަމަޔަށް އުފުލިއްޖެއެވެ.

1 ޞަމޫއީލް 5:6

އަޝްދޫދުގެ މީހުންނާއި އެ ހިސާބު ކައިރީގައިވާ އެންމެންނަށް މާތްރަސްކަލާނގެ ބޮޑުވެގެންވާ މުސީބާތެއް ފޮނުއްވިއެވެ. އެމީހުންގެ ގައިގެ ހަމުގައި މުލިހި ނަގައި މުޅި ހިސާބުގަނޑަށް ބިރުވެރިކަން ފެތުރިއްޖެއެވެ.

1 ޞަމޫއީލް 5:9

މާތްރަސްކަލާނގެ ފޮށިކޮޅު ޖައްތަށް ގެންދެވުމުން އެ ސަހަރުގެ މީހުންނަށް އެކަލާނގެ ބޮޑު މުސީބާތެއް ކުރިމަތި ކުރައްވައި އެންމެންގެ ތެރޭގައި ހާސްކަން ފަތުރުއްވައިފިއެވެ. އެ ސަހަރުގެ ކުދިބޮޑު އެންމެންގެ ގައިން މުލިހި ނަގައިފިއެވެ.

1 ޞަމޫއީލް 6:5

ކަލޭމެންގެ ގައިގައި ނަގާފައި ހުރި މުލިހީގެ ސޫރައާއި އަދި ޤައުމު ހަލާކުކުރަމުން ދާ މީދާތަކުގެ ސޫރަ ހަދައިގެން ގެންގޮސް އިސްރާއީލުގެ ކަލާނގެއަށް މާތްކޮށް ހިތައިފި ނަމަ، ފަހަރުގައި ކަލޭމެންގެ ގައިންނާއި ކަލޭމެންގެ ކަލާނގެތަކުންނާއި ކަލޭމެންގެ ބިމުން އަތްޕުޅު އުފުއްލަވައިފާނެ.

1 ޞަމޫއީލް 6:8

ދެން ކަލޭމެންގެ ކުށުގެ ކައްފާރާ އަކަށް ހުށަހެޅުމަށް ތައްޔާރު ކުރި ރަނުގެ ތަކެތި ފޮއްޓަކަށް ލާފައި އެ ފޮށިކޮޅުގެ ކާރީގައި ބަހައްޓާ. ދެން އެތަކެތި ގާޑިޔަލަށް ލާފައި ގެރިތައް ދާނެ ގޮތަކަށް ދާން ދޫކޮށްލާ.